22-Feb-2025

ଆଗଲପୁର, (ବିନୋଦ ଦୀପ) ଆଗଲପୁର ବ୍ଲକ ଅଧିନସ୍ତ ଝରଣିପାଲି ପ୍ରାଥମିକ ବିଦ୍ୟାଳୟ ଠାରେ କ୍ଲଷ୍ଟର ସ୍ତରୀୟ ଶିକ୍ଷଣ ସାମଗ୍ରୀ ପ୍ରସ୍ତୁତ କର୍ମଶାଳା ଅନୁଷ୍ଠିତ ହୋଇ ଯାଇଛି। ଏହି କର୍ମଶାଳା କୁ ଝରଣିପାଲି ଆଞ୍ଚଳିକ ସାଧନ କେନ୍ଦ୍ର ସଂଯୋଜକ ଶ୍ରୀ ଅନିରୁଦ୍ଧ ଭୋଇ ଆୟୋଜନ ଓ ପରିଚାଳନା କରିଥିଲେ l ୧୮ତାରିଖ ଦିନ ଏହି ଶିକ୍ଷଣ ସାମଗ୍ରୀ କର୍ମଶାଳା କୁ ଆଗଲପୁର ବ୍ଲକ ସହଶିକ୍ଷା ଅଧିକାରୀ ତଥା ବି ଆର ସି ସି ଶ୍ରୀଯୁକ୍ତ ରଜନୀକାନ୍ତ ସାହୁ ଉଦଘାଟନ କରି ଥିଲେ। ଝରଣିପାଲି କ୍ଲଷ୍ଟର ଅନ୍ତର୍ଗତ ୯ଗୋଟି ପ୍ରାଥମିକ ଓ ଉଚ୍ଚପ୍ରାଥମିକ ବିଦ୍ୟାଳୟ ରୁ ୧୩ଜଣ ଶିକ୍ଷକ ଓ ଶିକ୍ଷୟିତ୍ରୀ ଏହି କର୍ମଶାଳା ରେ ଅଂଶଗ୍ରହଣ କରି ମୌଳିକ ସାକ୍ଷରତା ଓ ସଂଖ୍ୟା ଜ୍ଞାନ ସମ୍ପର୍କିତ ଓ ବିଭିନ୍ନ ଶିକ୍ଷଣ ଫଳାଫଳ ଆଧାରିତ ଶିକ୍ଷଣ ସାମଗ୍ରୀ ପ୍ରସ୍ତୁତ କରିଥିଲେ। ଏହି ଶିକ୍ଷଣ ସାମଗ୍ରୀ ପ୍ରସ୍ତୁତି ପ୍ରକ୍ରିୟା ଓ କାର୍ଯ୍ୟକ୍ରମ କୁ ଶିକ୍ଷକ ଶ୍ରୀ ଦୟାନିଧି ସାହୁ, ପ୍ରକାଶ ଚନ୍ଦ୍ର ତ୍ରିପାଠୀ ସଂଯୋଜନା କରିଥିବା ବେଳେ ଶିକ୍ଷକ ଶ୍ରୀ ପ୍ରମୋଦ କୁମାର ସାହୁ ତତ୍ୱାବଧାରକ କାର୍ଯ୍ୟ କରିଥିଲେ!ଏହି ତିନି ଦିନିଆଁ କର୍ମଶାଳା ରେ ଶିକ୍ଷକ ଶ୍ରୀ ପ୍ରଶାନ୍ତ କୁମାର ପଧାନ ,  ଧୀରେନ୍ଦ୍ର କୁମାର ପାତ୍ର,  କୋଦଣ୍ଡ ବିଶ୍ୱାଳ,  ନାରାୟଣ ପାତ୍ର, ଶିକ୍ଷୟିତ୍ରୀ ଶ୍ରୀମତୀ ଝରଣା ଗର୍ତିଆ, ଭାଗ୍ୟବନ୍ତୀ ସାହୁ, ରଂଜିତା ସାହୁ,ସାଗରିକା ମିଂଜ଼,ସୁଷମା ସାହୁ,ଓ ତନୁଜା କୁମୁରା ବିଭିନ୍ନ ଶିକ୍ଷଣ ଉପାଦେୟ ସାମଗ୍ରୀ ପ୍ରସ୍ତୁତ କରିଥିଲେ। କର୍ମଶାଳା ର ଉଦଯାପନୀ ସଭା ରେ ପଣ୍ଡକିଟାଲ ଉଚ୍ଚ ପ୍ରାଥମିକ ବିଦ୍ୟାଳୟ ର ପ୍ରଧାନ ଶିକ୍ଷକ ଶ୍ରୀ କେଶବ ଚନ୍ଦ୍ର ଭୋଇ ଯୋଗ ଦେଇ ଏହି ପ୍ରସ୍ତୁତ ସାମଗ୍ରୀ ଗୁଡିକ ଶ୍ରେଣୀ ଶିକ୍ଷା ଦାନ ସମୟ ରେ ଛାତ୍ର ଛାତ୍ରୀ ମାନଙ୍କ ଶିକ୍ଷଣ ରେ ବେଶ ସହାୟକ ହେବ ବୋଲି ମତପ୍ରକାଶ କରିଥିଲେ। ପରେ ଏହି କର୍ମଶାଳା ରେ ପ୍ରସ୍ତୁତ ହୋଇଥିବା ଶିକ୍ଷଣ ସାମଗ୍ରୀ ଗୁଡିକୁ ସମସ୍ତ ଅଂଶଗ୍ରହଣକାରି ବିଦ୍ୟାଳୟ ମଧ୍ୟରେ ଆବଣ୍ଟନ କରାଯାଇଥିଲା। ଏହି କର୍ମଶାଳା ର ସମସ୍ତ ଦିନ ଝରଣିପାଲି ପ୍ରାଥମିକ ବିଦ୍ୟାଳୟ ର ପ୍ରଧାନ ଶିକ୍ଷକ ଶ୍ରୀ ବିକ୍ରମ ପୁଟା ସହଯୋଗ କରିଥିଲେ l