05-Dec-2024

କଣ୍ଟାମାଳ(ଜୟ କୁମାର ମହାରଣା):  ବୌଦ୍ଧ ଜିଲ୍ଲା କଣ୍ଟାମାଳ ବ୍ଲକ ବନ୍ଧଗୋରା ସ୍ଥିତ ଖଡ଼ଙ୍ଗ ଲୋକମହୋତ୍ସବ ପଡ଼ିଆରେ ଗତ ଦଶଦିନ ଧରି ଚାଲିଥିବା ଧବଳେଶ୍ୱର ପ୍ରିମିୟର ଲିଗ କ୍ରିକେଟ ପ୍ରତିଯୋଗୀତା ଉଦଯାପିତ ହୋଇଯାଇଛି। ଉଦଯାପନୀ ଦିବସରେ ମହାକାଳ ଏକାଦଶ ଓ ଜୟ ଜଗନ୍ନାଥ ଭିକ୍ଟୋର ଦଳ ମଧ୍ୟରେ ଫାଇନାଲ ମ୍ୟାଚ ହୋଇଥିଲା l  ଏଥିରେ ମହାକାଳ ଏକାଦଶ କୁ ହରାଇ ଜୟ ଜଗନ୍ନାଥ ଭିକ୍ଟର ଦଳ ଟୁର୍ନାମେଣ୍ଟ ଚମ୍ପିୟାନ ହୋଇଛି । ଉକ୍ତ ଟୁର୍ଣ୍ଣାମେଣ୍ଟରେ ୯ଟି ପ୍ରାଞ୍ଚାଇଜର ୯ଟି ଦଳ ଅଂଶଗ୍ରହଣ କରି ପରସ୍ସର ମଧ୍ୟରେ ଗୋଟିଏ ଲେଖାଏଁ ପ୍ରତ୍ୟେକଦଳ ୮ଟି ମ୍ୟାଚ ଖେଳିଥିଲେ। ଉଦଯାପନୀ ଦିବସରେ ମୁଖ୍ୟ ଅତିଥିଭାବେ ପୂର୍ବତନ କଣ୍ଟାମାଳ ବିଧାୟକ ମହିଧର ରଣା ମୁଖ୍ୟଅତିଥି ଓ ଶିକ୍ଷାବିତ ନିଳାଞ୍ଚଳ ଭୋଇ, ଆଦିବାସୀ ନେତା ପିତାମ୍ବର ଭୋଇ, ଗ୍ରାମର ଗୌନ୍ତିଆ ଧିରୋଜ ଭୋଇ, ସମାଜସେବୀ ଗୋବର୍ଦ୍ଧନ ଭୋଇ,ଅଭିରାମ ରଣା, ବଳରାମ ଦାଶ,ମନୋଜ ଦାଶ,ସୁନିଲ ସାହୁ, ଧିରୋଜ ସାହୁ , ସୁବୋଧ ସାହୁ ପ୍ରମୁଖ ସମ୍ମାନୀତ ଅତିଥିଭାବେ ଯୋଗଦେଇ ଖେଳାଳିମାନଙ୍କୁ ଉତ୍ସାହିତ କରିବା ସହ ବିଜେତା ଓ ଉପ ବିଜେତାଦଳଙ୍କୁ ନଗଦ ରାଶି ସହ ଟ୍ରଫି ପ୍ରଦାନ କରିଥିଲେ | ସେହିପରି ରଞ୍ଜନ କୁମାର ଦାଶଙ୍କୁ ବେଷ୍ଟଫ୍ରାଞ୍ଚାଇଜ,ବିଜେତା ଦଳର ମାନସିଂ ରଣାଙ୍କୁ ମ୍ୟାନ ଅଫ ଦି ମ୍ୟାଚ ଓ ଉପ ବିଜେତା ଦଳରବୌଦ୍ଧ ଶକ୍ତି ରଞ୍ଜନ ସାହୁଙ୍କୁ ମ୍ୟାନ ଅଫ୍ ଦି ସିରିଜ ପୁରସ୍କାର ପ୍ରଦାନ କରାଯାଇଥିଲା।  ଆଲୋକ ସାହୁ ଓ ସନ୍ତୋଷ ପାତ୍ର ଖେଳ ପରିଚାଳନା, ସୁଶାନ୍ତ ବାରିକ ଓ ପବିତ୍ର ଭୋଇ ଧାରାବିବରଣୀ ଏବଂ ପ୍ରଦୀପ ଭୋଇ ଓ ମକରନ୍ଦ ଭୋଇ ସ୍କୋରର ଦାୟିତ୍ଵ ତୁଲାଇଥିଲେ ।