22-Mar-2025

ଅତାବିରା(ଆକାଶ ମିଶ୍ର): ଅତାବିରା  ଏନ୍ ଏ ସି ସ୍ଥିତ  ଲାଦର ପାଲି ସରକାରୀ   ପ୍ରାଥମିକ ବିଦ୍ୟାଳୟ, ବନ୍ଧପଡା ଠାରେ ଆଜି  ଅତାବିରା  କ୍ଲଷ୍ଟର ପକ୍ଷରୁ ଅବସର  ନେଇ ଥିବା  ଶିକ୍ଷକ ଶଙ୍କର ସାହୁଙ୍କୁ ବିଦାୟ ସମ୍ବର୍ଦ୍ଧନା ଦେବା ପାଇଁ ଏକ ସମ୍ବର୍ଦ୍ଧନା ସଭା  ଅନୁଷ୍ଠିତ ହୋଇଥିଲା । ବିଦ୍ୟାଳୟର ପ୍ରଧାନଶିକ୍ଷକ  ଡାକ୍ତର ବିଶିଙ୍କ ଅଧ୍ୟକ୍ଷତାରେ ଅନୁଷ୍ଠିତ  ସମ୍ବର୍ଦ୍ଧନାସଭାରେ  ଅତାବିରା ନୋଡାଲ ଉଚ୍ଚପ୍ରାଥମିକ ବିଦ୍ୟାଳୟର ଭାରପ୍ରାପ୍ତ ପ୍ରଧାନ ଶିକ୍ଷୟିତ୍ରୀ ସୁଜାତା ପଧାନି  ମୁଖ୍ୟ ଅତିଥି ରୂପେ ଯୋଗ ଦେଇ ଥିବା ବେଳେ  ନୋଡାଲ ସି ଆର୍ ସି ସି  ନୃପ ଭୁଏ ଓ ଅବସର  ନେଇଥିବା ଶିକ୍ଷକ ଶଙ୍କର ସାହୁ ମଞ୍ଚାସୀନ ଥିଲେ । ହୀର୍ଲୀ ପାଲି ଉଚ୍ଚ ବିଦ୍ୟାଳୟର ହିନ୍ଦୀ ଶିକ୍ଷକ ବଳରାମ ସାହୁ ନିମନ୍ତ୍ରିତ ଅତିଥି ରୂପେ ଯୋଗ ଦେଇ  ବିଦାୟୀ ଶିକ୍ଷକଙ୍କ  ଆଦର୍ଶ    ଗୁଣାବଳି ଓ କର୍ମ ତତ୍ପରତା,ନିଷ୍ଠାପର ଶିକ୍ଷାଦାନ ଉପରେ  ଆଲୋକପାତ କରିଥିଲେ ।  ଶ୍ରୀ ସାହୁ  ୨୦୦୮ ମସିହାରୁ ୨୦୨୪ ପର୍ଯ୍ୟନ୍ତ  ଏହି ବିଦ୍ୟାଳୟର ରେ ଶିକ୍ଷକତା କରି ବେଶ୍ ସୁନାମ ଅର୍ଜନ କରିଛନ୍ତି ।ସେ ଜଣେ ଗଣ ଶିକ୍ଷକ । ଏକ୍ସ୍ କେଡର ହୋଇଥିବା ରୁ କାମ ଦରମା ପାଉଥିଲେ ଏମିତିକି ଅବସର ପରେ ମଧ୍ୟ ତାଙ୍କର ପେନସନ  ନାହିଁ କି ଟଙ୍କାଟିଏ ଜି ପି ଏଫ  କି ଇ ପି ଏଫ୍ ମଧ୍ୟ ନାହିଁ । ତଥାପି ସେ କେବେହେଲେ ନିଜର କାର୍ଯ୍ୟ  ରେ ଢିଲା କରି ନାହାନ୍ତି ।ଅତ୍ୟନ୍ତ ଛାତ୍ର ପ୍ରେମୀ ଥିଲେ ।ତାଙ୍କର  ଅବସରରେ ଛାତ୍ରଛାତ୍ରୀ ମାନେ  ବେଶ୍ ଦୁଃଖିତ ଥିଲେ । ଏହି ସମ୍ବର୍ଦ୍ଧନା ସଭାରେ  କ୍ଲଷ୍ଟର ଅଧିନସ୍ଥ ସମସ୍ତ ବିଦ୍ୟାଳୟର ଶିକ୍ଷକଶିକ୍ଷୟିତ୍ରୀ,ବ୍ଲକର ସମସ୍ତ ସି ଆର୍ ସି ସି  ଉପସ୍ଥିତ ଥିଲେ । ଶିକ୍ଷକ ସିତାରାମ ଦାଶ ଧନ୍ୟବାଦ୍ ଅର୍ପଣ କରିଥିଲେ ।