28-Mar-2025

ସିନାପାଲି(ପରମେଶ୍ୱର ମେହେର )ନୁଆପଡ଼ା ଜିଲ୍ଲା ସିନାପାଲି ଅଂଚଳର କଳା,ସାହିତ୍ଯ, ସଂସ୍କୃତିର ମହାପର୍ବ ଉଦନ୍ତୀ ମହୋତ୍ସବ ଆଜି ଶୁକ୍ରବାର ଠାରୁ ଆରମ୍ଭ ହେବ ା ଏନେଇ ପ୍ରସ୍ତୁତି ପ୍ରାୟ ଶେଷ ପର୍ଯ୍ଯାୟରେ ପହଂଚିଛି ା ଚଳିତ ବର୍ଷ ଅଂଚଳର ଲୁପ୍ତପ୍ରାୟ ସଂସ୍କୃତିକୁ ନେଇ ସ୍ୱତଂତ୍ର ଭାବରେ ତିଆରି ହୋଇଥିବା ମଂଚ ସମସ୍ତଙ୍କ ଦୃଷ୍ଟି ଆକର୍ଷଣ କରିବ ା ଏ ଅବସରରେ ନୂଆପଡ଼ା ଜିଲ୍ଲା ସମେତ କଳାହାଣ୍ତି, ଖୋର୍ଦ୍ଧା, ବଲାଙ୍ଗିର, ବରଗଡ଼, ରାୟଗଡ଼ା ଆଦି ଜିଲ୍ଲାର ଲୋକକଳା ପରିବେଷଣ ହେବ ା ଏଥିସହ ଶେଷ ସଂଧ୍ଯାରେ ପ୍ରସିଦ୍ଧ ଗାୟକ ଗାୟିକାଙ୍କୁ ନେଇ ସଙ୍ଗୀତ ପରିବେଷଣ ହେବ ା ସେହିପରି ତିନିଦିନ ବ୍ଯାପୀ ଅନୁଷ୍ଠିତ ହେଉଥିବା ମହୋତ୍ସବର ଭିନ୍ନଭିନ୍ନ ସାଂସ୍କୃତିକ ସଂଧ୍ଯାରେ ରାଜ୍ଯ ସରକାରଙ୍କ ଏକାଧିକ ମଂତ୍ରୀ ସହ ଜିଲ୍ଲା ଓ ବ୍ଲକ ପ୍ରଶାସନର ଅଧିକାରୀ ଏବଂ ଜନପ୍ରତିନିଧି ଯୋଗଦାନ କରିବେ ା   ଏଥିସହ ମହିଳା, ପୁରୁଷ, ଛାତ୍ରଛାତ୍ରୀ ଆଦିଙ୍କ ପାଇଁ ବିଭିନ୍ନ ଛକରେ ଝୋଟି, ହୁଳହୁଳି, ଆଧ୍ଯାତ୍ମିକ ପ୍ରଶ୍ନମଂଚ ଆଦି ପ୍ରତିଯୋଗିତା ଓ କବିତାପାଠ, ଆଲୋଚନାଚକ୍ର ଆଦି ରଖାଯାଇଛି ା ମହୋତ୍ସବର ଉଦଘାଟନୀ ଦିବସରେ ପାରମ୍ପରିକ ସାଂସ୍କୃତିକ ଦଳ ମାନଙ୍କୁ ନେଇ ଏକ ଭବ୍ଯ ସାଂସ୍କୃତିକ ଶୋଭାଯାତ୍ରା ସିନାପାଲି ନଗର ପରିକ୍ରମା କରିବ ା ପାରମ୍ପରିକ ଖାଦ୍ଯ ଓ ଅନ୍ଯାନ୍ଯ ସାମଗ୍ରୀକୁ ନେଇ ମହୋତ୍ସବ ପଡ଼ିଆରେ ପ୍ରାୟ ପଚାଶଟି ଷ୍ଟଲ ପଡ଼ିଥିବା ବେଳେ ମିନାବଜାର ମଧ୍ଯ ଲୋକଙ୍କୁ ଆକର୍ଷିତ କରିବ ା ସୂଚନାଯୋଗ୍ଯ ଯେ କୋଡ଼ିଏ ବର୍ଷ ତଳେ ସ୍ଥାନୀୟ ସ୍ପୋଟ୍ସ କ୍ଲବର ଉଦ୍ଯମରେ ଆରମ୍ଭ ହୋଇଥିବା ଏହି ସାଂସ୍କୃତିକ ପର୍ବ ପରବର୍ତ୍ତୀ ବର୍ଷରୁ ସାଧାରଣ ଲୋକଙ୍କ ଉତ୍ସବରେ ପରିଣତ ହୋଇଥିଲା ା  ମହୋତ୍ସବ ଦେଖିବାକୁ ଆଖପାଖ ଜିଲ୍ଲା ସମେତ ପଡ଼ୋଶି ଛତିଶଗଡ଼ ଅଂଚଳରୁ ହଜାରହଜାର ଦର୍ଶକଙ୍କ ଭିଡ଼ ଜମୁଥିବାରୁ ମହୋତ୍ସବ ପାଳନ କମିଟି ଓ ସ୍ଥାନୀୟ ପୋଲିସ ପ୍ରଶାସନ ତରଫରୁ ବ୍ଯାପକ ବ୍ଯବସ୍ଥା କରାଯାଇଛି ା