06-Dec-2024

ଅତାବିରା!(ଆକାଶ ମିଶ୍ର): ଆକଶେ ରାଜ୍ୟ ସରକାରଙ୍କ ଉଚ୍ଚଶିକ୍ଷା ବିଭାଗର ନିର୍ଦ୍ଦେଶ କ୍ରମେ  ଅତାବିରା  ମହାବିଦ୍ୟାଳୟରେ  ଆଜି  ଯୁକ୍ତ ତିନି ପ୍ରଥମ ବର୍ଷ ର  ଛାତ୍ରୀମାନଙ୍କ ପାଇଁ ଆତ୍ମ ସୁରକ୍ଷା ତାଲିମ ଶିବିର  ଅନୁଷ୍ଠିତ ହୋଇଯାଇଛି । ମହାବିଦ୍ୟାଳୟ ର ଅଧ୍ୟକ୍ଷ ଅଶ୍ଵିନୀ କୁମାର ପ୍ରଧାନ ଙ୍କ  ପ୍ରତ୍ୟକ୍ଷ ତତ୍ତ୍ୱାବଧାନରେ ଅନୁଷ୍ଟିତ ହୋଇଥିବା ଏହି ତାଲିମ୍ କାର୍ଯ୍ୟକ୍ରମ ରେ ମାଷ୍ଟର ଟ୍ରେନର ଭାବରେ  ସନେନା ବେସ୍ରା  ତାଲିମ ପ୍ରଦାନ କରିଥିଲେ।
  ଅଧ୍ୟକ୍ଷ ଶ୍ରୀ ପ୍ରଧାନ ଏହି ତାଲିମ ଶିବିର ଆୟୋଜନର ଆଭିମୁଖ୍ୟ ଉପରେ ଗୁରୁତ୍ୱାରୋପ କରି କହିଥିଲେ ଯେ  ମହିଳା ଓ ନାବାଳିକା ମାନେ ବିଭିନ୍ନ ସମୟରେ ସମ୍ମୁଖୀନ ହେଉଥିବା ବହୁବିଧ ସମସ୍ୟାକୁ ଦୃଷ୍ଟିରେ ରଖି ସେମାନଙ୍କ ସୁରକ୍ଷା ପାଇଁ ଶିକ୍ଷା ବିଭାଗ ପକ୍ଷରୁ  ଏପରି ପଦକ୍ଷେପ ନିଆଯାଇଛି। ସାଂପ୍ରତିକ ପରିସ୍ଥିତିରେ ଝିଅ ମାନେ ନିଜର ସୁରକ୍ଷା ପାଇଁ ଆତ୍ମ ସୁରକ୍ଷା କୌଶଳ ଶିକ୍ଷାଲାଭ କରି ମାନସିକ ଓ ଶାରିରୀକ ସ୍ତରରେ ବଳଶାଳୀ ହୋଇ ନିଜେ ନିଜର ରକ୍ଷକ ସାଜି ପାରିବା ରେ ସକ୍ଷମ ହୋଇପାରିବେ ବୋଲି  ଏହି ତାଲିମ ପ୍ରଦାନ କରାଯାଉଛି । ମହାବିଦ୍ୟାଳୟ ରେ  ଅନୁଷ୍ଟିତ ହୋଇଥିବା ଏହି ଛାତ୍ରୀ ଆତ୍ମ ସୁରକ୍ଷା ତାଲିମ ଶିବିରରେ ଯୁକ୍ତ ତିନି ପ୍ରଥମ ବର୍ଷ  ର   ସମସ୍ତ ଛାତ୍ରୀ ପ୍ରଶିକ୍ଷଣ ନେଇଥିବା ଜଣାପଡିଛି । ଏହି କାର୍ଯ୍ୟକ୍ରମ ରେ ଉପଦେଷ୍ଟା ସନ୍ଧ୍ୟାରlଣୀ ଜେନା,ଗିରିଜା ବରିହା, ଅସ୍ମିତା ଛୁରିଆ,କ୍ରିଶ୍ନଞଳି ବିଶ୍ଵାଳ, ଗାୟତ୍ରୀ ପାଣ୍ଡିଆ ,ସୀମା ପ୍ରସାଦ ପ୍ରମୁଖ   ଭୂମିକା ଗ୍ରହଣ କରିଥିବା ବେଳେ କର୍ମଚାରୀ ଶେଫାଳୀ ଘୋଷ, ବ୍ୟାସ ରଣା ଓ  ଯlଜ୍ଞସିନି ବଗର୍ତ୍ତି ସହଯୋଗ କରିଥିଲେ ।