31-Jan-2025

ଅତାବିରା (ଆକାଶ ମିଶ୍ର ) ଅତାବିରା ବ୍ଲକ୍ ଅନ୍ତର୍ଗତ  ହିର୍ଲିପାଲି ଉଚ୍ଚ ବିଦ୍ୟାଳୟ ପରିସରରେ  ପ୍ରାଥମିକ,ଉଚ୍ଚ ପ୍ରାଥମିକ  ବିଦ୍ୟାଳୟ ଓ ଉଚ୍ଚ ବିଦ୍ୟାଳୟ ର ମିଳିତ ସମୂହ ବାର୍ଷିକ ଉତ୍ସବ ବିଦ୍ୟାଳୟର ପ୍ରଧାନ ଶିକ୍ଷକ ରବୀନ୍ଦ୍ର କୁମାର ପଣ୍ଡାଙ୍କ ସଭାପତିତ୍ବରେ ଅନୁଷ୍ଠିତ ହୋଇଯାଇଛି।ଉତ୍ସବରେ ବିଧାୟକ ନିହାର ରଞ୍ଜନ ମହାନନ୍ଦ ମୁଖ୍ୟ ଅତିଥି ଭାବେ ଯୋଗ ଦେଇଥିବା ବେଳେ ସରପଞ୍ଚ କବିତା ସାହୁ,ସମିତି ସଭ୍ୟ ବିଦ୍ୟାଧର ପ୍ରଧାନ ଓ ସମାଜ ସେବୀ ମହେଶ ଅଗ୍ରୱାଲ ସମ୍ମାନିତ ଅତିଥି ଭାବେ ମଞ୍ଚାସିନ ରହିଥିଲେ। ଛାତ୍ରୀ ମାନେ ସ୍ଵାଗତ ସଙ୍ଗୀତ ଗାନ କରି ଅତିଥିଙ୍କ ସ୍ଵାଗତ କରିଥିଲେ ।ଶିକ୍ଷକ ବଳରାମ  ସାହୁ ଅତିଥି ପରିଚୟ ପ୍ରଦାନ ସହ ମଞ୍ଚ ପରିଚାଳନା କରିଥିଲେ । ଉଚ୍ଚ ପ୍ରାଥମିକ ବିଦ୍ୟାଳୟ ର ପ୍ରଧାନ ଶିକ୍ଷକ କୌଶିକ ଚନ୍ଦ୍ର ଦାଶ ବାର୍ଷିକ ବିବରଣୀ ପାଠ କରିଥିଲେ ।  କ୍ରୀଡା ଶିକ୍ଷକ ପ୍ରତାପ ଗଡତିଆ ପୁରସ୍କାର ବିତରଣୀ ଉତ୍ସବ କୁ ପରିଚାଳନା କରିଥିଲେ । ଉପରୋକ୍ତ  ବିଦ୍ୟାଳୟ ମାନଙ୍କରେ  ହୋଇଥିବା ବାର୍ଷିକ କ୍ରୀଡା ପ୍ରତିଯୋଗିତାରେ କୃତି ହୋଇଥିବା  ୩୭୫ ଜଣ ଛାତ୍ର ଛାତ୍ରୀ ଙ୍କୁ  ଅତିଥି ମାନଙ୍କ ଦ୍ଵାରା ପୁରସ୍କୃତ କରାଯାଇଥିଲା ।