26-Jan-2025

ଲୋଇସିଂହା, (ବିନୋଦ ଦୀପ) ଆଜି ଲୋଇସିଂହା ଷ୍ଟାଡିଅମ ଠାରେ ୭୬ ତମ ସାଧାରଣତନ୍ତ୍ର ଦିବସ ପାଳନ ହୋଇଯାଇଛି l ଯେକେଜେଏସ ସଭାପତି ଶ୍ରୀ ଦିଲୀପ ବେହେରା ଙ୍କ ସଭାପତିତ୍ୱ ରେ ଅନୁଷ୍ଠିତ କାର୍ଯ୍ୟକ୍ରମ ରେ ମୁଖ୍ୟଅତିଥି ଭାବେ ଲୋଇସିଂହା ଗୋଷ୍ଠୀ ଉନ୍ନୟନ ଅଧିକାରୀ ଅକ୍ଷୟପାଣି ଉଦ୍ଦୁ ଯୋଗ ଦେଇଥିବା ବେଳେ ଲୋଇସିଂହା ସରପଞ୍ଚ ନବକିଶୋର ନାଏକ ସମ୍ମାନିତ ଅତିଥି ଭାବେ ଯୋଗ ଦେଇଥିଲେ l ପୂର୍ବତନ ଖେଳଶିକ୍ଷକ ବିଭୁତିଭୂଷଣ ସାହାଣୀ, ଯେକେଜେଏସ ର ବରିଷ୍ଠ ସଦସ୍ୟ ଉତ୍ତର ହେର୍ଣ୍ଣା ଓ ଅଜିମ ଖାଁ, ଓଡିଶା ଆଦର୍ଶ ବିଦ୍ୟାଳୟ ଝାରମୁଣ୍ଡା ର ପ୍ରିନସିପାଲ ମଂଚାସୀନ ଥିଲେ l ପ୍ରଥମେ ମୁଖ୍ୟଅତିଥି ଶ୍ରୀ ଉଦ୍ଦୁ ଜାତୀୟପତାକା ଉତ୍ତୋଳନ କରିଥିଲେ l ଏହାପରେ ଦେଶାତ୍ମକ ଗୀତ ଗାନ କରି କାର୍ଯ୍ୟକ୍ରମ ଆରମ୍ଭ କରାଗଲା l

ଏହି ସାଧାରଣତନ୍ତ୍ର ଦିବସ ଅବସରରେ ଲୋଇସିଂହା ବ୍ଲକ ର ବିଭିନ୍ନ କଲେଜ ଓ ସ୍କୁଲ ଗୁଡିକ ଭାଗ ନେଇଥିବା ବେଳେ ପ୍ୟାରେଡ ଓ ସଂସ୍କୃତିକ କାର୍ଯ୍ୟକ୍ରମ ଛାତ୍ରଛାତ୍ରୀ ଙ୍କ ଦ୍ୱାରା ପରିବେଷଣ କରାଯାଇଥିଲା l ପ୍ୟାରେଡ ରେ ବେଥlନୀ କନଭେଣ୍ଟ ସ୍କୁଲ ଝାରମୁଣ୍ଡା ପ୍ରଥମ, ସୈନିକ ସ୍କୂଲ ବାଦିମୁଣ୍ଡା ଦ୍ଵିତୀୟ, ଏନସିସି ଲୋଇସିଂହା କଲେଜେ, ଲୋଇସିଂହା ତୃତୀୟ ସ୍ଥାନ ଅଧିକାର କରିଥିଲେ l ପୂର୍ବରୁ ଭିଭିନ୍ନ ପ୍ରତିଯୋଗିତା ରେ ଭାଗ ନେଇଥିବା କୃତି ଛାତ୍ରଛାତ୍ରୀ ଙ୍କୁ ଅତିଥି ମାନେ ପୁରସ୍କାର ପ୍ରଦାନ କରିଥିଲେ l ଉକ୍ତ କାର୍ଯ୍ୟକ୍ରମ ରେ ସରୋଜ ବିଶ୍ୱାଳ ପରିଚାଳନା କରିଥିବା ବେଳେ ଅବସରପ୍ରାପ୍ତ ଆର୍ମି ନଜୁ ଖାଁ ସହଯୋଗ କରିଥିଲେ l