25-Mar-2025

ବଲାଙ୍ଗୀର:ବଲାଙ୍ଗୀର ଜିଲ୍ଲା ଲୋଇସିଂହା ବ୍ଲକ ବବଜା ସରକାରୀ ଉଚ୍ଚ ପ୍ରାଥମିକ ବିଦ୍ୟାଳୟରେ ବିଦାୟକାଳୀନ ସମ୍ବର୍ଦ୍ଧନା ସଭା ଅନୁଷ୍ଠିତ ହୋଇଯାଇଛି। ପ୍ରଧାନ ଶିକ୍ଷକ ରାହାସ ବିହାରୀ ପଟେଲଙ୍କ ଅଧ୍ଯକ୍ଷତାରେ ସହକାରୀ ଶିକ୍ଷକ ଶ୍ରୀ ରାଜେଶ ସୁନା, ସରୋଜ ପଧାନ ଓ ସମ୍ବିତ କୁମାର ବିଶ୍ବାଳ ଶିକ୍ଷାର୍ଥୀ ମାନଙ୍କୁ ଅଧ୍ୟୟନ ପୀପାସୁ ହେବାକୁ ଉତ୍ସାହିତ କରିଥିଲେ। ଅନ୍ୟମାନଙ୍କ ମଧ୍ଯରେ ବିଦ୍ୟାଳୟର ଅନ୍ୟ ଛାତ୍ରଛାତ୍ରୀ ଯୋଗଦେଇ ଗୁରୁଜନଙ୍କ ଆଶୀର୍ବାଦ କାମନା ସହ ଭଲ କାମ କରିବାକୁ ପରାମର୍ଶ ଦେଇଥିଲେ। ଏହି ଅବସରରେ

ବିଦାୟୀ ଅଷ୍ଟମ ଶ୍ରେଣୀ ଛାତ୍ରଛାତ୍ରୀମାନଙ୍କୁ ଉଚ୍ଚ ପ୍ରାଥମିକ ବିଦ୍ୟାଳୟ ତରଫରୁ ଉପହାର ପ୍ରଦାନ କରାଯାଇଥିଲା । ସେହିପରି ବିଦାୟୀ ଅଷ୍ଟମ ଶ୍ରେଣୀ ଛାତ୍ରଛାତ୍ରୀ ବିଦ୍ୟାଳୟକୁ ତାଙ୍କ ପକ୍ଷରୁ ଉପହାର ପ୍ରଦାନ କରିଥିଲେ । କାର୍ଯ୍ୟକ୍ରମ ପରିଚାଳନାରେ ସମସ୍ତ ଶିକ୍ଷକ ଛାତ୍ରଛାତ୍ରୀ ସହଯୋଗ କରିଥିଲେ।