22-Mar-2025

ଆଗଲପୁର, (ପ୍ରେରଣା ଖବର ) ଆଗଲପୁର ବ୍ଲକ  ଆଗଲପୁର ଗ୍ରାମ ପଞ୍ଚାୟତ ର ସରପଞ୍ଚ ଶ୍ରୀମତୀ ନନ୍ଦିନୀ ମେହେର ମଧ୍ୟ ସରକାରୀ ଅର୍ଥ ଆତ୍ମସାତ ଅଭିଯୋଗରେ ନିଲମ୍ବିତ ହୋଇଛନ୍ତି l ଦିନକ ଆଗରୁ ଭରସୁଜା ପଞ୍ଚାୟତ ର ସରପଞ୍ଚ ଶ୍ରୀମତୀ ପ୍ରମିଳା ସାହୁ ନିଲମ୍ବିତ ହୋଇଥିବା ବେଳେ ଆଗଲପୁର ବ୍ଲକ ରେ ଗୋଟିଏ ପରେ ଗୋଟିଏ ସରପଞ୍ଚ ସରକାରୀ ଅର୍ଥ ଆତ୍ମସାତ ଅଭିଯୋଗରେ ନିଲମ୍ବିତ ହେଉଥିବାରୁ ଅଞ୍ଚଳରେ ଚର୍ଚ୍ଚା ର ବିଷୟ ପାଲଟିଛି l ଏ ନେଇ ଏକ ବିଜ୍ଞପ୍ତି ପ୍ରକାଶ ପାଇଛି। ଓଡ଼ିଶା ସରକାର ଙ୍କ ପଞ୍ଚାୟତି ରାଜ୍ ଓ ପାନୀୟ ଜଳ ବିଭାଗର ପତ୍ର ସଂଖ୍ୟା    ପିଆର- ପିଏଡ଼ିଏମ - ଇଏସଟିଡି 0012 2025 7469 ବୋଲି ପତ୍ରରେ ଉଲ୍ଲେଖ ରହିଛି l

ଏହି ପତ୍ର ଗତ 19-3-2025 ରେ ପ୍ରକାଶ ପାଇଥିବା ଜଣା ପଡିଛି। ପଞ୍ଚାୟତ ର ବିଭିନ୍ନ ଉନ୍ନୟନମୂଳକ କାର୍ଯ୍ୟ ପାଇଁ ଆସିଥିବା ଅର୍ଥ କୁ ପୂର୍ବତନ କାର୍ଯ୍ୟନିର୍ବାହୀ ଅଧିକାରୀ ଶ୍ରୀ ରାଜ୍ କିଶୋର ପୋଢ଼ ଙ୍କ ସହିତ ମିଶି ଅର୍ଥ ହେରଫେର ହୋଇଥିବା ଅଭିଯୋଗ ରେ ତାଙ୍କୁ ନିଲମ୍ବନ କରା ଯାଇଛି l ଏହା ପୂର୍ବରୁ କାର୍ଯ୍ୟନିର୍ବାହୀ ଅଧିକାରୀ ଶ୍ରୀ ରାଜ୍ କିଶୋର ପୋଢ଼ ଙ୍କୁ ଜେଲ ଯିବାକୁ ମଧ୍ୟ ପଡ଼ିଥିଲା l