03-Dec-2024

ବୀରମହାରାଜପୁର,( ବିନୋଦ ପାଣ୍ଡେ ): ସୁବର୍ଣ୍ଣପୁର ଜିଲ୍ଲା ବୀରମହାରାଜପୁର ବ୍ଲକ ଅନ୍ତର୍ଗତ ଜଟେସିଂହା  ଉଚ୍ଚ ବିଦ୍ୟାଳୟ ର ପ୍ରଧାନ ଶିକ୍ଷକ ତ୍ରୀପୁରାରୀ  ରଥ  ଆଜି ନିଜର ଶିକ୍ଷକତା ଜୀବନରୁ ଅବସର ଗ୍ରହଣ କରିଛନ୍ତି। ୧୯୯୨ ମସିହାରୁ ପ୍ରଧାନ ଶିକ୍ଷକ ଦାୟିତ୍ୱ ନିଖୁଣ ଭାବରେ ତୁଲାଇ ଛାତ୍ରଛାତ୍ରୀ ତଥା ସହକର୍ମୀ ମାନଙ୍କ ଅତି ପ୍ରିୟ ହୋଇଥିବା ଶ୍ରୀଯୁକ୍ତ ରଥ ଜଣେ ସ୍ନେହୀ ଶିକ୍ଷକ ଭାବରେ ବେଶ ଜଣାଶୁଣା ଥିଲେ। ସକାଳୁ ସମସ୍ତ ଛାତ୍ରଛାତ୍ରୀ ଏକ ଶୋଭାଯାତ୍ରା ବାହାରି ଶ୍ରୀଯୁକ୍ତ ରଥଙ୍କୁ ନଗର ପରିକ୍ରମା କରିବା ସହ  ପ୍ରତ୍ୟେକ ଘର ସମ୍ମୁଖରେ ଫୁଲତୋଳା ଓ ଉପଢ଼ୌକନ ଦେଇ ସମ୍ବର୍ଦ୍ଧିତ କରାଯାଇଥିଲା। ବିଦାୟ ପ୍ରଧାନ ଶିକ୍ଷକ  ଶ୍ରୀ ରଥ ନୂତନ ପ୍ରଧାନ ଶିକ୍ଷୟିତ୍ରୀ ପ୍ରତୀଭା ବେଦବାକ ଙ୍କୁ ବିଦ୍ୟାଳୟ ସମସ୍ତ ଦାୟିତ୍ବ ଦେଇ ଶପଥ ପାଠ କରାଇଥିଲେ। ବିଦ୍ୟାଳୟ ପ୍ରଧାନ ଶିକ୍ଷୟିତ୍ରୀ ଶ୍ରୀ ବେଦବାକଙ୍କ ସଭାପତିତ୍ବରେ ବିଦାୟ ସମ୍ବର୍ଦ୍ଧନା ଉତ୍ସବରେ ମୁଖ୍ୟ  ଅତିଥି ଭାବେ  ଜିଲ୍ଲା ଶିକ୍ଷା ଅଧିକାରୀ ଲଷ୍ମଣ ଭୋଇ, ସ୍ୱତନ୍ତ୍ର ଅତିଥି ବ୍ଲକ ଗୋଷ୍ଠୀ ଶିକ୍ଷା ଅଧିକାରୀ ଶାନ୍ତନୁ କୁମ୍ଭକାର ,ମୁଖ୍ୟ ବକ୍ତା ରାଜ୍ୟ ପୁରସ୍କାର ପ୍ରlପ୍ତ ପ୍ରଧାନ ଶିକ୍ଷକ ଭୂଷଣ ପାତ୍ର , ବିଦ୍ୟାଳୟର ପୁରାତନ ପରିଚାଳନା କମିଟି ସଭାପତି ସୁରେନ୍ଦ୍ର ପତି, ସମ୍ପାଦକ ଶରତ କୁମାର ପଣ୍ଡା, ଅବସରପ୍ରାପ୍ତ ପ୍ରଧାନ ଶିକ୍ଷକ ଅଖୁଜ ପ୍ରଧାନ, ଜିଲ୍ଲା ଓଷ୍ଟା ସମ୍ପାଦକ ସୁଶୀଲ ବିଶି ,ଉକ୍ତ ସ୍କୁଲର ଅବସର  ଶିକ୍ଷକ ଲାଳେନ୍ଦ୍ର ତ୍ରିପାଠୀ , ସ୍ଵର୍ଗତ ସହକାରୀ ଶିକ୍ଷକ ଅଲେଖ ଚନ୍ଦ୍ର ନାଏକଙ୍କ ଧର୍ମ ପତ୍ନୀ,  ବୀରାମହରାଜପୁର ଉଚ୍ଚ ବିଦ୍ୟାଳୟ ର ପ୍ରଧାନ ଶିକ୍ଷକ ନିରଞ୍ଜନ ଦାଶ ପ୍ରମୁଖ ସମ୍ମାନିତ ଅତିଥି ଭାବେ ଯୋଗଦେଇ ଶ୍ରୀଯୁକ୍ତ ରଥଙ୍କର ନିଷ୍ଠାପର କର୍ମ ଜୀବନ ସମ୍ପର୍କରେ ଆଲୋକପାତ କରିଥିଲେ। ବିଦ୍ୟାଳୟ ର ପ୍ରତିଷ୍ଠା ଦିନରୁ ଆଜି ପର୍ଯ୍ୟନ୍ତ ତାଙ୍କର ବିଦ୍ୟାଳୟ ପ୍ରତି ଅନୁଗତ୍ୟ କୁ ଭୁୟସୀ ପ୍ରସଂଶା କରିଥିଲେ।ବିଦ୍ୟାଳୟ ର ସହକାରୀ ଶିକ୍ଷକ ଗୁରୁଦତ୍ତ ମିଶ୍ର ମଞ୍ଚ ପରିଚାଳନା କରିବା ସହ ଅତିଥି ପରିଚୟ ପ୍ରଦାନ କରିଥିଲେ। ଛାତ୍ରୀ ମାନଙ୍କ ଦ୍ଵାରା ସ୍ୱାଗତ ନୃତ୍ୟ ଓ ବିଦାୟୀ ସଂଗୀତ ପରିବେଷଣ ହୋଇଥିଲା । ବିଦ୍ୟାଳୟ ଗଠନ ଠାରୁ ଆଜି ପର୍ଯ୍ୟନ୍ତ ହଜାର ହଜାର ଛାତ୍ରଛାତ୍ରୀ ମାନଙ୍କୁ ମଣିଷ କରି ଗଢି ତୋଳିବାରେ ତାଙ୍କର ଅବଦାନ ଅତୁଳନୀୟ ବୋଲି ଛାତ୍ରଛାତ୍ରୀ ମାନେ ବ୍ୟକ୍ତବ ପ୍ରଦାନ କରିଥିଲେ।  ବର୍ତ୍ତମାନ‌ ବିଦ୍ୟାଳୟର ସମସ୍ତ ଛାତ୍ରଛାତ୍ରୀ ଓ ପୁରାତନ। ଛାତ୍ରଛାତ୍ରୀଙ୍କ ନେତୃତ୍ୱରେ ଉକ୍ତ ବିଦାୟ ସମ୍ବର୍ଦ୍ଧନା ଉତ୍ସବ ଅନୁଷ୍ଠିତ ହୋଇଥିଲା। ସଭା ଶେଷରେ ଶିକ୍ଷକ ରମେଶ ଚନ୍ଦ୍ର ସାହୁ  ଧନ୍ୟବାଦ ଅର୍ପଣ କରିଥିଲେ। ବିଦ୍ୟାଳୟର ଖେଳ ଶିକ୍ଷକ ଉପେନ୍ଦ୍ର କୁମାର ସାହୁ, ସଂସ୍କୃତ ଶିକ୍ଷକ ପ୍ରଦିପ କୁମାର ପ୍ରଧାନ, ହିନ୍ଦୀ ଶିକ୍ଷକ ବଲିଆର ବାଦି , କର୍ମଚାରୀ ମଧୁ ସିଂହ ଓ ଧରଣୀଧର ବିଶ୍ଵାଲ ପ୍ରମୁଖ  ସଭାକାର୍ଯ୍ୟ ରେ ସହଯୋଗ କରିଥିଲେ । ସନ୍ଧ୍ୟାରେ ଡିଜେ, ଦୁଲଦୁଲି ସହ  ବିରାଟ ଶୋଭାଯାତ୍ରା ଶ୍ରୀଯୁକ୍ତ ରଥଙ୍କ ବାସଭବନକୁ ସମସ୍ତ ଛାତ୍ରଛାତ୍ରୀ ମାନେ ପଛେଇ ନେଇଥିଲେ। ଏଥିରେ ବିଦ୍ୟାଳୟ ପୁରାତନ ଛାତ୍ରଛାତ୍ରୀ ଓ ବର୍ତ୍ତମାନ ଛାତ୍ରଛାତ୍ରୀ ମାନେ ସାମିଲ ହୋଇଥିଲେ।