07-Jan-2025

ବଲାଙ୍ଗୀର (ପ୍ରେରଣା ଖବର): ନାଟକ ଜିଁବାର ଏକ କଳା | ଏହିଠୁ ଗଲେ ପୁଣି ଚିନ୍ତାଗ୍ରସ୍ତ ହୋଇଯିବେ କିନ୍ତୁ ଏହି ନାଟକ ଉପଭୋଗ କରୁଥିବା ପର୍ଯ୍ୟନ୍ତ ଆପଣ ଚିନ୍ତାମୁକ୍ତ ରହିବେ ନିଶ୍ଚୟ | ସଚ୍ଚା ନାଟକ ଦେଖିବା ଦର୍ଶକ ଆଜି ବିରଳ, କାରଣ ଅମପାଖରେ ଧର୍ଯ୍ୟର ଅଭାବ | ନାଟକ ନିଶ୍ଚୟ ଆପଣଙ୍କୁ ଏକ ସରଳ ଓ ସଫଳ ମାର୍ଗଦର୍ଶନ କରିବ, ଏଥିରେ ତିଳେମାତ୍ର ସନ୍ଦେହ ନାହିଁ | ବିଜ୍ଞାନ ରାସ୍ତାରେ ଯାଇ ଏକ ପ୍ରକୃତ ଜୀବନ ପାଇବା ନା ମାଟି ଭିତରେ ଥିବା ଭଗବାନକୁ ଖୋଜି ଦୁଇ ସମ୍ପ୍ରଦାୟ ଭିତରେ ଝଗଡା ସୃଷ୍ଟି କରିବା, ନିର୍ଣ୍ଣୟ ଆପଣଙ୍କ  

 ଆଜି ସନ୍ଧ୍ୟାରେ ଭୂମିକା ଅନୁଷ୍ଠାନ ତରଫରୁ ସ୍ଥାନୀୟ କୋଶଳ କଳା ମଣ୍ଡଳ ପଡିଆ ଠାରେ ଆୟୋଜିତ ସର୍ବଭାରତୀୟ ବହୁଭାଷୀ ନାଟ୍ୟ ସମାରୋହ ମଠଖାଇ ମହୋତ୍ସବର ତୃତୀୟ ସନ୍ଧ୍ୟାରେ  ସମ୍ମାନିତ ଅତିଥି ଭାବେ ଯୋଗ  ଏହା କହିଛନ୍ତି ଦୈନିକ ପ୍ରଗତିବାଦୀ ର ସମ୍ପାଦକ ବିରୁପାକ୍ଷ ତ୍ରିପାଠୀ l ମୁଖ୍ୟ ଅତିଥି ଭାବେ ବରଗଡ଼ ସାଂସଦ ପ୍ରଦୀପ ପୁରୋହିତ ଯୋଗଦେଇ ନିଜ ଅଭିଭାଷଣରେ  ନାଟକ ଓ ସିନେମାରେ ଅଭିନୟ ଦ୍ଵାରା ବ୍ଯକ୍ତିର ପରିବର୍ତ୍ତନ ହୋଇଥାଏ ଓ  ନାଟକ ସମାଜକୁ ଅନେକ ଭାବରେ ପରିବର୍ତ୍ତନ କରିଥାଏ ବୋଲି କହିଥିଲେ । ବରେଣ୍ୟ ଅତିଥି ମର୍ଯ୍ୟାଦାରେ ନାଟ୍ୟ ନିର୍ଦ୍ଦଶେକ ଓ କଳାକାର ମନୋରଞ୍ଜନ ସାହୁ  ମଞ୍ଚାସୀନ ରହି ମୁଁ ନାଟକ କରୁଥିଲି ଓ ଆଗକୁ ମଧ୍ୟ ନାଟକ କରୁଥିବି ବୋଲି କହିଥିଲେ l ମଠଖାଇ ମହୋତ୍ସବର ଅଧ୍ୟକ୍ଷ ନରସିଂହ ମିଶ୍ର ମଞ୍ଚାସୀନ ରହି ଉପସ୍ଥିତ ନାଟ୍ୟପ୍ରେମୀ ଓ କଳାକାର ମାନଙ୍କୁ ଉତ୍ସାହିତ କରିଥିଲେ l ଭୂମିକା ର ସଭ୍ୟ ବୀରେନ୍ଦ୍ର ବନଛୋରଙ୍କ ସଭାପତିତ୍ବରେ ଅନୁଷ୍ଠିତ ଉଦଘାଟନୀ ଦିବସରେ ଭୂମିକାର ସମ୍ପାଦକ ନୟନ କୁମାର ମହାନ୍ତି ପ୍ରାରମ୍ଭିକ ଭାଷଣ ଦେଇଥିଲେ |  ଆଜିର ମଞ୍ଚକୁ ପ୍ରଖ୍ୟାତ ନାଟ୍ୟ ନିର୍ଦ୍ଦେଶକ ଓ କଳାକାର ସ୍ଵର୍ଗତ ଭାସ୍କର ରାଏ ମେହେଟ୍ଟାଙ୍କ ନାମରେ ସମର୍ପିତ କରଯାଇଥିଲା  l ଏହି ଅବସରରେ  ଦଣ୍ଡନୃତ୍ୟ ଶିଳ୍ପୀ ବିପିନ ଜାଲଙ୍କୁ ମଠଖାଇ ସମ୍ମାନ ପ୍ରଦାନ କରାଯାଇଥିଲା l ମାନପତ୍ର ପଠନ କରିଥିଲେ ସୋମ ନାଏକ l 
  ସଭା ଶେଷରେ ବରିଷ୍ଠ ସାମ୍ବାଦିକ ବୀରେନ୍ଦ୍ର ଝାଙ୍କର ଧନ୍ୟବାଦ ଅର୍ପଣ କରିଥିଲେ l ବଲାଙ୍ଗୀରର ପଞ୍ଚମ ଅନୁଷ୍ଠାନ ତରଫରୁ ବଜନିଆ ନୃତ୍ୟ ଦର୍ଶକଙ୍କ ମନ ମୋହିବlରେ ସକ୍ଷମ ହୋଇଥିଲା l  ପରେ ଡ. ସୁବାଷ ଚନ୍ଦ୍ର ପ୍ରଧାନଙ୍କ ନିର୍ଦ୍ଦେଶିତ କୋଶଲି ନାଟକ 'ଉଲପି' କୁ  ଦର୍ଶକ ଏହି ଶୀତୁଆ ରାତିରେ ଭରପୁର ଉପଭୋଗ କରିଥିଲେ l

ଏହି ଉତ୍ସବକୁ ସଫଳ କରିବା ରେ ଭୂମିକାର ସମସ୍ତ ସଦସ୍ୟ ଓ ବଲାଙ୍ଗୀର ର ଅଗଣିତ ନାଟ୍ୟପ୍ରେମୀ ମାନେ ସହଯୋଗ ର ହାତ ବଢ଼ାଇ ଆସିଥିବା ଦେଖାଯାଇଛି l ଆସନ୍ତା ଜାନୁୟାରୀ ତାରିଖ ପର୍ଯ୍ୟନ୍ତ ମଠଖାଇ ମହୋତ୍ସବ ଚାଲିବାକୁ ଥିବା ବେଳେ ପ୍ରତ୍ୟେକ ଦିନ କଳାକାର ଓ ନାଟ୍ଯ ପ୍ରେମୀ ମାନଙ୍କ ସକ୍ରିୟ ସମ୍ପୃକ୍ତି ଉତ୍ସବକୁ ଆହୁରି ସମୃଦ୍ଧ କରିଛି l