26-Jan-2025

ବଲାଙ୍ଗୀର (ପ୍ରେରଣା ଖବର): ସାଧାରଣତନ୍ତ୍ର ଦିବସ ଅବସରରେ ଆଜି ଜିଲ୍ଲାର ବିଭିନ୍ନ ସ୍କୁଲ,କଲେଜ  ଓ ସମାଜିକ ଅନୁଷ୍ଠାନ ମାନଙ୍କରେ ସାଧାରଣତନ୍ତ୍ର ଦିବସ ପାଳନ ସହ ଜାତୀୟ ପତାକା ଉତ୍ତୋଳନ କରାଯାଇଥିଲା l

ଆଜି ସ୍ଥାନୀୟ ମନୋହରପୁର ପରେଡ୍  ପଡ଼ିଆ ଠାରେ ଜିଲ୍ଲାସ୍ତରୀୟ ସାଧାରଣତନ୍ତ୍ର ଦିବସ ମହାସମାରୋହରେ ପାଳିତ ହୋଇଛି l ଏଥିରେ ମୁଖ୍ୟ ଅତିଥିଭାବେ ବଲାଙ୍ଗୀର ଜିଲ୍ଲାପାଳ ଗୌରୱ ଶିବାଜୀ ଇଶଲୱାର୍ ଯୋଗ ଦେଇ ଜାତୀୟ ପତାକା ଉତ୍ତୋଳନ କରିଥିଲେ l ଏହି ଉତ୍ସବରେ ସମସ୍ତ ଜିଲ୍ଲାସ୍ତରୀୟ ଅଧିକାରୀ ମାନେ ଉପସ୍ଥିତ ଥିଲେ l

   ୭୬ତମ ସାଧାରଣତନ୍ତ୍ର ଦିବସ ଅବସରରେ ଆଜି ସ୍ଥାନୀୟ ଗାନ୍ଧୀ ଷ୍ଟେଡିୟମ୍ ଠାରେ ବଲାଙ୍ଗୀର ଜିଲ୍ଲା ଓକିଲ ସଂଘ ଏକାଦଶ ଓ ଜିଲ୍ଲା ପ୍ରଶାସନ ଏକାଦଶ ମଧ୍ୟରେ ଏକ ବନ୍ଧୁତ୍ୱପୂର୍ଣ୍ଣ କ୍ରିକେଟ ମ୍ୟାଚ୍ ଅନୁଷ୍ଠିତ ହୋଇଥିଲା। ଟସ୍ ଜିଣି ପ୍ରଥମେ ଜିଲ୍ଲା ଓକିଲ ସଂଘ ଏକାଦଶ ବେଟିଂ ଆରମ୍ଭ କରିଥିଲା । ନିର୍ଦ୍ଧାରିତ ୧୫ ଓଭରରେ ସମସ୍ତ ୱିକେଟ୍ ହରାଇ ଓକିଲ ସଂଘ ଏକାଦଶ ୫୨ରନ୍ କରିବାରେ ସକ୍ଷମ ହୋଇଥିଲା l ଏହାର ଜବାବରେ ଜିଲ୍ଲା ପ୍ରଶାସନ ଏକାଦଶ ପକ୍ଷରୁ ନିର୍ଦ୍ଧାରିତ ଓଭରରେ ତିନି ୱିକେଟ୍ ହରାଇ ୫୩ ରନ୍ କରି ଓକିଲ ସଂଘ ଏକାଦଶକୁ ୧ରନ୍ ରେ ପରାସ୍ତ କରିଥିଲେ । ଜିଲ୍ଲା ଓକିଲ ସଂଘ ପକ୍ଷରୁ ସଭାପତି ଅମରେଶ ତ୍ରିପାଠୀ ଅଧିନାୟକ ଦାୟିତ୍ୱ ତୁଲାଇ ଥିବା ବେଳେ ବଲାଙ୍ଗୀର ଜିଲ୍ଲାପାଳ ଗୌରୱ ଶିବାଜୀ ଇଶଲୱାର୍ ଙ୍କ ଅଧିନାୟକତ୍ୱରେ   ଜିଲ୍ଲା ପ୍ରଶାସନ ପକ୍ଷରୁ ଜିଲ୍ଲା ସଂସ୍କୃତି ଅଧିକାରୀ ରଶ୍ମିରଞ୍ଜନ ମିଶ୍ର ଓ ଡି. ଆଇ.ପି.ଆର.ଓ  ସରୋଜ ସାହୁ  ଉତ୍ସାହଜନକ ଖେଳ ପ୍ରଦର୍ଶନ କରିଥିଲେ । 

