26-Jan-2025

ବରଗଡ଼ :(ନିରଞ୍ଜନ ତ୍ରିପାଠୀ)-ଆଜି ୮ଘଟିକା ସମୟରେ ପାଇକମାଳ ବ୍ଲକ ଅନ୍ତର୍ଗତ ସାପଲହର ଗ୍ରାମର ସମସ୍ତ ବିଦ୍ୟାଳୟ ଶିକ୍ଷକ, ଛାତ୍ର ଛାତ୍ରୀ, ଅଙ୍ଗନବାଡ଼ି କର୍ମୀ ଓ ଶିଶୁ ମାନେ ତଥା ସମସ୍ତ ଅନୁଷ୍ଠାନ ସାମୁହିକ ପତାକା ଉତ୍ତୋଳନ ମାଁ ଶକ୍ତି ଶାଳୀ ଯୁବକ ସଂଘ ପଡ଼ିଆରେ ଶ୍ରୀଯୁକ୍ତ ଶୋଭାସାଗର ମେହେରଙ୍କ ଅଧ୍ୟକ୍ଷତାରେ ଅନୁଷ୍ଟିତ ହୋଇଥିଲା। ଏଥିରେ ମୂଖ୍ୟ ଅତିଥି ଭାବେ ଶ୍ରୀଯୁକ୍ତ ଟିକୁନୁ ସାହୁ ଆର୍ଯ୍ୟ ପତାକା ଉତ୍ତୋଳନ କରିଥିବା ବେଳେ ନିମନ୍ତ୍ରିତ ଅତିଥି ଭାବେ ଶ୍ରୀଯୁକ୍ତ ଭୋଳାନାଥ ମେହେର, ଲାଲ ବିହାରୀ ବଢେଇ, ବିପିନ ପ୍ରଧାନ, ପୁରନ୍ଦର ପ୍ରଧାନ, କ୍ଷମାନିଧି ବାରିକ,ଗୁଣସାଗର ପ୍ରଧାନ,ହାରାଧନ ପ୍ରଧାନ (ବାବା) ଯୋଗଦେଇଥିଲେ। ଯୁବକ ସଂଘ ସଂପାଦକ ଶ୍ରୀଯୁକ୍ତ ହାରାଧନ ପ୍ରଧାନ ସ୍ବାଗତ ଭାଷଣ ଦେଇଥିବାବେଳେ,ଶ୍ରୀଯୁକ୍ତ ଆଶିଷ ସାହୁଙ୍କ ନିର୍ଦ୍ଦେଶନାରେ ଛାତ୍ର ଛାତ୍ରୀ ମାନେ ସୂର୍ଯ୍ୟ ନମସ୍କାର ଓ ନୃତ୍ୟ ପରିବେଷଣ କରିଥିଲେ । ପରିଶେଷରେ କୃତି ଛାତ୍ର ଛାତ୍ରୀ ମାନଙ୍କୁ ପୁରସ୍କାର ପ୍ରଦାନ କରାଯାଇଥିଲା। ଗ୍ରାମର ଉଦୀୟମାନ ଯୁବକ ଶ୍ରୀଯୁକ୍ତ ବୈବସୂତ ବାରିକଙ୍କ ତରଫରୁ ଛାତ୍ର ଛାତ୍ରୀ ମାନଙ୍କୁ ମିଷ୍ଠାନ୍ନ ବଣ୍ଟନ କରାଯାଇଥିଲା।ପତାକା ଉତୋଳନ ସମୟରେ ଗ୍ରାମର ଶତାଧିକ ପୁରୁଷ, ମହିଳା ଓ ଯୁବକ ସଂଘର ସମସ୍ତ ସଦସ୍ୟ ଉପସ୍ଥିତ ଥିଲେ ଓ କାର୍ଯ୍ୟକ୍ରମକୁ ସଫଳ କରିଥିଲେ ।