17-Jan-2021

ବଲାଙ୍ଗିର,(ସନ୍ତୋଷ କୁମାର ଠାକୁର):ସମୀର ଦିବ୍ୟାଙ୍ଗ ଟ୍ରଷ୍ଟ ତରଫରୁ ଏକ ଦିବ୍ୟାଙ୍ଗ  ଅଧିକାର ସଚେତନତା ଶିବିର ବଲାଙ୍ଗିର ଏସଭି ନିଲତାର ସେଟେଲାଟ ସେଣ୍ଟର ଠାରେ ଅନୁଷ୍ଠିତ ହୋଇଯାଇଛି । ଏହି କାର୍ଯ୍ୟକ୍ରମରେ ମୁଖ୍ୟଅତିଥି ଭାବେ ବଲାଙ୍ଗିର ପୌର ନିର୍ବାହୀ ଅଧିକାରୀ ବିପିନ୍ ଦୀପ, ସମ୍ମାନିତ ଅତିଥି ଭାବେ ଟାଉନଥାନା ଅଧିକାରୀ ସଂଗ୍ରାମ ପଟ୍ଟନାୟକ, ବଲାଙ୍ଗିର ଜିଲା ଦଳିତ ଅଧିକାର ମଂଚର କାର୍ଯ୍ୟକାରୀ ସଭାପତି ଖଗେଶ୍ୱର ନାଗ, ସମୀର ଦିବ୍ୟାଙ୍ଗ ଟ୍ରଷ୍ଟର ପ୍ରତିଷ୍ଠାତା କୀର୍ତ୍ତନ ଦାସ୍‌, ସଭାପତି ବିଜୟ ଅଗ୍ରୱାଲ, ଜିଲା ସାମାଜିକ ସୁରକ୍ଷା ଅଧିକାରୀ ନବକୃଷ୍ଣ ସାହୁ ପ୍ରମୁଖ ମଂଚାସୀନ ଥିଲେ । ମୁଖ୍ୟଅତିଥି ଶ୍ରୀ ଦୀପ ଆରପିଡବ୍ଲୁଡି ଆଇନ ୨୦୧୬ ଦିବ୍ୟାଙ୍ଗ ଅଧିକାର ଆଇନ ବିଷୟରେ ସୂଚନା ଦେବା ସହ ବଲାଙ୍ଗିର ଜିଲାର ଦିବ୍ୟାଙ୍ଗ ବା ବିକଳାଙ୍ଗ ମାନଙ୍କର ସୁବିଧା ଯୋଗାଇ ଦେବା ପାଇଁ ଜିଲା ସାମାଜିକ ସୁରକ୍ଷା ଅଧିକାରୀ ଶ୍ରୀ ସାହୁ ତଥା ସମ୍ବଦ୍ଧିୟ ଅଧିକାରୀମାନଙ୍କୁ ଅନୁରୋଧ କରିଥିଲେ । ପରିଶେଷରେ ସମୀର ଦିବ୍ୟାଙ୍ଗ ଟ୍ରଷ୍ଟର ମହିଳା ମୋର୍ଚ୍ଚା ସଭାନେତ୍ରୀ ମଂଜୁଲତା ଦାଶ ଧନ୍ୟବାଦ ଅର୍ପଣ କରିଥିଲେ । ଅନ୍ଧ, ମୂକ, ବଧିର ସଂଗଠନ ନିର୍ତାର ପରିବାରର ସମସ୍ତ ସଦସ୍ୟ ଉପସ୍ଥିତ ଥିଲେ । ପାଟଣାଗଡ, ବେଲପଡା, ଲୋଇସିଂହା, ରାଜ୍ ଆଗଲପୁର ସମେତ ଜିଲାର ବଭିନ୍ନ ବ୍ଲକରୁ ଦିବ୍ୟାଙ୍ଗ ମହିଳା ଓ ପୁରୁଷ ଯୋଗଦେଇଥିବା ବେଳେ ଉପସ୍ଥିତ ସମସ୍ତ ଦିବ୍ୟାଙ୍ଗମାନଙ୍କୁ କମ୍ବଳ ବଣ୍ଟନ କରାଯାଇଥିଲା ।