ଅତିରିକ୍ତ ଜିଲ୍ଲାପାଳ ବିଜୟାନନ୍ଦ ସେଠୀ ଓ ଜିଲ୍ଲା କ୍ରୀଡା ଅଧିକାରୀ ପରlସର ବାଗ ଆଜିର କ୍ରିକେଟ୍ ମ୍ୟାଚ୍ ର ଧlରା ବିବରଣୀ ପ୍ରଦାନ କରିଥିଲେ l ଡିଷ୍ଟିକ୍ଟ ଏଥିଲେଟିକ୍ ଏସୋସିଏସନ୍ ର ସଭାପତି ଡ. ଶ୍ରୀକର ମିଶ୍ର ଏଥିରେ ଅତିଥି ଭାବରେ ଯୋଗ ଦେଇ ବିଜେତା ଜିଲ୍ଲା ପ୍ରଶାସନ ଏକାଦଶ

ଦଳକୁ ପୁରସ୍କୃତ କରିଥିଲେ l ମୁଖ୍ୟ ଅତିଥି ଭାବରେ ଜିଲ୍ଲାପାଳ ଗୌରୱ ଶିବାଜୀ ଇଶଲ ୱାର୍ ଯୋଗ ଦେଇ ରନରର୍ସଅଫ୍ ଦଳ ଜିଲ୍ଲା ଓକିଲ ସଂଘକୁ ପୁରସ୍କୃତ କରିଥିଲେ ।  ଖେଳକୁ ପରିଚାଳନା କରିବାରେ ଜିଲ୍ଲା କ୍ରୀଡା କାର୍ଯ୍ୟାଳୟ ଓ ଜିଲ୍ଲା ଓକିଲ ସଂଘ ର ସଭ୍ୟ ମାନେ ସହଯୋଗ କରିଥିଲେ l ଓକିଲ ସଂଘ ଏକାଦଶ  ତରଫରୁ ଆଶିଷ ଦର୍ଜି, ରାଜତ ବେଜ, ସୌମ୍ୟରଞ୍ଜନ ପଣ୍ଡା, ରାକେଶ ରଣା, ବିକ୍ରମ ଷଡଙ୍ଗୀ, ଶିବରାଜ ପତି, ସନ୍ଦୀପ ନାଗ, ପ୍ରବୀର ନାଏକ,ସୁବ୍ରତ ଦାସ, ରମାକାନ୍ତ ମିଶ୍ର, ହରିଶଙ୍କର ପଣ୍ଡା, ରମା ଥନାପତି,ସୁଶାନ୍ତ ବାଗ ପ୍ରମୁଖ କ୍ରିକେଟ ଖେଳିଥିଲେ।  ସଂଘ ର ସଭ୍ଯ ଜୟରାମ ମିଶ୍ର, ଅଙ୍କିତା ତ୍ରିପାଠୀ, ମମତା ସୁନା,ସବିତା ରାଣୀ ମିଶ୍ର ପ୍ରମୁଖ ଖେଳାଳି ମାନଙ୍କୁ ଉତ୍ସାହିତ କରିଥିଲେ l ଜିଲ୍ଲା ଓକିଲ ସଂଘର ବହୁ ସଭ୍ୟସଭ୍ୟ। ଓ ଜିଲ୍ଲା ପ୍ରଶାସନର କର୍ମଚାରୀ ମାନେ ଯୋଗ ଦେଇ ଖେଳକୁ ଉପଭୋଗ କରିଥିଲେ ।