16-Jan-2021

ନୟାଗଡ଼, (ପ୍ରଦୀପ କୁମାର ପଣ୍ଡା): ନୟାଗଡ଼ ଜିଲ୍ଲା ଖଣ୍ଡପଡା ନିର୍ବାଚନ ମଣ୍ଡଳୀରେ ବିଜେପି ତରଫରୁ ଚାଲିଥିବା ପ୍ରଶିକ୍ଷଣ ଶିବିର ଉଦଯାପିତ ହୋଇଯାଇଛି | ବିଜେପି ନେତ୍ରୀ ଇଂ. ଅର୍ଚନା ଦାଶଙ୍କ ନେତୃତ୍ୱରେ ଚାଲିଥିବା ପ୍ରଶିକ୍ଷଣ ଶିବିରର ଉଦଯାପନୀ କାର୍ଯ୍ୟକ୍ରମ ମା' ବାହାଡାସୁଣୀ ଙ୍କ ପୀଠରେ ଆୟୋଜିତ ହୋଇଥିଲା | ଉକ୍ତ କାର୍ଯ୍ୟକ୍ରମରେ ମୁଖ୍ୟ ଅତିଥି ଭାବେ ପୂର୍ବତନ ଜିଲ୍ଲା ସଭାପତି ପ୍ରଶନ୍ନ କୁମାର ଦାଶ ଯୋଗ ଦେଇଥିବା ବେଳେ ବନମାଲୀପୁର ମଣ୍ଡଳ ସଭାପତି ଅଜୟ କୁମାର ନାୟକ ସଭାପତିତ୍ୱ କରିଥିଲେ  ଏବଂ ଇଂ ଶ୍ରୀନିବାସ ଦାଶ ସଭା ପରିଚାଳନା କରିଥିଲେ | ଉକ୍ତ ପ୍ରଶିକ୍ଷଣ ଶିବିରରେ ପ୍ରଶିକ୍ଷକ ଭାବେ ବିଧାୟକ ପ୍ରାର୍ଥୀ ସିଦ୍ଧାର୍ଥ ଶେଖର ସିଂ, ଶ୍ରୀ ପ୍ରକାଶ ବାହିନୀ ପତି, ଇଂ ଅର୍ଚନା ଦାଶ, ପ୍ରଶନ୍ନ କୁମାର ଦାଶ, ଚନ୍ଦ୍ର ବିଜୟୀ ମିଶ୍ର, ସନ୍ତୋଷ ପ୍ରଧାନ ପ୍ରମୁଖ କାର୍ଯ୍ୟ ତୁଲାଇ ଥିଲେ | ଉକ୍ତ କାର୍ଯ୍ୟଶାଳାରେ ବିଜେପି ର ଇତିହାସ, ଛଅ ବର୍ଷ ର ସଫଳତା, ବ୍ୟକ୍ତିତ୍ୱର ବିକାଶ, ବିଜେପି ର ପରିବାର, ରାଷ୍ଟ୍ରୀୟ ବିକାଶ,ସୁରକ୍ଷା, ବିଚାରଧାରା ଏବଂ ବିଜେପି ପରିବାର ଏବଂ ରାଜନୈତିକ ପୃଷ୍ଠଭୂମି ସମ୍ପର୍କୀୟ ଆଲୋଚନା କରାଯାଇଥିଲା |