22-Mar-2025

ବରଗଡ଼:(ନିରଞ୍ଜନ ତ୍ରିପାଠୀ)-ସରକାରୀ ଉଚ୍ଚପ୍ରାଥମିକବିଦ୍ୟାଳୟ, ଭୁତୁଲି ଓ ପ୍ରାଥମିକ ବିଦ୍ୟାଳୟ ରେଙ୍ଗାଲିର ବାର୍ଷିକ ଉତ୍ସବ - ୨୦୨୫  ଅନୁଷ୍ଠିତ ହୋଇ ଯାଇଛି  । ପ୍ରଧାନଶିକ୍ଷକ  ଶ୍ରୀମାନ ଅନିରୁଦ୍ଧ ଠେଠୁଆରଙ୍କ ସଭାପତିତ୍ବରେ ଅନୁଷ୍ଠିତ ସଭାରେ ମୁଖ୍ଯ ଅତିଥି ଭାବରେ ମିଳିତ ଶିକ୍ଷକ ସଂଘର ସଭାପତି ଡକ୍ଟର ରାଜ କୁମାର ବଘେଲ, ମୁଖ୍ଯ ବକ୍ତା ପ୍ରକୃତି ବନ୍ଧୁ ତଥା ମୁଖ୍ଯମନ୍ତ୍ରୀ ପୁରସ୍କାର ପ୍ରାପ୍ତ ଶିକ୍ଷକ ଶ୍ରୀମାନ ରୋହିତ କୁମାର ଭୁଏ ଓ ସମ୍ମାନୀତ ଅତିଥି ଭାବରେ ଶ୍ରୀମାନ ରାହୁଲ ସେଠ୍, ସହ ଶିକ୍ଷା ଅଧିକାରୀ ଶ୍ରୀମାନ ଲାଲ ମୋହନ ସିଂହ, ଶ୍ରୀମତୀ କସ୍ତୁରୀ ବାଗ, ସରପଞ୍ଚ, ଖୋଲା, ସମିତି ସଭ୍ଯା ଶ୍ରୀମତୀ ତପସ୍ବିନୀ ଠେଠୁଆର, ଶ୍ରୀମାନ ରାମେଶ୍ଵର ସାହୁ, ଶ୍ରୀମାନ ବଳରାମ ଭୁଏ, ଶ୍ରୀମାନ ଝାସକେତନ ପଧାନ, ଶ୍ରୀମାନ ବୁଦ୍ଧଦେବ ସାହୁ, ଗୌନ୍ତିଆ, ଶ୍ରୀମାନ ମାଲିକରାମ ଭେଦଭଏଁସାଲ, ଚେୟାରମେନ ଯୋଗ ଦେଇଥିଲେ । ଏହି କାର୍ଯ୍ୟକ୍ରମରେ ସରକାରୀ ଉଚ୍ଚ ପ୍ରାଥମିକ ବିଦ୍ୟାଳୟ, ଭୁତୁଲିର  କୁନି ଶିକ୍ଷାର୍ଥୀ ପୁଷ୍ପା , ଗାୟତ୍ରୀ ,ଭାରତୀ , ଆରତୀ,ମନିଷା , ଉଦଘାଟନୀ ସଙ୍ଗୀତ ପରିବେଷଣକରି ସମସ୍ତଙ୍କ ମନ ମୋହିଥିଲେ  । ପୂର୍ବରୁ ହୋଇଥିବା କ୍ରିଡା ପ୍ରତିଯୋଗିତା, ବିତର୍କ, ଚିତ୍ରାଙ୍କନ, କଳା, ହସ୍ତକର୍ମ, ହସ୍ତାକ୍ଷର, ସଙ୍ଗୀତ, ସାଂସ୍କୃତିକ ଆଦି କାର୍ଯ୍ୟକ୍ରମରେ  କୃତି ଅର୍ଜନ କରିଥିବା ପ୍ରତିଯୋଗୀଙ୍କୁ ପୁରସ୍କୃତ କରାଯାଇ ଥିଲା । ରଙ୍ଗାରଙ୍ଗ ସାଂସ୍କୃତିକ କାର୍ଯ୍ୟକ୍ରମରେ କୁନି କୁନି କଳାକାର ପୁଷ୍ପା, ଲିଜା, ସୁହାନୀ , ଦେବକୀ , ମନୀଷା ଆଦି ନିଜ ନିଜର ପ୍ରତିଭା ପ୍ରଦର୍ଶନ କରିଥିଲେ । ଶିକ୍ଷକ ସେନେମ ଡାଙ୍ଗଙ୍କ ସୁନ୍ଦର ସଂଯୋଜନା କାର୍ଯ୍ୟକ୍ରମକୁ ଚାରଚାନ୍ଦ  ଲଗାଇ ଦେଇଥିଲା  । ବିବରଣୀ ପଠନ ପ୍ରଧାନ ଶିକ୍ଷକ ଶ୍ରୀମାନ ଅନିରୁଦ୍ଧ ଠେଠୁଆର କରିଥିବା ବେଳେ ଶ୍ରୀମାନ ପଦ୍ମଲୋଚନ ପଧାନ ଧନ୍ୟବାଦ ଅର୍ପଣ କରିଥିଲେ  । ଶ୍ରୀମାନ ରମେଶ ଠେଠୁଆର, ଶ୍ରୀମାନ ନିତ୍ୟାନନ୍ଦ ପଧାନ, ଶ୍ରୀମାନ ଯାଦବ ଠେଠୁଆର, ଶ୍ରୀମାନ ଶ୍ରୀତମ ଭୁଏ, ଶ୍ରୀମାନ ଭିଷ୍ମଦେବ ଭଏଁସାଲ, ଶ୍ରୀମାନ ଉଦ୍ଧବ ଶିଦାର, ଶ୍ରୀମାନ ମହେଶ ପଧାନ ଓ ପପୁ କୁମରା ପ୍ରତ୍ୟେକ କାର୍ଯ୍ୟରେ ସହଯୋଗ କରିଥିଲେ ।