19-Mar-2025

ବଲାଙ୍ଗୀର, (ବିନୋଦ ଦୀପ) ଆଜି ବଲାଙ୍ଗୀର ଜିଲ୍ଲା ଲୋଇସିଂହା ବ୍ଲକ 34 ନମ୍ବର ଜୋନ କୁସଂଗ ଠାରେ ନୂତନ ବ୍ଲକ ଗଠନ ନିମନ୍ତେ ବଲାଙ୍ଗୀର ଜିଲ୍ଲାପାଳ ଙ୍କ କାର୍ଯ୍ୟାଳୟ କୁ ଯାଇ ଜିଲ୍ଲପାଳ ଶ୍ରୀ ଗୌରବ ଶିବାଜୀ ଇସଲୱାର ଙ୍କୁ ଗ୍ରାମ୍ୟକମିଟି ଏକ ଦାବିପତ୍ର ପ୍ରଦାନ କରିଛନ୍ତି l କିଛିଦିନ ପୂର୍ବରୁ କୁସଂଗ ଠାରେ ନୂତନ ବ୍ଲକ ଗଠନ ଦାଵୀ ନିମନ୍ତେ ସରପଞ୍ଚ ସମିତି ଙ୍କୁ ନେଇ ଏକ ବୈଠକ ଅନୁଷ୍ଠିତ ହୋଇଥିବା ବେଳେ ଆଜି କୁସଂଗ ଗ୍ରାମ୍ୟ କମିଟି ତଥା ବୁଦ୍ଧିଜୀବୀ, ସରପଞ୍ଚ, ସମିତି ଙ୍କୁ ଜିଲ୍ଲାପାଳ ଙ୍କ କାର୍ଯ୍ୟାଳୟ ଠାରେ ଦେଖିବାକୁ ମିଳିଥିଲା l ଗ୍ରାମ୍ୟ କମିଟି ସଭାପତି କହିବାନୁଯାୟୀ 1993 ମସିହାରୁ କୁସଂଗ ଠାରେ ବ୍ଲକ ଗଠନ ନିମନ୍ତେ ପ୍ରସ୍ତାବ ସରକାର ଙ୍କ ଦୃଷ୍ଟି ଆକର୍ଷଣ କରାଯାଇ ଆସୁଛି l ଏହାସହ କୁସଂଗ ଠାରେ ମୌଳିକ ସୁବିଧା ଯାହାକି ସ୍କୁଲ, କଲେଜ, ହସ୍ପିଟାଲ ତଥା ସରକାରୀ ଜମି ଉପଲବ୍ଧ ଅଛି ଏଣୁ ଏଠାରେ ବ୍ଲକ ହେଲେ ଜୋନ 34 ର 11 ଟି ପଂଚାୟତ ସମେତ ଆଖପାଖ ପଂଚାୟତ ପାଇଁ ସୁବିଧା ହେବବୋଲି କମିଟି ସଦସ୍ୟ ମତାମତ ଦେଇଛନ୍ତି l ଜନସଂଖ୍ୟା ଦୃଷ୍ଟିକୋଣରୁ କୁସଂଗ ଲୋଇସିଂହା ପଂଚାୟତ ପରେ ଦ୍ୱିତୀୟ ସ୍ଥାନରେ ଅଛି l

ଏଣୁ ପ୍ରଶାସନ ନୂତନ ବ୍ଲକ ବା ପଂଚାୟତ ସମିତି କୁସଂଗ ଠାରେ ହେଲେ ସମସ୍ତ ଙ୍କ ପାଇଁ ସୁବିଧା ହେବବୋଲି କୁସଂଗ ରୁ ଆସିଥିବା ବୁଦ୍ଧିଜୀବୀ ଓ ଜନ ପ୍ରତିନିଧି ମତ ପ୍ରକାଶ କରିଥିଲେ l ଆଜି ବଲାଙ୍ଗୀର ଜିଲ୍ଲାପାଳ ଶ୍ରୀ ଇସଲୱାର ଙ୍କୁ ଦାବିପତ୍ର ଦେବା ସମୟରେ ଗ୍ରାମ୍ୟ ବିକାଶ କମିଟି ର ସଭାପତି ପ୍ରଶାନ୍ତ କୁମାର ପଟେଲ, କୁସଂଗ ସରପଞ୍ଚ ଶ୍ରୀମତୀ ଗୀତାଞ୍ଜଳି ପଟେଲ, ତଲିଉଡ଼ାର ସରପଞ୍ଚ ଦୀପାଞ୍ଜଳି ସାଏ, ଯୋଗୀସରଡ଼ା ସରପଞ୍ଚ ଶ୍ରୀମତୀ ବିଜୁଳି ପଧାନ, ଜି.ଏସ ଡୁଙ୍ଗୁରିପାଲି ସରପଞ୍ଚ ସଦାଶିବ କନ୍ଧେର, ଝାରମୁଣ୍ଡା ସମିତି କିଶୋରୀ ପଟେଲ, ତଲିଉଡାର ସମିତି ସୁଦେଷ୍ଣା ପଟେଲ, କୁସଂଗ ସମିତି ସୁରେନ୍ଦ୍ର ଛତ୍ରିଆ, କୁସଂଗ ଗହନ୍ତିଆ ବୃନ୍ଦାବନ ପଟେଲ ପ୍ରମୁଖ ଉପସ୍ଥିତ ଥିଲେ l