26-Mar-2025

ବଲାଙ୍ଗୀର, ବଲାଙ୍ଗୀର ଗାନ୍ଧି ପାଠାଗାର ଛକ ପାର୍କିଂ ପରିସରରେ ବଲାଙ୍ଗୀର ଜିଲ୍ଲା ଆମେଚର୍ ବଡି ବିଲଡର୍ସ ଆସୋସିଏସନ ପକ୍ଷରୁ ପଶ୍ଚିମ ଓଡ଼ିଶାଶ୍ରୀ-୨ଠ୨୫ ଆୟୋଜିତ ହୋଇଯାଇଛି ।ଏଥିରେ ପ୍ରଶାନ୍ତ ଦାଶ ଚମ୍ପିୟାନ ଅଫ୍ ଚମ୍ପିୟାନ୍ସ ଆଖ୍ୟା ଳାଭ କରିଛନ୍ତି । ଅନୁଷ୍ଠିତ ଚମ୍ପିୟାନସିପ୍ ରେ ପଶ୍ଚିମ ଓଡ଼ିଶାର ବିଭିନ୍ନ ଜିଲ୍ଲାରୁ ପ୍ରାୟ ୮ଠଜଣ ପ୍ରତିଯୋଗୀ ଅଂଶଗ୍ରହଣ କରିଥିଲେ। ସୁନ୍ଦର ସ୍ୱାସ୍ଥ୍ୟରେ ୭ଟି ବିଭାଗ ଓ ମେନ୍ ଫିଜିକ୍ ରେ ୨ଟି ବିଭାଗରେ ପ୍ରତିଯୋଗିତା ହୋଇଥିଲା । ଜିଲ୍ଲା ଓକିଲ ସଂଘର ସଭାପତି ଅମରେଶ ତ୍ରିପାଠି, ବଲାଙ୍ଗୀର ମୁନିସିପାଲିଟି ପୌରାଧ୍ୟକ୍ଷା ଲିକା ସାହୁ ଓ ବରିଷ୍ଠ ବିଜେପି ନେତା ଗୋପାଳଜୀ ପାଣିଗ୍ରାହୀ ସମ୍ମାନିତ ଅତିଥି ଭାବରେ ଯୋଗ ଦେଇଥିଲେ। ଜିଲ୍ଲା ଆମେଚର୍ ବଡି ବିଲଡର୍ସ ଆସୋସିଏସନ୍ ର ସଂପାଦକ ସଂଜୟ ଶତପଥୀଙ୍କ ଆବାହକତ୍ୱରେ ଅନୁଷ୍ଠିତ ପ୍ରତିଯୋଗିତାରେ ରୂପକ ବରାଳ, ଡୋଳାମଣି ମେହେର, ଶିବ ମହାରଣ ଓ ଅଶୋକ ନାୟକ ବିଚାରକ ଭାବେ ଯୋଗ ଦେଇଥିଲେ । ସୁନ୍ଦର ସ୍ୱାସ୍ଥ୍ୟରେ ପ୍ରଶାନ୍ତ ଦାଶ ଚମ୍ପିୟାନ ହୋଇଥିବା ବେଳେ ହେମନ୍ତ କାଲସାଏ ରନର୍ସ ଅଫ୍ ହୋଇଥିଲେ । ମେନ୍ ଫିଜିକ୍ ରେ ପ୍ରଥମ ଗୃପ୍ ରେ ହେମନ୍ତ କାଲସାଏ ଓ ଦ୍ୱିତୀୟ ଗୃପ୍ ରେ ତବରେଜ୍ ଖାନ୍ ଚମ୍ପିୟାନ୍ ହୋଇଥିଲେ । ରୂପକ ବରାଳ ପ୍ରତିଯୋଗିତା ପରିଚାଳନା କରିଥିଲେ। ସଂଗ୍ରାମ ବବହିଦାର, ବବନ ମିଶ୍ର, ଜିତେନ୍ଦ୍ର ନାଗ, ଅନୀଲ ନାଏକ, ଶମ୍ଭୁପ୍ରସାଦ ଭୋଇ, ରାଜୁ ସାହୁ, ସତ୍ୟପ୍ରସାଦ ହୋତା ପ୍ରମୁଖ ପରିଚାଳନାରେ ସହଯୋଗ କରିଥିଲେ ।