31-Dec-2024

ସିନାପାଲି,(ପରମେଶ୍ୱର ମେହେର ): ସିନାପାଲି ବ୍ଲକ ଅନ୍ତର୍ଗତ ଉପାନ୍ତ ନୂଆମାଲପଡା ଠାରେ ଗ୍ରାମ ସ୍ତରୀୟ ପ୍ରବାସୀ ଶ୍ରମିକ ସଚେତନତା ଶିବିର ଅନୁଷ୍ଠିତ ହୋଇଯାଇଛି। ନୂଆପଡା ଜିଲ୍ଲାପାଳ ଙ୍କ ଅଧ୍ୟକ୍ଷତାରେ ଅନୁଷ୍ଠିତ ଏହି ସଚେତନତା ଶିବିରରେ ସିନାପାଲି ବିଡ଼ିଓ କର୍ମୀ ଓରାମ, ତହସିଲଦାର ଉପାଞ୍ଜଳି ମାଝୀ, ବ୍ଲକ ଅଧ୍ୟକ୍ଷା  ମାଧୁରୀ ମାଝୀ, ଉପାଧ୍ୟକ୍ଷା ମିନା ଘିଭେଲା ,ସ୍ଥାନୀୟ ସରପଞ୍ଚ ବନିତା ପୋଡ଼,ପ୍ରମୁଖଙ୍କ ସମେତ ବ୍ଲକ ତଥା ଜିଲ୍ଲା ସ୍ତରୀୟ ସମସ୍ତ ବିଭାଗୀୟ ଅଧିକାରୀ ଉପସ୍ଥିତ ଥିଲେ। ଲୋକେ କିଭଳି ଦାଦନ ନଯାଇ ଗାଁରେ ରହି ବିଭିନ୍ନ ଯୋଜନାରେ ସାମିଲ ହୋଇ ରୋଜଗାର କରି ଜୀବିକା ନିର୍ବାହ କରି ପାରିବେ। ସେନେଇ ଶ୍ରମିକଙ୍କୁ ସଚେତନର ବାର୍ତ୍ତା ଦିଆଯାଇଥିଲା। ବିଭିନ୍ନ ବିଭାଗ ରୁ ହେଉଥିବା ଜନହିତକର ଯୋଜନା ଶ୍ରମିକ ନିଯୁକ୍ତି ଉପରେ ଲୋକଙ୍କୁ ସମ୍ପୃକ୍ତ ଅଧିକାରୀ ମାନେ ମତପ୍ରକାଶ କରିଥିଲେ। ଏହି ଶିବିରରେ ମନରେଗା ଯୋଜନାରେ ୩ଶହ ଦିନର କାମ କରିଥିବା ଶ୍ରମିକ ହେରାମ୍ବ ମାଝୀ , ଘନସିଂ ମାଝୀ ଓ ଖଗେଶ୍ୱର ମାଝୀ,ଘାସି ମାଝୀ, ହୀରାଧର ରଣା ଓ ତୁଳରାମ ଭାଟି ଙ୍କୁ ଜିଲାପାଳଙ୍କ ଦ୍ଵାରା  ସମ୍ବର୍ଦ୍ଧିତ କରାଯାଇଥିଲା। କାର୍ଯ୍ୟକ୍ରମ ଆୟୋଜନ ଓ ପରିଚାଳନାରେ ସ୍ଥାନୀୟ ପଞ୍ଚାୟତ ପ୍ରତିନିଧିଙ୍କ ସମେତ ସାମାଜିକ କର୍ମୀ ଗଣେଶ ପୋଡ଼, ପିଇଓ ଢ଼କନଲାଲ ଚଳାନ, ଜିଆରଏସ ଅମୂଲ୍ୟ ତାଣ୍ଡି ପ୍ରମୁଖ ଉପସ୍ଥିତ ରହି ସହଯୋଗ କରିଥିଲେ।