17-Dec-2024

ବରଗଡ:(ନିରଞ୍ଜନ ତ୍ରିପାଠୀ)-ରାଜ୍ୟ ସରକାର ଙ୍କ ବିଚିତ୍ର ଧାନ କିଣା ନୀତି ଦେଖିବାକୁ ବରଗଡ଼ ଜିଲ୍ଲାର ବିଭିନ୍ନ ମଣ୍ଡି ରେ କେଉଁଠି ମୋଟେ ଧାନ ନ ଥିବା ବେଳେ କେଉଁଠି ଧାନ ଏଯାବତ ଧାନ ଉଠି ନ ଥିବା ପ୍ରକାଶ କରୁଛନ୍ତି ଚାଷୀ ମାନେ। ନୂତନ ସରକାର ନିର୍ବାଚନୀ ଇସ୍ତାହାର ରେ ୩୧ସହ ଧାନ କ୍ୟୁଣ୍ଟାଲ କଟନୀ ବିହୀନ ଦଲାଲ ମୁକ୍ତ ଏବଂ ଧାନ କିଣାର ୪୮ ଘଣ୍ଟା ମଧ୍ୟ ରେ ଟଙ୍କା ପ୍ରାପ୍ୟ  ପ୍ରତିଶୃତି ଦେଇଥିଲେ। ନିର୍ବାଚନ ସରିଛି ପ୍ରତିଶୃତି ପାଳନ କରିବାର ସମୟ ଆସିଥିବା ବେଳେ ଏଫ ଏ କ୍ଯୁ ନାଁ ଏନଳାଇଜର ମେସିନ ଜରିଆରେ ଧାନ ପରୀକ୍ଷା କରି କିଣା ନିଷ୍ପତ୍ତି ଫଳରେ ସର୍ଣ୍ଣ ଜାତୀୟ ଧାନ ଏବଂ ପ୍ରାୟ ମେସିନ ଗୋଟିଏ ରିପୋର୍ଟ ନ ଦେବା କାରଣ ରୁ ଜିଲ୍ଲାରେ ସମସ୍ତ ଚାଷୀଙ୍କୁ ଅଯୋଗ୍ୟ ଧାନ କହି ଡରେଇ ଦିଆଗଲା ଫଳରେ ଚାଷୀ ଆଉ ମଣ୍ଡି କୁ ଧାନ ନ ଆଣି ସିଧା ସଳଖ ମଧ୍ୟସ୍ଥି ସାହାଯ୍ୟ ରେ କ୍ୟୁଣ୍ଟଲ ପ୍ରତି ୨/୩ କେଜି କଟନୀ ଦେଇ ଧାନ ବିକ୍ରି କରୁଛନ୍ତି। ଏପରି କିଛି ମଣ୍ଡିରେ ମଧ୍ୟସ୍ଥି ମାନେ କ୍ୟୁଣ୍ଟାଲ ପ୍ରତି ୧୫୦/୨୦୦ ଟଙ୍କା ନେଉଥିବା ଚାଷୀମାନେ ପ୍ରକାଶ କରୁଛନ୍ତି। ଗୋଟିଏ ମାସ ହେବ ଧାନ କିଣା ଆରମ୍ଭ ହୋଇଥିଲେ ମଧ୍ୟ ଏହି ପରି କିଛି ମଣ୍ଡି ଅଛି ଯେଉଁଠି ଠିକ ଭାବରେ ଧାନ ଉଠୁନାହିଁ ଏଠି ପ୍ରକାଶ ଥାଉକି ବିଗତ ବର୍ଷ ମାନଙ୍କରେ ମଧ୍ୟ ରେଶମ, ପଧାନପାଲି,ସାଲ୍ହେପାଲି, ସିହେନପାଲି, ହାତୀପାଲି, କୁବେଡେଗା, ସହରାତିକ୍ରା, ତୁଳଣ୍ଡି, ସତଲମା, କୁମ୍ଭାରୀ, ବରା ଆଦି ମଣ୍ଡି ମାନଙ୍କରେ ଚାଷୀ ମାନେ ଠିକ ଧାନ ଆଣି ଦଲାଲ ମୁକ୍ତ ଏବଂ କଟନୀ ବିହୀନ ଧାନ ବିକ୍ରି କରୁଥିଲେ। କିନ୍ତୁ ଚଳିତ ବର୍ଷ ସେହି ମଣ୍ଡି ମାନଙ୍କ ରେ ସେହି କ୍ୱାଲିଟି ର ଧାନ ଆଣିଥିଲେ ମଧ୍ୟ ଏନଳାଇଜର ର ଭୟ ଦେଖାଇ ଚାଷୀମାନଙ୍କୁ ହଇରାଣ କରାଯାଉଛି। ଗତ ୧୦ ତାରିଖରେ କୁମ୍ଭାରୀ ଚାଷୀ ମାନେ ସି ଏସ ଓ ଙ୍କ ଦୁଇ ଘଣ୍ଟା ଅଫିସ ରେ ତାଲା ଦେଇ ଧାରଣା ରେ ବସିଥିଲେ ଗତକାଲି ସତଲମା ର ଚାଷୀମାନେ ଧାନ ନ ଉଠିବାର ବିଭାଗୀୟ ଅଫିସ କୁ ଅଭିଯୋଗ କରିଛନ୍ତି କୁବେଡେଗା ଚାଷୀମାନେ ଭେଡେନ ତହସିଲଦାର କୁ ଆଜି ସୁଦ୍ଧା ସମସ୍ତ ଧାନ ନ ଉଠିଲେ ବରଗଡ଼ ଭେଡେନ ରାସ୍ତା ରେ ଧାନ ପକାଇ ଆନ୍ଦୋଳନ କରିବା ପାଇଁ ଲିଖିତ ଭାବେ ଚେତାବନୀ ଦେଇଛନ୍ତି ଏହି ପରି ସ୍ଥଳେ ରେଶମ ଅଂଚଳରେ ମଧ୍ୟ ଧାନ ମନ୍ଥର ଗତିରେ ଉଠଥିବାରୁ ବଡ ଧରଣ ଆନ୍ଦୋଳନ ପାଇଁ ଚାଷୀମାନେ ସଜବାଜ ହେଉଥିବା ବେଳେ ଗତ କାଲି ବିଭାଗୀୟ ଅଧିକାରୀ ସମସ୍ତ ଧାନ ଉଠେଇ ନେବା ପାଇଁ କହିଛନ୍ତି। ପ୍ରକୃତରେ ଧାନ ସଂଗ୍ରହ ନୀତି କାର୍ଯ୍ୟକାରୀ ହେଉ ନ ଥିବା ସଂଯୁକ୍ତ କୃଷକ ସଂଗଠନ ଅଭିଯୋଗ କରିଛି। ଧାନ କିଣା ରେ ମିଲ ମାନଙ୍କ ବଡ଼ ଭୂମିକା ନ ଥିବା ବେଳେ କେମିତି,କିପରି ଏବଂ କାହା ସ୍ୱାର୍ଥ ରେ ୨/୩ କେଜି ଧାନ କଟନୀ ଦେଲେ ଅଯୋଗ୍ୟ ଧାନ ମଧ୍ୟ ଯୋଗ୍ୟ ହୋଇଯାଉଛି ଏବଂ ତୁରନ୍ତ ସେହି ଧାନ ବିନା ଯାଞ୍ଚ କରି କିଣା ଯାଇ ପାରୁଛି ବୋଲି ପ୍ରଶ୍ନ କରିଛନ୍ତି?ଏଠାରୁ ପ୍ରମାଣିତ ହେଉଛି ଯେ ଧାନ କିଣାବିକା କଟନୀ ବିହୀନ ଦଲାଲ ମୁକ୍ତ ନୁହେଁ ? ଧାନ କିଣା ସମସ୍ୟା ର ସମାଧାନ ପାଇଁ ସରକାର ଗଠନ କରିଥିବା କମିଟି ଗୁଡିକ କହିଗଲେ ବୋଲି କୃଷକ ମାନଙ୍କ ପକ୍ଷରୁ ପ୍ରଶ୍ନ ହେଉଛି। ଯେଉଁ ଚାଷୀ ଏଫ ଏ କ୍ଯୁ ଧାନ ଆଣିଛି ତାହାକୁ ହଇରାଣ କରାଯାଉଥିବା ଦୁର୍ଭାଗ୍ୟ ଜନକ ବୋଲି ସଂଯୁକ୍ତ କୃଷକ ସଂଗଠନ ପ୍ରକାଶ କରି ଶାସନ ପ୍ରଶାସନ କୁ କାଠଗଡା ଛିଡା କରିଛି।