25-Dec-2024

ପାଟଣାଗଡ଼ (ପୁର୍ଣ୍ଣ ଶଶୀ ଶେଖର ରାଓ) ବେଆଇନ ଦାଦନ ଶ୍ରମିକ ଚାଲାଣ ଉପରେ ରୋକ୍ ଲଗାଇବା ପାଇଁ ରାଜ୍ୟ ସରକାରଙ୍କ ପକ୍ଷରୁ ଟାକ୍ସଫୋର୍ସ ଗଠନ କରାଯାଇଥିଲା। କିନ୍ତୁ ଦାଦନ ଋତୁ ର ଶେଷ ପର୍ଯ୍ୟାୟରେ ପହଞ୍ଚାଇବାକୁ ବସିଲାଣି କିନ୍ତୁ ଏ ପର୍ଯ୍ୟନ୍ତ ଟାକ୍ସଫୋର୍ସ ଦ୍ବାରା ଗୋଟିଏ ମଧ୍ୟ ଦାଦନ ଶ୍ରମିକ ଉଦ୍ଧାର ହୋଇନାହିଁ।ଅନ୍ୟ ପକ୍ଷରେ ବଲାଙ୍ଗିର ଜିଲ୍ଲାର କେତେ ଯେ ଦାଦନ ଶ୍ରମିକ ବାହାର ରାଜ୍ୟ କୁ ଯାଇଛନ୍ତି ତାହାର ସଠିକ ଖବର ଶ୍ରମ ବିଭାଗ ପାଖରେ ନାହିଁ। ବଲାଙ୍ଗିର ଜିଲ୍ଲା ର ମୁଖ୍ୟତଃ ପାଟଣାଗଡ଼ ଓ କଣ୍ଟାବାଞ୍ଜି ନିର୍ବାଚନ ମଣ୍ଡଳୀ ହେଉଛି ଦାଦନଗଡ। ଏହି ଦୁଇ ଟି ନିର୍ବାଚନ ମଣ୍ଡଳୀରେ ଯାଉଥିବା ଲରମ୍ଭା, ପାଟଣାଗଡ଼, ଖପ୍ରାଖୋଲ,ବେଲପଡା,ଲାଠୋର, ତୁରେକେଲା, କଣ୍ଟାବାଞ୍ଜି, ବଙ୍ଗୋମୁଣ୍ଡା, ସିନ୍ଧେକେଲା,ମୁରିବାହାଲ ଥାନା ମାନଙ୍କ ଗୁରୁତ୍ବପୂର୍ଣ୍ଣ ଭୂମିକା ରହୁଥିବା ବେଳେ କାଭାଁ କାଭାଁ ଦୁଇ ଚାରିଟା ଦାଦନ ଶ୍ରମିକ ଉଦ୍ଧାର କରି ଚୁପ୍ ରହୁଛନ୍ତି। ବଲାଙ୍ଗିର ଜିଲ୍ଲାରେ ସର୍ବାଧିକ ବେଆଇନ ଦାଦନ ଚାଲାଣ ଉପରେ ଗୁରୁତ୍ବ ଦେଇ ତୁରେକେଲା ଥାନା ଅଧିକାରୀ ରମାକାନ୍ତ ସାହୁ ୧୫ ଥର ଉଦ୍ଧାର କରିଥିବା ବେଳେ ଦ୍ଵିତୀୟ ସ୍ଥାନରେ ବେଲପଡା ଥାନା ଅଧିକାରୀ ଅନନ୍ତ ପ୍ରଧାନ ରହି ଦାଦନ ଶ୍ରମିକ ଉଦ୍ଧାର କରି ଚାଲିଛନ୍ତି।ସୂଚନା ଅନୁସାରେ ବଲାଙ୍ଗିର ଜିଲ୍ଲା ବେଲପଡା ଥାନା ବନମାଳ ଗାଁ ର ସର୍ଦ୍ଦାର କବି ବିଶ୍ବାଳ ଲୋଇସିଂହା ଥାନା ତାଳଜୁରୀ ଗାଁ ରୁ ୮ ଜଣ ଦାଦନ ଶ୍ରମିକ କୁ ଆଣି ନିଜ ସମ୍ପର୍କୀୟ ଘରେ ରଖିଥିବା ବେଳେ ଆଜି ଏ, ଏସ, ଆଇ ଶ୍ରୀପତି ସାହୁ ଏବଂ ଷ୍ଟାଫ୍ ପହଞ୍ଚି ଶ୍ରମିକ ମାନଙ୍କୁ ଉଦ୍ଧାର କରିଥିଲେ। ପୋଲିସ କୁ ଦେଖି ସର୍ଦ୍ଦାର କବି ବିଶ୍ବାଳ କୁଆଡେ ଫେରାର ହୋଇଯାଇଥିବା ବେଳେ ଶ୍ରମିକ ମାନଙ୍କୁ ଥାନା କୁ ଆଣି ପଚରାଉଚରା କରି ଛାଡ଼ି ଦେଇଥିବା ବେଳେ କବି ବିଶ୍ବାଳ ର ନାଁ ରେ ମାମଲା ରୁଜୁ କରାଯାଇଛି। ଉକ୍ତ ଶ୍ରମିକ ମାନଙ୍କ ମଧ୍ୟରେ ୨ ଟି ପୁରୁଷ,୫ ଜଣ ମହିଳା ଓ ୧ ଶିଶୁ ଥିବା ଜଣାପଡ଼ିଛି।ସମସ୍ତ ଶ୍ରମିକ କୁ ସୁରକ୍ଷିତ ଭାବେ ବେଲ ପଡ଼ା ପୋଲିସ ଘରକୁ ପଠାଇ ଦେଇଥିବା ଜଣାପଡିଛି।ଆହୁରି ଟିକିଏ ଧ୍ୟାନ ଦେଇ ବେଆଇନ ଦାଦନ ଶ୍ରମିକ ଚାଲାଣ ଉପରେ ରୋକ୍ ଲଗାନ୍ତୁ ବୋଲି ଅଞ୍ଚଳବାସୀଙ୍କ ଦାବି ହେଉଛି।