18-Mar-2025

ବରଗଡ଼:(ନିରଞ୍ଜନ ତ୍ରିପାଠୀ)-ଆଜି ବରଗଡ଼ ଜିଲ୍ଲା ଅଞ୍ଚଳ ମହାବିଦ୍ୟାଳୟ ପଦ୍ମପୁର ସ୍ଥିତ ସମ୍ମିଳନୀ କକ୍ଷରେ ମହାବିଦ୍ୟାଳୟ ର ଅଧ୍ୟକ୍ଷ ପ୍ରଫେସର ଲଳିତ ମୋହନ ପଣ୍ଡା ଙ୍କ ସଭାପତିତ୍ୱରେ ନିବେଶକ ସତେଜନତା ଉପରେ ଏକ ସମ୍ପାନ ଆଇ. କ୍ଯୁ. ଏ.ସି.ଦ୍ୱାରା ଅନୁଷ୍ଠିତ ହୋଇଥିଲା।ଅଧ୍ୟକ୍ଷ ଶ୍ରୀ ପଣ୍ଡା ତାଙ୍କ ସ୍ୱାଗତ ଭାଷଣ ରେ ଆର୍ଥିକ ସମ୍ବଳ ର ସଦୁପଯୋଗ ନିମିତ୍ତ ବର୍ତ୍ତମାନ ଆମ ସମସ୍ତଙ୍କ ପାଇଁ ଆର୍ଥିକ ସାକ୍ଷରତା ଅତ୍ୟନ୍ତ ଜରୁରୀ ବୋଲି ମନ୍ତବ୍ୟ ରଖିଥିଲେ।ଆଇ. କ୍ଯୁ. ଏ. ସି.ସଂଯୋଜକ ତଥା ବାଣିଜ୍ୟ ବିଭାଗ ମୁଖ୍ୟ ଶ୍ରୀ ନବକୃଷ୍ଣ ମିଶ୍ର ଅତିଥି ପରଚୟ ସହ ଏହି ସମ୍ପାନର ଉଦ୍ଦେଶ୍ୟ ଉପରେ ଆଲୋକପାତ କରିଥିଲେ।ଏହି ଅବସରରେ ଜାତୀୟ ଷ୍ଟକ ବିନିମୟ (NSE)ସ୍ୱୀକୃତ ପ୍ରଶିକ୍ଷକ ଡ. ଜୟ କିଶନ ମେହେର ରିଶୋର୍ସ ପାର୍ଶନ ଭାବେ ଯୋଗ ଦେଇ ଆର୍ଥିକ ସାକ୍ଷରତା ଉପରେ ସନ୍ଦର୍ଭ ଉପସ୍ଥାପନ କରି ଆର୍ଥିକ ଯୋଜନା, ପରିଚାଳନା, ସଙ୍କଟ ପ୍ରବନ୍ଧନ ଇତ୍ୟାଦି  ସଫଳ ନିବେଶ ପାଇଁ ଜରୁରୀ ବୋଲି କହିବା ସହ ଗୁରୁତ୍ୱପୂର୍ଣ ସୂଚନା ପ୍ରଦାନ କରିଥିଲେ।ପରିଶେଷରେ ଅର୍ଥନୀତି ବିଭାଗ ଅଧ୍ୟାପିକା ଡ.ମମତା ଗୁରୁ ଧନ୍ୟବାଦ ଅର୍ପଣ କରିଥିଲେ। ଏହି କାର୍ଯ୍ୟକ୍ରମ ରେ ଡ଼ ସରୋଜ କୁମାର ନାଏକ, ଡ଼. ତୁଷାରକାନ୍ତ ସାହୁ, ବାଳଗୋପାଳ ମେହେର, ବ୍ରଜ କୁମ୍ଭାର,ମିଥୁନ ମେହେର, ଡ଼. ମମତା ଗୁରୁ, ନିଖତ ଅଞ୍ଜୁମ,ଲିପସା ଚନ୍ଦ୍ରକାର ଲଲାତେନ୍ଦୁ ପ୍ରଧାନ,ଅନନ୍ତ ମଲ୍ଲିକ,ଜଗବନ୍ଧୁ ସୁରୁଜାଲ ପ୍ରମୁଖ ଅଧ୍ୟାପକ ଅଧ୍ୟାପିକା ଙ୍କ ସହ ବାଣିଜ୍ୟ, ଅର୍ଥନୀତି ଓ ଅନ୍ୟାନ୍ୟ ବିଭାଗର ଶତାଧିକ ଛାତ୍ରଛାତ୍ରୀ ଉପସ୍ଥିତ ଥିଲେ।