01-Jan-2025

ଲୋଇସିଂହା, (ବିନୋଦ ଦୀପ) ଲୋଇସିଂହା ବ୍ଲକ କଳାକାର ସଂଘ ର କଳାକାର ସମାବେଶ କୁସୁମେଲ ସାପ୍ତାହିକ ବଜାର ପ୍ରାଙ୍ଗଣରେ ଅନୁଷ୍ଠିତ ହୋଇଛି l ଲୋଇସିଂହା ବ୍ଲକ ର ବିଭିନ୍ନ ପ୍ରାନ୍ତରୁ କଳାକାର ଏହି ସମାବେଶରେ ଯୋଗଦେଇଥିଲେ। ମାଁ କୁସୁଙ୍ଗେଇ ଦେବି କଲା ପରିଷଦର ଆବାହକ କରୁଣାକର ବାଗ୍ ଙ୍କ ସଭାପତିତ୍ବରେ ହୋଇଥିବା ଏହି କାର୍ଯ୍ୟକ୍ରମରେ ବ୍ଳକ କଳାକାର ସଂଘ ସଭାପତି ସରୋଜ ବିଶ୍ବାଳ, ସଂପାଦକ ବ୍ରଜ ମୋହନ ବିଶୋଇ ଓ ବଲାଙ୍ଗିର ଜିଲ୍ଲା ସମନ୍ଵୟ ସମିତି ର ସଂଯୋଜକ ପୂର୍ଣ୍ଣଚନ୍ଦ୍ର ବିଶ୍ବାଳ ଯୋଗଦେଇ କଳାକାର ମାନଙ୍କର ବିଭିନ୍ନ ସମସ୍ୟା ଓ ଏହାର ସମାଧାନ ଦିଗରେ ଆଲୋଚନା କରିଥିଲେ। ବିଶେଷ କରି କଳାକାର ଭତ୍ତା ଠିକ୍ ସମୟରେ କଳାକାର ପାଉନଥିବା ରୁ ବରିଷ୍ଠ କଳାକାର ମାନେ କ୍ଷୋଭ ପ୍ରକାଶ କରିଥିଲେ।ତିନି ମାସ ହେବ କଳାକାର ମାନେ ଭତ୍ତା ପାଇବାରୁ ବଞ୍ଚିତ ଅଛନ୍ତି। ପୂର୍ବ ସରକାର ସମୟରେ ଭତ୍ତା ନିୟମିତ ପାଇପାରୁଥିଲେ କିନ୍ତୁ ବର୍ତ୍ତମାନ ସମୟରେ ଭତ୍ତା ପ୍ରଦାନରେ ଅହେତୁକ ବିଲମ୍ବ କରାଯିବା କଳାକାର ମାନଙ୍କ ପ୍ରତି ବର୍ତ୍ତମାନ ସରକାର ଙ୍କ ଆନ୍ତରିକତା ନାହିଁ ବୋଲି କିଛି ବରିଷ୍ଠ କଳାକାର ମାନେ ମତ ପ୍ରକାସ କରିଛନ୍ତି। ସେହିପରି ଚଳିତ ବର୍ଷ ନୂତନ କଳାକାର ଭତ୍ତା ପାଇଁ ଆବେଦନ କରିବାର ପାଖାପାଖି ଗୋଟିଏ ବର୍ଷ ପୁରିବାକୁ ଥିବା ଵେଲେ ତା'ର କୈାଣସି ନିଷ୍ପତ୍ତି ବର୍ତ୍ତମାନ ସୁଦ୍ଧା ସରକାର ତରଫରୁ ଜଣାଯାଉନଥିବାରୁ କଳାକାର ମାନଙ୍କ ମନରେ ଅସନ୍ତୋଷ ଦେଖାଦେଇଛି l ଅନ୍ୟ ପକ୍ଷରେ ଜିଲ୍ଲା ପ୍ରଶାସନ ଲୋକ ମହୋତ୍ସବ ପାଇଁ ପ୍ରସ୍ତୁତି ହେଉଥିବା ବେଳେ ଲୋକ ମହୋତ୍ସବ ପୂର୍ବରୁ କଳାକାର ଭତ୍ତା ଦେବାକୁ ଦାବୀ ହୋଇଛି।ଏହା ସହିତ କଳାକାର ମାନଙ୍କ ପାଇଁ ଇନ୍ସ୍ୟୁରେନ୍ସ ଓ ଭତ୍ତା ପାଉଥିବା କଳାକାର ର ମ୍ରୃତ୍ୟୁ ପରେ କଳାକାର ଦମ୍ପତି ର ଜଣକକୁ  ଉକ୍ତ ଭତ୍ତା ପ୍ର ଦାନ କରାଯିବାକୁ ସରକାରଙ୍କ ଠାରେ ଦାବି ରଖିବାକୁ ନିଷ୍ପତ୍ତି ହୋଇଥିଲା l କିଛିଦିନ ପୂର୍ବରୁ ଜିଲ୍ଲା ସଂସ୍କୃତି ବିଭାଗ ତରଫରୁ ଏକ ସଚେତନତା କାର୍ଯ୍ୟକ୍ରମ ଲୋଇସିଂହା ବ୍ଲକ ର ବିଭିନ୍ନ ଗ୍ରାମରେ ହୋଇଥିଲା କିନ୍ତୁ ଏହି କାର୍ଯ୍ୟକ୍ରମରେ ଲୋଇସିଂହା ବ୍ଳକ ରୁ କୈଣସି ସାଂସ୍କୃତିକ ଦଳକୁ ସାମିଲ କରାଯାଇନଥିବାରୁ କଳାକାର ମାନେ ଦୁଃଖ ପ୍ରକାଶ କରିବା ସହିତ ଏ ବିଷୟ ରେ ଜିଲ୍ଲା ସଂସ୍କୃତି ଅଫିସର ଙ୍କ ନିକଟ ରେ ଫେରାଦ ହେବାକୁ ଆଲୋଚନା ହୋଇଥିଲା। ପରିଶେଷରେ ଚଳିତ ବର୍ଷ ହେବାକୁ ଥିବା ବ୍ଳକ ସ୍ଥରୀୟ ଲୋକ ମହୋତ୍ସବ ରେ ବ୍ଳକ ର ଅଧିକ ରୁ ଅଧିକ କଳାକାର କିପରି ଯୋଗଦାନ କରିପାରିବେ ସେ ଉପରେ ସମସ୍ତେ ପ୍ରସ୍ତୁତ ରହିବାକୁ ବ୍ଳକ କଳାକାର ସଂଘ ସଭାପତି ସରୋଜ ବିଶ୍ବାଳ ସମସ୍ତ କଳାକାର ମାନଙ୍କୁ କହିଥିଲେ l ସଂଘ ର ସଂପାଦକ ବ୍ରଜ ମୋହନ ବିଶୋଇ ଧନ୍ୟବାଦ ଅର୍ପଣ କରିଥିଲେ l