31-Dec-2024

ରେଙ୍ଗାଲିକ୍ୟାମ୍ପ/ଅତାବିରା(ଆକାଶ ମିଶ୍ର): ବରଗଡ଼ ଜିଲ୍ଲା ଅତାବିରା ବ୍ଲକ ଅନ୍ତର୍ଗତ କୁଲିତା ଟୁକୁରା ରେ ମା ପନ୍ଥେଇ ଚାରିଟେବଲ ଟ୍ରଷ୍ଟ ଓ ଗ୍ରାମବାସୀଙ୍କ ମିଳିତ ଆନୁକୁଲ୍ୟରେ ଦୁଇ ଦିନ ଧରି ପନ୍ଥେଇ ମହୋତ୍ସବ ଅନୁଷ୍ଠିତ ହୋଇଯାଇଛି ।  ଏହି ମହୋତ୍ସବ ଦୀର୍ଘ ବର୍ଷ ଧରି ଅତ୍ୟନ୍ତ ନିଆରା ଢଙ୍ଗରେ ପାଳିତ ହୋଇଆସୁଛି ।ଏହି ମହୋତ୍ସବ ର  ଏକ ମୁଖ୍ୟ ବିଶେଷତ୍ଵ ରହିଛି,ଯେଉଁଥିରେ ମାଁ ଇଷ୍ଟ ଦେବୀ ପନ୍ଥେଇ ଙ୍କ ପୂଜାର୍ଚ୍ଚନା ରୂପେ ନୂତନ ପୀଢ଼ି ଙ୍କ ମନରେ ଆଧ୍ୟାତ୍ମିକ ଭାବନା ଓ ଗ୍ରାମର

ବରିଷ୍ଠ ମାନଙ୍କୁ ସମ୍ମାନ ତଥା   ବିବାହ ପରେ  ଝିଅ ଜୋଇଁ ଙ୍କୁ  ଆଦର ବେଭାର  କରି ସାମାଜିକ ପରମ୍ପରା କୁ ରକ୍ଷା କରିବା ।ଚଳିତ ବର୍ଷ ଏହାର ପ୍ରଥମ ଦିବସରେ    ସ୍ଵୟଂ ସହାୟକ ଗୋଷ୍ଠୀ ମାନଙ୍କୁ ନେଇ ଲେଥା  ପ୍ରତିଯୋଗିତା ହୋଇଥିଲା। ଏଥିରେ ୩୩ ଟି ସ୍ଵୟଂ ସହାୟକ ଦଳ   ଭାଗ ନେଇ ନେଇଥିଲେ । ଏହାପରେ ଆୟୋଜିତ ସଭାକାର୍ଯ୍ୟ ରେ ରେ ବ୍ରଜେନ୍ଦ୍ର ସାହୁ ସଭାପତିତ୍ଵ କରିଥିଲେ । ମୁଖ୍ୟଅତିଥି ଭାବେ ବିଶ୍ୱ ହିନ୍ଦୁ ପରିଷଦର ପଶ୍ଚିମ ପ୍ରାନ୍ତ ସଭାପତି ଡ଼ା. ରାଜକୁମାର ବଡ଼ ପଣ୍ଡା  ଓ ସମାଜସେବୀ  ପ୍ରିତମ ସିଂ  ମୁଖ୍ୟ ବକ୍ତା  , ଜିଲ୍ଲା ପ୍ରବକ୍ତା ନବ କିଶୋର ପାଣିଗ୍ରାହୀ ,  ରୁପ ନାରାୟଣ ଅଗ୍ରୱାଲ, ଟ୍ରଷ୍ଟ ର ଅଧ୍ୟକ୍ଷ ସନ୍ତୋଷ ସେଠ, ଟ୍ରଷ୍ଟ ର ସଭାପତି ଶୈଳରାଜ ମହାରଣା  ସମ୍ମାନିତ ଅତିଥି ଭାବରେ  ମଞ୍ଚାସୀନ ଥିଲେ । ସକ୍ରିୟ ସଭ୍ୟ  ବ୍ରଜେନ୍ଦ୍ର ମହାପାତ୍ର ମଞ୍ଚ ପରିଚାଳନା କରିଥିଲେ। ସମ୍ପାଦକ ଶରତ କୁମାର ମହାରଣା ଧନ୍ୟବାଦ ଅର୍ପଣ କରିଥିଲେ। ସଂଜୀବ  ମହାପାତ୍ର ମାଁ ପନ୍ଥେଇ ଦୁର୍ଗାଙ୍କ ଇତିହାସ ପାଠ କରିଥିଲେ । ସେହି ପରି  ମହୋତ୍ସବ ର ଦ୍ବିତୀୟ ସନ୍ଧ୍ୟାରେ ସ୍ଥାନୀୟ ବିଧାୟକ ନିହାର   ମହାନନ୍ଦ  ମୁଖ୍ୟ  ଅତିଥି , ଡଃ  ସବିତା ସାହୁ ମୁଖ୍ୟ ବକ୍ତା,  ପୃଥ୍ୱୀରାଜ  ସାହୁ,   ନୃତ୍ୟ ନିର୍ଦ୍ଦେଶକ ଆଲୋକ ପଣ୍ଡା,  ଦିଲ୍ଲୀ  ମୁଖ୍ୟ  କର୍ପୋରେଟର ଅର୍ଜୁନ ସାହୁ ସମ୍ମାନିତ ଅତିଥି ଥିଲେ। ୨୦୨୩-୨୪ ବର୍ଷରେ ଗାଁର ବିବାହିତ ଝିଅ ଜ୍ୱାଇଁ ସମେତ ଗ୍ରାମର  କାର୍ଯ୍ୟରତ ଓ ଅବସରପ୍ରାପ୍ତ ସୈନିକ, ସାମ୍ବାଦିକ,

ସଂକଳ୍ପ ପରିବାର, ନିଷ୍ଠା ପରିବାର ଓ ଅମୃତ କୁଟୁମ୍ବ ଙ୍କୁ ଟ୍ରଷ୍ଟ  ପକ୍ଷରୁ ସମ୍ମାନିତ କରାଯାଇଥିଲା। ଗାଁର ୮ ଜଣ ବରିଷ୍ଠ ବୃଦ୍ଧ ବୃଦ୍ଧା ଙ୍କୁ  ବସ୍ତ୍ର ପ୍ରଦାନ କରାଇଥିଲା । ପ୍ରତ୍ୟହ ସନ୍ଧ୍ୟାରେ ସାଂସ୍କୃତିକ କାର୍ଯ୍ୟକ୍ରମ ଅନୁଷ୍ଠିତ ହୋଇଥିଲା । ପ୍ରଥମ ସନ୍ଧ୍ୟାରେ ବରଗଡ଼ ର ସାନ  ଡ୍ୟାନସ ଏକାଡେମୀ , ଢେମସା,କୋରାପୁଟ ର ଦୁରୁଆ ଆଦିବାସୀ ଲୋକନୃତ୍ୟ ଓ ବୋଧନ ସାଂସ୍କୃତିକ ଅନୁଷ୍ଠାନ, ତୋରା, ବରଗଡ଼  ନୃତ୍ୟ ପରିବେଷିତ ହୋଇଥିଲା ।