ବାର୍ଷିକ କ୍ରୀଡ଼ାରେ ବାଳକ ବିଭାଗରେ ଚାମ୍ପିଅନ ହୋଇଥିବା ନବମ ଶ୍ରେଣୀ ଛାତ୍ର ମୁକେଶ ସେଠ୍ ଓ ବାଳିକା  ବିଭାଗରେ ଚାମ୍ପିଅନ ସସ୍ମିତା କଟୁଆଳ ,   ପଞ୍ଚମ, ଅଷ୍ଟମ ଓ ଦଶମ ଶ୍ରେଣୀ ରେ ପ୍ରଥମ ସ୍ଥାନ ଅଧିକାର କରିଥିବା ଛାତ୍ର ଛାତ୍ରୀ ଯଥାକ୍ରମେ ପୁନମ ପଟେଲ,  ଜସ୍ମିନ ଭୋଇ ଓ ଲିପ୍ସା ପ୍ରଧାନ ଙ୍କୁ ଗ୍ରାମର ସ୍ବର୍ଗତ  ଲକ୍ଷ୍ମୀ ପ୍ରଧାନ ସ୍ମୃତି ରେ " ଲକ୍ଷ୍ମୀ" ମେଧା ପୁରସ୍କାର ପ୍ରଦାନ ପୂର୍ବକ ସମ୍ବର୍ଦ୍ଧିତ କରାଯାଇଥିଲା । ସେହିପରି ଓଷ୍ଟା ପକ୍ଷରୁ ଆୟୋଜିତ  ଶିଶୁ ମେଳା  ରେ ସାଧାରଣ ଜ୍ଞାନ ରେ ଜିଲ୍ଲାରୁ  ରାଜ୍ୟ ସ୍ତର କୁ ମନୋନୀତ ହୋଇ ଅଂଶଗ୍ରହଣ କରିଥିବା   ହେତୁ   ଦଶମ ଶ୍ରେଣୀ  ଛାତ୍ରୀ ସାଇନା ପ୍ରଧାନ
ସ୍ବତନ୍ତ୍ର ପୁରସ୍କାର ପ୍ରଦାନ କରାଯାଇଥିଲା । ଏହି ଅବସରରେ ରଙ୍ଗୋଲି, ନୃତ୍ୟ ,ସଙ୍ଗୀତ, ଚିତ୍ରାଙ୍କନ ଆଦି ପ୍ରତିଯୋଗିତା ହୋଇଥିଲା । ଏହାକୁ ଗ୍ରାମବାସୀ ତଥା ଦର୍ଶକ ଙ୍କ ପାଇଁ ବେଶ୍ ଆକର୍ଷଣୀୟ ହୋଇଥିଲା । ପ୍ରାଥମିକ ବିଦ୍ୟାଳୟ ର ପ୍ରଧାନ ଶିକ୍ଷକ  ଜି ଏଲ, ଏନ୍ ଛୁରିଆ ଧନ୍ୟବାଦ୍ ଅର୍ପଣ କରିଥିଲେ ।ଛାତ୍ର ଛାତ୍ରୀ ମାନଙ୍କ ଦ୍ଵାରା ସାଂସ୍କୃତିକ କାର୍ଯ୍ୟକ୍ରମ ପରିବେଷିତ ହୋଇଥିଲା । ଉଚ୍ଚ ବିଦ୍ୟାଳୟ ର ପୂର୍ବତନ ଅବସର ପ୍ରାପ୍ତ ପ୍ରଧାନ ଶିକ୍ଷକ ଆନନ୍ଦ ସାହୁ, ଓକିଲ ପ୍ରଧାନ, ଶିବାଜି ବିଶି, ଶିକ୍ଷକ ଦୀପକ ପ୍ରଧାନ, ଶୁଭ୍ରାଂଶୁ ସାହୁ, ନିରଞ୍ଜନ ଭୁଏ, କର୍ମଚାରୀ ଅଚ୍ୟୁତ ନାଥ,  ମୀନକେତନ ପଶାୟତ, ସନ୍ତୋଷ ପଟେଲ, ରାଜକିଶୋର ସେଠ୍, ପରିଚାଳନା କମିଟିର ସମସ୍ତ କର୍ମକର୍ତ୍ତା, ଗ୍ରାମବାସୀ ପ୍ରମୁଖ ସକ୍ରିୟ ସହଯୋଗ କରିଥିଲେ ।