22-Mar-2025

ସୋନପୁର  (ମନୋରଞ୍ଜନ ତ୍ରିପାଠୀ )ପୂର୍ବଦିନମାନଙ୍କ ଭଳି ଆଜି ବି ପଞ୍ଚକୁଣ୍ଡିୟ ଯଜ୍ଞ,ଚବିଶ ବେଶ ଆଗରେ ବିଷ୍ଣୁ ସହସ୍ର ନାମ ସହ ରାମେଶ୍ୱରଠାରେ ଚବିଶ ପ୍ରହରୀ ନାମଯଜ୍ଞ ଅନୁଷ୍ଠିତ ହୋଇଛି l ମୁଖ୍ୟମଞ୍ଚରେ ଆୟୋଜିତ ଶ୍ରୀଜଗନ୍ନାଥ କଥାମୃତ କାର୍ଯ୍ୟକ୍ରମରେ ଜଗନ୍ନାଥ ସଂସ୍କୃତିର ପ୍ରବୀଣ ପ୍ରବାଚକ ଡାକ୍ତର  କୃଷ୍ଣକେଶବ ଷଡ଼ଙ୍ଗୀଙ୍କ ପ୍ରବଚନ କାର୍ଯ୍ଯ କ୍ରମ କୁ ହଜାର ହଜାର ଶ୍ରଦ୍ଧାଳୁ ଉପଭୋଗ କରିଥିଲେ l ମହୋତ୍ସବ ପରିସରରେ ମିନା ବଜାରରେ ଲୋକଙ୍କ ଭିଡ଼ ଜମିଛି l ମହୋତ୍ସବ ପରିସରରେ ପୁରୀରୁ ଆସିଥିବା ମହାସୁଆରଙ୍କ ପ୍ରସ୍ତୁତ ଖଜା ଓ ଭୋଗ ଷ୍ଟଲ ଆଗରେ ଲୋକେ ପ୍ରବଳ ଭିଡ  ଜମାଇଥିଲେ l ମହୋତ୍ସବକୁ ଆସୁଥିବା ସମସ୍ତ ଶ୍ରଦ୍ଧାଳୁ ଭକ୍ତଙ୍କ ଆନନ୍ଦ ବଜାରରେ ମାଗଣାରେ ପ୍ରସାଦ ସେବନ ର ଅପୂର୍ବ ସୁଯୋଗ ଲାଭ କରୁ ଛନ୍ତି l ମହୋତ୍ସବ ର ଆବାହକ ନାଟ୍ୟଶ୍ରୀ ଗଦାଧର ବାରିକ,ସଂପାଦକ ଶ୍ୟାମାଓଁ ପ୍ରସାଦ ମିଶ୍ର,ବୈକୁଣ୍ଠନାଥ ଶତପଥୀ,ଶ୍ରୀବତ୍ସ ମଲ୍ଲିକ,ବିଘ୍ନରାଜ ପଣ୍ଡା,ମନୋଜ ବାରିକ,ଦୁର୍ଜଧନ ସାହୁ,ଗଣପତି ବାଘ ପ୍ରମୁଖ କାର୍ଯ୍ୟକର୍ତ୍ତା ମହୋତ୍ସବ ସଞ୍ଚାଳନ କରୁଥିବା ବେଳେ ସୁଭଦ୍ରା ବାହିନୀ ମହିଳା କର୍ମକର୍ତ୍ତାଙ୍କ ମଧ୍ୟରେ ଆରତୀ ଖମାରୀ, ଶ୍ରଦ୍ଧାଞ୍ଜଳି ମିଶ୍ର,ସୁନନ୍ଦା ସାହୁ,ଲକ୍ଷ୍ମୀପ୍ରିୟା ପାଣିଗ୍ରାହୀ,ଗୀତାଞ୍ଜଳି ବହିଦାର,ନିରୂପମା ପରଡ଼ିଆ,ପୂର୍ଣ୍ଣିମା ସା,ସଂଯୁକ୍ତା ହୋତା,ସୁଜ୍ଞାନୀ ପାଣିଗ୍ରାହୀ,କଲ୍ୟାଣି ମିଶ୍ର,ପ୍ରତିମା ସେଠି,ଜ୍ୟୋତି ପାତ୍ର,ସ୍ମିତାରାଣୀ ମେହେର ପ୍ରମୁଖ ମହୋତ୍ସବ ପରିଚାଳନା ଦାୟିତ୍ୱ ନିଭାଇ ଛନ୍ତି l  ଭକ୍ତ ଶ୍ରଦ୍ଧାଳୁ ସ୍ଵତଃ ପ୍ରଥଃ ଭାବେ ସାଧୁ ସନ୍ଥ ଙ୍କ ସେବା ରେ ନିୟୋଜିତ ଥିବା ଜଣା ପଡ଼ିଛି l ମୁଖ୍ୟ ଆଚାର୍ଯ୍ୟ ଭାବେ ପଣ୍ଡିତ ରାଜୀବ ଲୋଚନ ପଣ୍ଡା ଓ ରାଧେଶ୍ୟମ ପୁରୋହିତଙ୍କ ନେତୃତ୍ୱରେ ଶାତାଧିକ ପଣ୍ଡିତ ସମସ୍ତ ଯଜ୍ଞକାର୍ଯ୍ୟରେ ସାମିଲ ଅଛନ୍ତି l ପୋଲିସ ପବ୍ଲିକ ପ୍ରଶାସନ ଓ ସ୍ବେଛାସେବୀ ଙ୍କ ସହଯୋଗ ରେ ଶାନ୍ତି ଶୃଙ୍ଖଳା ର ସହ ଆଗେଇ ଚାଲିଛି ଶ୍ରୀ ଜଗନ୍ନାଥ ମହୋତ୍ସବ l