31-Dec-2024

ବ୍ୱଲାଙ୍ଗୀର(ପ୍ରେରଣା ଖବର):ବିଜ୍ଞାନ ଓ ପ୍ରଯୁକ୍ତି ବିଦ୍ୟାର ଉନ୍ନତି ସାଙ୍ଗକୁ ସଇବର ଅପରାଧ ଦିନକୁ ଦିନ ବୃଦ୍ଧି ପାଇବାରେ ଲାଗିଛି । ପ୍ରତିଦିନ ସାଇବର ଲୁଟେରା ମାନେ ନୂଆଁ ନୂଆଁ ଢ଼ଙ୍ଗରେ ନିରୀହ ଲୋକ ମାନଙ୍କ ଠାରୁ ଟଙ୍କା ଲୁଟ୍ କରୁଛନ୍ତି ଏବଂ ଏମାନଙ୍କର ଟେର ପୋଲିସ ମଧ୍ୟ ପାଇପାରୁ ନାହାନ୍ତି । ଏପରି କିଛି ଘଟଣା ଘଟିଛି ବଲାଙ୍ଗୀର ସହରରେ । ମୋବାଇଲର ଲିଙ୍କ ଛୁଇଁଦେଲା ମାତ୍ରକେ ମୋବlଇଲରୁ ଉଡିଯାଉଛି ଲକ୍ଷ ଲକ୍ଷ ଟଙ୍କ। ଦୁଇଟି ପୃଥକ ମାମଲାରେ ଦୁଇ ଜଣ ଆକଉଣ୍ଟଧାରୀ ପ୍ରାୟ ୨ଲକ୍ଷରୁ ଅଧିକ ଟଙ୍କା ହରାଇଛନ୍ତି । ଏ ଘଟଣା ସଂପର୍କରେ ସାଇବର ଥାନାରେ ଲିଖିତ ଅଭିଯୋଗ କଲା ପରେ ସଇବର ଥାନା ଅଧିକାରୀ ୨ ଲକ୍ଷରୁ ଅଧିକ ଟଙ୍କା ହଡପ ହୋଇଥିଲେ ଯାଇ ସେ ମାମଲାର କେଶ ଦାୟର ହୋଇପାରିବ ବୋଲି କହିବା ପରେ ନିରାଶ ହୋଇ ଏମାନେ ଟାଉନ ଥାନାରେ ଲିଖିତ ଅଭିଯୋଗ କରିଛନ୍ତି। ଗତ ୨୩ ତାରିଖରେ ସ୍ଥାନୀୟ ପେଲେସ ଲାଇନ୍‌ର ଲକ୍ଷ୍ମୀ ସାହୁଙ୍କ ମୋବଇଲ୍ କୁ ପିଏମ୍ କିଶାନ୍ ଆପ୍ ର ଏକ ମେସେଜ୍ ଆସିଥିଲା। ବଲାଙ୍ଗୀର ମୁନିସିପାଲିଟି ୨୦ନମ୍ବର ୱାର୍ଡ ର ଏସ୍‌ଏଚ୍‌ଜି ଗୃପର ମହିଳା ମାନଙ୍କୁ ନେଇ ଏକ ଗୃପ ତିଆରି ହୋଇଛି । ଏହି ଗୃପରେ ହିଁ ଆସିଥିଲା ପିଏମ୍‌କିଶାନ ଯୋଜନାର ଏକ ଲିଙ୍କ। ଯେଉଁଥିରେ ତଥ୍ୟ ଦାଖଲ କଲା ପରେ ଆର୍ଥିକ ସହାୟତା ମିଳିବ ବୋଲି କୁହାଯାଇଥିଲା। ମାତ୍ର ଶ୍ରୀମତୀ ସାହୁ ସେ ଲିଙ୍କ୍ ଛୁଇଁବା ମାତ୍ରେ ତାଙ୍କ ଆକାଉଣ୍ଟରୁ ତତକ୍ଷଣାତ ଦୁଇଟି ପର୍ଯ୍ୟାୟରେ ୧ ଲକ୍ଷ ୩୨ହଜାର ୯୦ ଟଙ୍କା କଟି ଯାଇ ଅନ୍ୟ ଆକାଉଣ୍ଟକୁ ଚାଲିଯାଇଥିଲା। ସେହିପରି