22-Mar-2025

ବରଗଡ଼:(ନିରଞ୍ଜନ ତ୍ରିପାଠୀ)-ଆଜି ବରଗଡ ଜିଲ୍ଲା ପଦ୍ମପୁର ଉପଖଣ୍ଡ କେରମେଳାବାହାଲ ପଞ୍ଚାୟତ ଖଣ୍ଡସିବାଞ୍ଜି ଠାରେ ଆଇକାଡା ଅନୁଷ୍ଠାନ ତରଫରୁ କୃଷକ କ୍ଷେତ୍ର ଦିବସ ପାଳିତ ହୋଇଯାଇଛି।ବର୍ତ୍ତମାନ ସମୟରେ ପାଣି ର ସଙ୍କଟ ଦେଖା ଦେଉ ଥିବାରୁ ଧାନ ଫସଲ ବଦଳରେ ତୈଳ ବୀଜ ଚାଷ ଉପରେ କିପରି ଚାଷ କରି ଉପକୃତ ହେବେ ସେଥିପାଇଁ ଉପସ୍ଥିତ ଚାଷୀ ମାନଙ୍କୁ ବରିଷ୍ଠ କୃଷି ଅଧିକାରୀ ମାନେ ମାର୍ଗ ଦର୍ଶନ ପ୍ରଦାନ କରିଥିଲେ।ଏଥିସହ ଆଇକାଡା ତରଫରୁ ଗ୍ରାମରେ କରାଯାଇଥିବା ବିଭିନ୍ନ ପ୍ରକାର ତୈଳ ବୀଜ ଫସଲ,ନାନାଦି କିସମର ମୁଗ,ବିରି,ଚନା ଆଦି ଚାଷ କ୍ଷେତ୍ରକୁ ପରିଦର୍ଶନ କରାଇ ଉପଯୁକ୍ତ ଟ୍ରେଡ ଦିଆଯାଉଥିଲା।ଏହି ଅବସରରେ ମୁଖ୍ୟ ଅତିଥି ଭାବରେ କୃଷି ଜିଲ୍ଲା ଅଧିକାରୀ  ପ୍ରଭାସ ପଣ୍ଡା, ସମ୍ମାନିତ ଅତିଥି ଭାବେ ପାଇକମାଳ ବ୍ଲକ କୃଷି ଅଧିକାରୀ ସୋମନାଥ ମହାପାତ୍ର,ଏଫ.ପି.ଓ. ଦୁର୍ଯ୍ୟୋଧନ ପୁଟା,ସ୍ଥାନୀୟ ସରପଞ୍ଚ ପ୍ରତିନିଧି ମନୋଜ କୁମାର ସାହୁ,ଜିଲ୍ଲା ପ୍ରକଳ୍ପ ଅଧିକାରୀ ଆଇକାଡା ପ୍ରବୀର ନାଗ ଯୋଗ ଦେଇଥିଲେ।

ଆଜିର ଏହି କାର୍ଯ୍ୟକ୍ରମରେ ଖଣ୍ଡସୀବାଞ୍ଜି,ହରିଡାଟାଲ, କେରମେଲାବାହାଲ,ଦେୱାନଡିହି, ଯୁଧିଷ୍ଠିରପୁର ର ଶତାଧିକ ଚାଷୀ ଓ ବି.ପି.ଏଫ.ପି.ସି.ଲ. ର ସଦସ୍ୟ ମାନେ ଯୋଗ ଦେଇଥିଲେ।ସୁଜାତା ଧରୁଆ, ସଂଯୁକ୍ତା ବାଗ,ଏକାଙ୍କିକା ନାମଦେଓ, କୌଶଲ୍ୟା ଧରୁଆ,ସୁରେଖା ଡନସନା, ଧର୍ମ କୁମାର ସାହୁ,ଅଂଚଳ ନାୟକ,କର୍ଣ ପାଣ୍ଡେ,ସନ୍ତୋଷ ସାହୁ ସହଯୋଗ କରିଥିଲେ।ପରିଶେଷରେ ଆଇକାଡା ର ବରଗଡ ଜିଲ୍ଲା ପ୍ରକଳ୍ପ ଅଧିକାରୀ ଆଇକେଡା ପ୍ରବୀର ନାଗ ଧନ୍ୟବାଦ ଅର୍ପଣ କରିଥିଲେ।