27-Jan-2025

ବରଗଡ଼:(ନିରଞ୍ଜନ ତ୍ରିପାଠୀ)-ବରଗଡ଼ ଜିଲ୍ଲା ବିଜେପୁର ସ୍ଥାନୀୟ ସରକାରୀ ହାଇସ୍କୁଲ ପଡ଼ିଆରେ ବ୍ଲକ ସ୍ତରୀୟ ସାଧାରଣତନ୍ତ୍ର ଦିବସ ସମାରୋହରେ ପାଳିତ ହୋଇଯାଇଛି। ବିଡ଼ିଓ ସରୋଜ କୁମାର ବିଶ୍ୱାଳ ମୁଖ୍ୟ ଅତିଥି ଭାବେ ଯୋଗଦେଇ ଜାତୀୟ ପତକା ଉତ୍ତୋଳନ କରି ସାମୁହିକ ପେରେଟ ରେ ଅଭିବାଦନ ଗ୍ରହଣ କରିଥିଲେ। ସାମୁହିକ ପ୍ୟାରେଡରେ ସମୁଦାୟ ୨୦ ଟି ଦଳ ଅଂଶ ଗ୍ରହଣ କରିଥିଲେ।ପ୍ୟାରେଡରେ ବରିଷ୍ଠ ଗ୍ରୁପରେ ଏନସିସି ବିଜେପୁର ମହାବିଦ୍ୟାଳୟ ପ୍ରଥମ,ୟୁଥ୍ ରେଡ଼କ୍ରସ ବିଜେପୁର ମହାବିଦ୍ୟାଳୟ ଦ୍ୱିତୀୟ,ରେଡିଏନ୍ସ ଶିକ୍ଷାନୁଷ୍ଠାନ ବିଜେପୁର ତୃତୀୟ ସ୍ଥାନ ଅଧିକାର କରିଥିଲେ। ସେହିପରି ଉପ ବରିଷ୍ଠ ବିଭାଗରେ ଓଡ଼ିଶା ଆଦର୍ଶ ବିଦ୍ୟାଳୟ ବିଜେପୁର ସାଧାରଣ ବର୍ଗ ପ୍ରଥମ,ଜେଆରସି ସରକାରୀ ଉଚ୍ଚ ବିଦ୍ୟାଳୟ ଦ୍ୱିତୀୟ ଓ ଏନସିସି ସରକାରୀ ଉଚ୍ଚ ବିଦ୍ୟାଳୟ ତୃତୀୟ ସ୍ଥାନ ହାସଲ କରିଥିଲେ। ସେହିଭଳି ପ୍ୟାରେଡର ଜୁନିୟର ବିଭାଗରେ ରେଡିଏନ୍ସ ଶିକ୍ଷାନୁଷ୍ଠାନ, ଓଡ଼ିଶା ଆଦର୍ଶ ବିଦ୍ୟାଳୟ,ଶଙ୍କର୍ଷଣ ୟୁପି ସ୍କୁଲ ଯଥାକ୍ରମେ ପ୍ରଥମ ଦ୍ବିତୀୟ ଏବଂ ତୃତୀୟ ସ୍ଥାନ ହାସଲ କରିଥିଲେ।ସବ ଜୁନିୟର ବିଭାଗରେ ରେଡିଏନ୍ସ ସ୍କୁଲ,ଲିଟିଲଷ୍ଟାରପବ୍ଲିକ ସ୍କୁଲ, ସରସ୍ବତୀ ଶିଶୁ ବିଦ୍ୟାମନ୍ଦିର ବାଲିକା ଗ୍ରୁପ ଯଥାକ୍ରମେ ପ୍ରଥମ ଦ୍ବିତୀୟ ତୃତୀୟ ସ୍ଥାନ ଅଧିକାର କରିଥିଲେ। ପୋଷକରେ ସରକାରୀ ବାଳିକା ଉଚ୍ଚ ବିଦ୍ୟାଳୟ ଯୋଗ୍ୟ ବିବେଚିତ ହୋଇଥିଲେ।ରେଡିଏସନ୍ସ ଶିକ୍ଷାନୁଷ୍ଠାନ ଶାନ୍ତି ଶୃଙ୍ଖଳାରେ ଯୋଗ୍ୟ ବିବେଚିତ ହୋଇଥିଲେ।ଝାଙ୍କିରେ ଶ୍ରୀ ଅରବିନ୍ଦ ପୂର୍ଣ୍ଣାଙ୍ଗ ଶିକ୍ଷା କେନ୍ଦ୍ର ଯୋଗ୍ୟ ବିବେଚିତ ହୋଇଥିଲେ।ଉକ୍ତ ଯୋଗ୍ୟ ବିବେଚିତ ସମସ୍ତ ଦଳକୁ ମାନପତ୍ର ଓ ଟ୍ରଫି ଦେଇ ମୁଖ୍ୟ ଅତିଥି ପୁରସ୍କୃତ କରିଥିଲେ। ତହସିଲଦାର କର୍ଣ୍ଣ ସୁନା ସମାରୋହରେ ସଭାପତିତ୍ବ କରିଥିଲେ। ଏହି ଅବସରରେ ଅନୁଷ୍ଠିତ ଗୀତ,ବକୃତା, ଚିତ୍ରାଙ୍କନ ଆଦି ପ୍ରତିଯୋଗିତାରେ କୃତିତ୍ୱ ଅର୍ଜନ କରିଥିବା ଛାତ୍ରଛାତ୍ରୀ ମାନଙ୍କୁ ମାନପତ୍ର ଓ ଟ୍ରଫି ଦେଇ ପୁରସ୍କୃତ କରାଯାଇଥିଲା।ପରେ ଛାତ୍ରଛାତ୍ରୀ ମାନଙ୍କୁ ମିଷ୍ଟାନ୍ନ ବଣ୍ଟନ କରାଯାଇଥିଲା। ଅଗ୍ନିଶମ ଅଧିକାରୀ ଭକ୍ତ ଚରଣ ତାଣ୍ଡିଆ, ପୋଲିସ ଏସ ଆଇ ଜଗା ବରିହା, ଫରେଷ୍ଟର ଚିନ୍ମୟ କୁମାର ପଧାନ ବିଚାରକ ଦାୟିତ୍ଵ ତୁଲାଇଥିଲେ ‌ଜିପିଇଓ ଦିପକ କୁମାର ମାରାଣ୍ଡି,ସିଆରସିସି ନବୀନ କୁମାର ସାହୁ ଓ ସୁଧାଂଶୁ ଶେଖର ଜାଲ, ସୁବ୍ରତ ବାରିକ ପ୍ରମୁଖ କାର୍ଯ୍ୟକ୍ରମ ପରିଚାଳନାରେ ସହଯୋଗ କରିଥିଲେ।