03-Mar-2025

ବଲାଙ୍ଗୀର(ପ୍ରେରଣା ଖବର)-ବଲାଙ୍ଗୀର ଜିଲ୍ଲାର ଦେଓଗାଁ ବ୍ଲକ ଅନ୍ତର୍ଗତ ଐତିହାସିକଗ୍ରାମ ଜରାସିଂହାରେ ଥିବା ନେତ୍ରଭାନୁ ହାଇସ୍କୁଲ ଓ ସାଲେପାଲି ସ୍ଥିତ ବୃଦ୍ଧାଶ୍ରମକୁ ଆଜି ଜିଲ୍ଲାପାଳ ଗୌରବ ଶୀବାଜୀ ଇସଲୱାର ତାଙ୍କ ଜିଲ୍ଲାସ୍ତରୀୟ ଟିମ ନେଇ ପରିଦର୍ଶନ କରିଛନ୍ତି । ଚଳିତ ୨୦୨୫ ମସିହାରେ ନେତ୍ରଭାନୁ ହାଇସ୍କୁଲକୁ ୭୫ବର୍ଷ ପୂର୍ତ୍ତି ହେଉଛି । ସେଥିପାଇଁ ପୁରାତନ ଛାତ୍ରସଂଘ ପକ୍ଷରୁ ପ୍ଲାଟିନମ ଜୁବୁଲି ପାଳିତ ହେବାକୁ ଯାଉଛି । ତେଣୁ ହାଇସ୍କୁଲକୁ ସୁନ୍ଦର ଭାବରେ ସଜଡାଯିବାକୁ ପ୍ରସ୍ତୁତି ଚାଲିଛି । ଏବେ ଜିଲ୍ଲାପାଳ ପରିଦର୍ଶନ କରି ଏହାର ଭିତ୍ତିଭୂମିକୁ ବଢାଇବାକୁ ପ୍ରତିଶୃତି ଦେଇଛନ୍ତି । ଜିଲ୍ଲାପାଳ ଏହି ଅବସରରେ ସ୍କୁଲରେ ୫ଟି ଯୋଜନାରେ ହୋଇଥିବା କାମ ଗୁଡିକୁ ଯଥା-କ୍ଲାସରୁମ, ଇଲାଇବ୍ରେରୀ, ଲେବୋରେଟୋରୀ ବୁଲି ଦେଖିଥିଲେ l

ଏହା ସହିତ ଜରାସିଂହା ଗାଁର ଖେଳପଡିଆକୁ ମଧ୍ୟ ପରିଦର୍ଶନ କରି ଏହାର ମଧ୍ୟ ଉନ୍ନୟନ ପାଇଁ ଗ୍ରାମବାସୀଙ୍କ ସହିତ ଆଲୋଚନା କରିଥିଲେ । ଏହା ପରେ ସେ ସାଲେପାଲି ଠାରେ ଥିବା ଗ୍ରାମମଙ୍ଗଳ ପଠାଗାର ଅନୁକୂଲ୍ୟରେ ପରିଚାଳିତ ହେଉଥିବା ବୃଦ୍ଧାଶ୍ରମକୁ ପରିଦର୍ଶନ କରିଥିଲେ । ସେଠାରେ ପରିମଳ ଓ ସ୍ୱଚ୍ଛତା ବ୍ୟବସ୍ଥା ନେଇ ଜିଲ୍ଲାପାଳ ଅସନ୍ତୋଷ ବ୍ୟକ୍ତ କରିଥିଲେ । ଆଜିର ଏହି ପରିଦର୍ଶନ ସମୟରେ ଜିଲ୍ଲା ମୁଖ୍ୟଉନ୍ନୟନ ଅଧିକାରୀ ପ୍ରଭାତ କୁମାର ମହାପାତ୍ର,ଜିଲ୍ଲା ଶିକ୍ଷାଅଧିକାରୀ ପ୍ରଦୀପ କୁମାର ନାଗ,ଦେଓଗାଁ ବିଡିଓ ପ୍ରିୟରଂଜନ କୁମ୍ଭାର, ନେତ୍ରଭାନୁ ହାଇସ୍କୁଲ ପ୍ଲାଟିନମଜୁବୁଲି କମିଟିର ସଭାପତି ଲକ୍ଷ୍ମଣକୁମାର ମେହେର,ଦୁର୍ଗାପ୍ରସାଦ ସିଂଦେଓ, ଶ୍ରୀମତୀ ମମତା ସିଂନିନା,ଚିତ୍ତରଂଜନ ଥନାପତି, ରାଜକିଶୋର ସେଠ,ପ୍ରମୋଦ ବହିଦାର,ଶୈଳେନ୍ଦ୍ର ସାହୁ,ମମତା ପୁଟେଲ,ଅଂଶୁମାନ କର୍ତ୍ତି ପ୍ରମୁଖ ଉପସ୍ଥିତ ଥିଲେ ।