29-Jan-2025

କଣ୍ଟାମାଳ(ଜୟ କୁମାର ମହାରଣା): ବୌଦ୍ଧ ଜିଲ୍ଲା କଣ୍ଟାମାଳ ବ୍ଲକ ଘଣ୍ଟାପଡା ଥାନା ପୁଲିସକୁ ମିଳିଛି ଏକ ବଡ଼ ସଫଳତା  l  ଏହି ଥାନାର ଆଭ୍ୟନ୍ତରୀଣ ତଥା ଦୁର୍ଗମ  ନାରାୟଣପ୍ରସାଦ ଘାଟି ଅଞ୍ଚଳରେ ପୋଲିସ ପେଟ୍ରୋଲିଙ୍ଗ ବେଳେ ଏକ ମେକ୍ସ ପିକଅପ ଗାଡି ରେ ବାହାର ରାଜ୍ୟକୁ ଗଞ୍ଜେଇ ଚୋରା ଚାଲାଣ ହେଉଥିବା ବିପୁଳ ପରିମାଣର ଗଞ୍ଜେଇ ସହ ବାଇକ, ମରଣାସ୍ତ୍ର ଜବତ ହୋଇଥିବା ବେଳେ ଘଟଣାସ୍ଥଳରୁ ୩ଗଞ୍ଜେଇ ମାଫିଆଙ୍କୁ ଗିରଫ କରିବାରେ ସଫଳ ହୋଇଛି ଘଣ୍ଟାପଡା ପୁଲିସ  l   ସୂଚନାମତେ  ବିପୁଳ ପରିମାଣର ଗଞ୍ଜେଇ ଚୋରା ଚାଲାଣ ହେଉଥିବା ନେଇ କୌଣସି ସୂତ୍ରରୁ ଖବର ପାଇ ଘଣ୍ଟାପଡ଼ା ପୁଲିସ ପକ୍ଷରୁ ନାରାୟଣ ପ୍ରସାଦ ଘାଟି ଠାରେ ଚଢ଼ାଉ କରିଥିଲା l  ଚଢ଼ାଉ ସମୟରେ ଗଞ୍ଜେଇ ଚୋରା ଚାଲାଣ ପାଇଁ ପ୍ରସ୍ତୁତ ହୋଇ ଥିବା ଗଞ୍ଜେଇ ବସ୍ତା ଭର୍ତ୍ତି ଏକ ମହିନ୍ଦ୍ରା ବୋଲେରୋ ପିକଅପ ଗାଡିକୁ  ଜବତ କରିଥିଲା । ଚଢ଼ାଉ ବେଳେ ଘଟଣାସ୍ଥଳରୁ ୫ଟି ବାଇକ,ଗୋଟିଏ ଦେଶୀ ବନ୍ଧୁକ, ୫ରାଉଣ୍ଡ ଜୀବନ୍ତ ଗୁଳି ଜବତ କରିଥିବା ବେଳେ ୩ଗଞ୍ଜେଇ ମାଫିଆଙ୍କୁ ଗିରଫ କରିଛି  l  ଏକଜିକ୍ୟୁଟିଭ ମାଜିଷ୍ଟ୍ରେଟ  ଙ୍କ ଉପସ୍ଥିତିରେ ଜବତ ଗଞ୍ଜେଇ କୁ ଓଜନ କରିବାରୁ ଜବତ ଗଞ୍ଜେଇର ପରିମାଣ ୭କୁଇଣ୍ଟାଲ ୪୯ କେଜି ହୋଇଥିଲା  l  ସେହିପରି ଗିରଫ ଅଭିଯୁକ୍ତମାନେ ହେଲେ ଉଦୟ ଚନ୍ଦ୍ର ଭୋଇ, ଶ୍ରୀକାନ୍ତ ମୁଦୁଲି ଏବଂ ନୀଳକଣ୍ଠ ଭୋଇ। ଏନେଇ ଘଣ୍ଟାପଡ଼ା ପୁଲିସ ପକ୍ଷରୁ  କେସ ନମ୍ବର ୧୭/୨୫ରେ ଏକ ମାମଲା ରୁଜୁ କରାଯାଇ ଅଧିକ ତଦନ୍ତ ଚାଲିଥିବା କହିଛନ୍ତି ଥାନା ଅଧିକାରୀ ନରସିଂହ ମହାପାତ୍ର l