ପେଲେସ ଲାଇନ୍ ର ଆଉ ଜଣେ ଆକାଉଣ୍ଟଧାରୀ ସାଇରlମ ପାଣିଗ୍ରାହୀଙ୍କ ଆକାଉଣ୍ଟରୁ ମଧ୍ୟ ସମାନ ଢଙ୍ଗରେ ଏହି ଲିଙ୍କ ଦବାଇବା ମାତ୍ରେ ତିନୋଟି ପର୍ଯ୍ୟାୟରେ ୧ଲକ୍ଷ ୪ଠ ହଜାର ୫ଶହ ଟଙ୍କା ଉଡିଯାଇଥିଲା। ଏହାପରେ ତାଙ୍କ ଆକାଉଣ୍ଟ ଯାଂଚ କରିବାରୁ ତାହା ଅନ୍ୟ ଆକାଉଣ୍ଟକୁ ଯାଇଥିବା ଜାଣି ଟାଉନ ଥାନାରେ ଲିଖିତ ଅଭିଯୋଗ କରିଥିଲେ । ବଲାଙ୍ଗୀର ସହରରେ ଏପରି ଅନେକ ଲୋକ ସାଇବର ଅପରାଧର ଶିକାର ହୋଇଛନ୍ତି , ଯେଉଁମାନେ ବିଭିନ୍ନ କାରଣରୁ ଥାନାରେ ଅଭିଯୋଗ କରି ନାହାନ୍ତି ବୋଲି ଜଣେ ଏକାଉଣ୍ଟଧାରୀ ସୁବ୍ରତ କୁମାର ସାହୁ କହିଛନ୍ତି । ଏପଟେ ଏପରି ସାଇବର ଲୁଟେରା ମାନଙ୍କୁ ଧରିବା ବଲାଙ୍ଗୀର ସାଇବର ପୋଲିସ ପାଇଁ ଏକ ବଡ଼ ଚ୍ୟାଲେଞ୍ଜ ହୋଇଯାଇଛି l କ୍ରମାଗତ ଭାବେ ବଲାଙ୍ଗୀର ଜିଲ୍ଲାରେ ଏପରି ଠକେଇ ମାମଲା ହେଉଥିଲେ ମଧ୍ୟ ପୋଲିସ ଅପରାଧୀ ମାନଙ୍କ କୌଣସି ଖୋଜଖବର ପାଇପାରୁ ନାହିଁ l ବଲାଙ୍ଗୀର ଟାଉନଥାନା ପୋଲିସ କେଶ ନମ୍ବର ୯୨୨ ଏବଂ ୯୨୩ ରେ ସାଇବର ଠକେଇ ସଂପର୍କିତ ଦୁଇଟି ମାମଲା ରୁଜୁ କରି ଏହାର ତଦନ୍ତ ଚଳାଇଥିବା ଜଣାପଡିଛି । ତେବେ ପିଏମ୍ କିଶାନ ଯୋଜନା ନାଁ ରେ କିଛି ସାଇବର ଅପରାଧୀ ଗୋଷ୍ଠୀ ନିଜର ଠକ ସମାଜ୍ୟର କାୟାବିସ୍ତାର କରିଛାଲିଛନ୍ତି । ଏପରି କୌଣସି ଲିଙ୍କ୍ ଦବାଇବା ପୂର୍ବରୁ ଲୋକେ ସତର୍କ ହେବାକୁ ସାଇବର ପୋଲିସ ପକ୍ଷରୁ ସତର୍କସୂଚନା ଦିଆଯାଇଛି। ଏସବୁ ଭିତରେ ବଲାଙ୍ଗୀର ସହରରେ ଟଙ୍କା ହରାଇ ଥିବା ଏହି ବ୍ଯକ୍ତି ମାନେ ମାନସିକ ଦୁଶ୍ଚିନ୍ତା ମଧ୍ୟରେ ନିଜର ଭାଗ୍ୟକୁ ଆଦରି ରହିଛନ୍ତି ଯେ, କେବେ ପୋଲିସ ପ୍ରଶାସନ ଏମାନଙ୍କୁ ନ୍ୟାୟ ଦେବ?