13-Dec-2024

ବଲାଙ୍ଗୀର(ପ୍ରେରଣା ଖବର): ବଲାଙ୍ଗିର ଜେ.ଏସ୍.ଏମ କଳା, ବିଜ୍ଞାନ ଏବଂ ବାଣିଜ୍ୟ ମହାବିଦ୍ୟାଳୟର ୪୬ ଛାତ୍ରଛାତ୍ରୀ ଓ ୯ ଜଣ ଶିକ୍ଷକଶିକ୍ଷୟତ୍ରୀ ଦୁଇଦିନିଆ ଏକ ଶିକ୍ଷା ଯାତ୍ରାରେ  ଭାଇଜାଗ୍(ଭିଶାଖାପଟ୍ଟନମ)ଯାଇଥିଲେ। ଏହି ଯାତ୍ରାର ଉଦ୍ଦେଶ୍ୟ ହେଉଛି ଛାତ୍ରଛାତ୍ରୀ ମାନଙ୍କୁ ବିଭିନ୍ନ ସ୍ଥାନ ଓ ସଂସ୍କୃତି ସହିତ ପରିଚିତ କରାଇବା ଓ ସେମାନଙ୍କର ଶିକ୍ଷାରେ ନୂତନ ଅନୁଭବ ସୃଷ୍ଟି କରିବା ସହିତ ପ୍ରାକୃତିକ ଦୃଶ୍ୟ ଓ ସୌନ୍ଦର୍ଯ୍ୟତା କୁ 

ଉପଭୋଗ କରିବା l ଯାତ୍ରାରେ ଛାତ୍ରଛାତ୍ରୀ ମାନେ ଭାଇଜାକ୍ ର ଅନେକ ପର୍ଯ୍ୟଟନସ୍ଥଳ ଦର୍ଶନ କରିଥିଲେ, ଯେଉଁଥିରେ  କୈଳାସଗିରି, ସିମଞ୍ଚଳମ୍, ଆରକୁ ଭ୍ୟାଲି, ବିମାନ ସଂଗ୍ରହାଳୟ, ମେରାଇନ୍ ଡ୍ରାଇଭ୍ ଆଦି ସ୍ଥାନ ଗୁଡିକ ଅନ୍ତର୍ଭୁକ୍ତ ଥିଲା। ଏହି ସ୍ଥାନ ଗୁଡ଼ିକର ସୌନ୍ଦର୍ଯ୍ୟ ଓ ସଂସ୍କୃତିର ମହତ୍ତ୍ଵ ଛାତ୍ରଛାତ୍ରୀ ମାନଙ୍କୁ ଆକର୍ଷିତ କରିଥିଲା। ସମ୍ପୁର୍ଣ୍ଣ ଯାତ୍ରାରେ କଲେଜର ଚେୟରମ୍ୟାନ୍ ସିଏ ଶ୍ରୀକାନ୍ତ ଶର୍ମା, କଲେଜର ସମ୍ପାଦିକ ଶ୍ରୀମତୀ ସୁମନ ଶର୍ମା, ଏ ଓ ଶୈଲେଶ ପlଲ ଶିକ୍ଷକ  ନିରୋଜ ମିଶ୍ର, ସଦାଶିବ ସାହୁ, ସୌମ୍ୟ ଭୋଇ, ସୌରଭ ବଢେଇ, ମଧୁ ଏବଂ ପଦ୍ମା ମା'ମ୍ ରହି ପିଲାମାନଙ୍କୁ ମାର୍ଗ ଦର୍ଶନ ଓ  ଉହ୍ସାହିତ କରିବା ସହିତ ଛାତ୍ରଛାତ୍ରୀ ମାନଙ୍କର ଜ୍ଞାନ 

ଓ ଅନୁଭବକୁ ବୃଦ୍ଧି କରିବାରେ ସାହାଯ୍ୟ କରିଥିଲେ। ଏହା ସେମାନଙ୍କର ଶିକ୍ଷାରେ ଗୁରୁତ୍ଵପୂର୍ଣ୍ଣ ଭୂମିକା ଗ୍ରହଣ କରିଛି । ଛାତ୍ରଛାତ୍ରୀ ବିଭିନ୍ନ ମନୋରମ ସ୍ଥାନ ଅନୁସନ୍ଧାନ କରିଥିଲେ ଓ ଭାଇଜାଗର ସମୁଦ୍ର ଦୃଶ୍ୟ ଓ ସଂସ୍କୃତିରେ ନିଜକୁ ବୁଡ଼ାଇ ଦେଇ ଥିଲେ ଏବଂ ଅଗଣିତ ସ୍ମରଣୀୟ ସ୍ମୃତି ସୃଷ୍ଟି କରିଥିଲେ। ଏହି ଉଲ୍ଲେଖନୀୟ ଯାତ୍ରା ଏକ ଆନନ୍ଦଦାୟକ ହେବା ସହିତ  ଶିକ୍ଷଣ ଏବଂ ପ୍ରେରଣାରେ ପରିପୂର୍ଣ୍ଣ ଥିଲା, ଯାହାକି ସମସ୍ତଙ୍କ ଉପରେ ଏକ ଅନନ୍ତ ଛାପ ଛାଡିଥିଲା।