25-Mar-2025

ରିପୋର୍ଟ: ମୋହନ ସୁନା 

କଣ୍ଟାବାଞ୍ଜି: ସରକାର ଙ୍କ ନୂତନ ଖାଦ୍ୟ ନୀତି ଅନୁସାରେ ଅଯୋଗ୍ୟ ହିତାଧିକାରୀ ମାନଙ୍କୁ ରାସନ୍ କାର୍ଡ କଟାଯାଇ ଯୋଗ୍ୟ ହିତାଧିକାରୀ ମାନଙ୍କୁ ନୂତନ ରାସନ୍ କାର୍ଡ ଦିଆଯିବ। କିନ୍ତୁ କିଛି କର୍ତ୍ତବ୍ୟ ହେଳା କରୁଥିବା ଅଫିସର ମାନଙ୍କ ପାଇଁ ଅନେକ ଯୋଗ୍ୟ ଏବଂ ଗରିବ ହିତାଧିକାରୀଙ୍କ ରାସନ୍ କାର୍ଡ ମଧ୍ୟ କଟି ଯାଉଥିବା ଅଭିଯୋଗ ରହିଛି। ବଲାଙ୍ଗୀର ଜିଲ୍ଲା ବଙ୍ଗୋମୁଣ୍ଡା ଗ୍ରାମ ର ବଂଶରି ରଣାଙ୍କ ରାସନ୍ କାର୍ଡ କେୱାଇସି କରିବା ସ୍ୱତ୍ତେ ମଧ୍ୟ ମାର୍ଚ୍ଚ ମାସ ରୁ କଟି ଯାଇଥିବା ସେ ଅଭିଯୋଗ କରିଛନ୍ତି।ବଙ୍ଗୋମୁଣ୍ଡା ରେ ବସବାସ କରୁଥିବା ବଂଶରି ରଣା ଅତି ଗରିବ ଶ୍ରେଣୀର ବିଧବା ମହିଳା ଅଟନ୍ତି। ଅନେକ ବର୍ଷରୁ ସେ ସରକାର ଙ୍କ ତରଫରୁ ୫ କେଜି ଚାଉଳ ପାଉଥିଲେ ହେଲେ ମାର୍ଚ୍ଚ ମାସରୁ ତାଙ୍କ କାର୍ଡ କଟି ଯାଇଥିବାରୁ ତାଙ୍କୁ ଆଉ ଚାଉଳ ମିଳୁନାହିଁ। ତେଣୁ ସେ ଟାଣ ଖରାରେ ନିଜ କାର୍ଡ କୁ ପୁଣି ଚାଲୁ କରିବା ପାଇଁ ପଞ୍ଚାୟତ ରୁ ବ୍ଲକ କୁ ଧାଉଛନ୍ତି। ଏନେଇ ବଙ୍ଗୋମୁଣ୍ଡା ସରପଞ୍ଚ ଅଜିତ୍ ଯୋଷୀ ଙ୍କୁ ପଚାରୀବାରୁ ସେ ପ୍ରକୃତରେ ବଙ୍ଗୋମୁଣ୍ଡା ପଞ୍ଚାୟତରେ ଅନେକ ଗରିବ ହିତାଧିକାରୀ ମାନଙ୍କ ରାସନ୍ କାର୍ଡ କଟି ଯାଇଥିବା କହିଥିଲେ ଏ ବିଷୟ ନେଇ ଅଜିତ୍ ଯୋଷୀ ଯୋଗାଣ ବିଭାଗ ଅଫିସର ଙ୍କୁ ଜଣାଇଥିଲେ ସୁଦ୍ଧା ଅଫିସର ତାଙ୍କୁ ଯାହା କରିବାର ଅଛି କରନ୍ତୁ କାର୍ଡ କଟିବ ବୋଲି କହିଥିବା ସେ ଗଣ ମାଧ୍ୟମକୁ ଜଣାଇଛନ୍ତି। ଏଭଳି ସ୍ଥିତିରେ ପ୍ରଶାସନ ଏଥି ପ୍ରତି ଦୃଷ୍ଟି ଦେଇ ବଂଶରି ରଣାଙ୍କ ସହିତ ଅନ୍ୟ ଯୋଗ୍ୟ ହିତାଧିକାରୀଙ୍କ କଟି ଯାଇଥିବା କାର୍ଡକୁ ଶୀଘ୍ର ଚାଲୁ କରିବା ଦିଗରେ ବଲାଙ୍ଗୀର ଜିଲ୍ଲା ପ୍ରଶାସନ ପଦକ୍ଷେପ ନେବାକୁ ଦାବି ହେଉଛି।