26-Mar-2025

ବରୀ(ରଞ୍ଜିତ ମହାନ୍ତି): ନିକଟରେ ପ୍ରକାଶିତ ଗ୍ରାଜୁଏଟ୍ ଆମ୍ପିଚ୍ୟୁଟ୍ ଟେଷ୍ଟ (ଗେଟ୍) ରେ ସର୍ବ ଭାରତୀୟ ସ୍ତରରେ ତୃତୀୟ ସ୍ଥାନ ଅଧିକାର କରିଛନ୍ତି ବରୀ ବ୍ଲକ ହାଟସାହି ଗ୍ରାମର ମୁକ୍ତି ପ୍ରସନ୍ନ ରଥ। ବର୍ତ୍ତମାନ ସେ ରାଉରକେଲାସ୍ଥିତ ଜାତୀୟ ବୈଷୟିକ ପ୍ରତିଷ୍ଠାନର ଚତୁର୍ଥ ବର୍ଷ ଛାତ୍ର। ଶ୍ରୀ ରଥ ନିଜର ମେଧା ପାଇଁ ପ୍ରାଥମିକ ସ୍ତରରୁ ଉଚ୍ଚ ବିଦ୍ୟାଳୟ ପର୍ଯ୍ୟନ୍ତ ସବୁଠାରେ ବୃଦ୍ଧି ପାଇ ଆସୁଥିଲେ। ଅଞ୍ଚଳରେ ନିଃଶୁକ୍ଳ ଭାବେ ଶିକ୍ଷାଦାନ କରି ଆସୁଥିବା ବିଜୟ ରଥଙ୍କ ଏକମାତ୍ର ପୁଅ ମୁକ୍ତି ପ୍ରସନ୍ନ କୌଣସି ନିର୍ଦ୍ଦିଷ୍ଟ ଶିକ୍ଷା କେନ୍ଦ୍ରରୁ ପ୍ରଶିକ୍ଷଣ ନ ନେଇ ଅନଲାଇନ୍ ମାଧ୍ୟମରେ ପ୍ରସ୍ତୁତ ହୋଇ ଏହି ସଫଳତା ପାଇଥିବାର ଜଣାପଡ଼ିଛି। ନିଜର ଏହି ସଫଳତା ପାଇଁ ମୁକ୍ତି ପ୍ରସନ୍ନ ବାପା ବିଜୟ ରଥ, ମାତା ଶିକ୍ଷୟିତ୍ରୀ ସସ୍ମିତାରାଣା ରଥ ଓ ପରିବାରବର୍ଗଙ୍କୁ ଶ୍ରେୟ ଦେଇଛନ୍ତି।