27-Nov-2024

ବିନିକା(ହିମାଂଶୁ ଶେଖର ପୁଟେଲ) ବିନିକା ବ୍ରଜବିହାରୀ ନୃତ୍ୟ କଳା ପରିଷଦ ଓ ପୁଣ୍ୟମାସି ଯୁବକ ସଂଘ ତରଫରୁ ଦୀର୍ଘ ୮ଦିନ ଧରି ଚାଲିଥିବା ୨୪୧ତମ ଗୋକୁଳାଷ୍ଟମୀ ଯାତ୍ରା ମହୋତ୍ସବ ଗତକାଲି ରାତିରେ ଉଦଯାପିତ ହେବା ପରେ ଆଜି ପ୍ରଭୁ କୃଷ୍ଣ-ବଲରାମଙ୍କ ନଗର ପରିକ୍ରମା ପରେ ବିଧିବଦ୍ଧ ଭାବେ ସରିଛି ।ସ୍ଥାନୀୟ ଦୂର୍ଗା ମନ୍ଦିରରୁ କୃଷ୍ଣ ବଳରାମଙ୍କ ନଗର ଶୋଭାଯାତ୍ରା ଆରମ୍ଭ ହୋଇଥିଲା ।ନଗର ଭ୍ରମଣ ବେଳେ ବିନିକା ସହରର ବିଭିନ୍ନ ସ୍ଥାନରେ ଭକ୍ତମାନେ
କୃଷ୍ଣ-ବଳରାମଙ୍କ ପାଦ ଧୋଇ ଆଶିଷ ନେଇଥିଲେ । ବଣ ଜଙ୍ଗଲ ପରିଭ୍ରମଣରେ ଥିବା ପ୍ରଭୁ ଘରକୁ ଫେରିବା ବିଳମ୍ବିତ ଜାଣି ମା ଯୋଶଦା ଓ ବାପା ନନ୍ଦ ରାଜା ଆଖିରେ ଲୁହ ଗଡ଼ାଇ ଆକୁଳ ନୟନରେ ଖୋଜୁଥିବା ବେଳେ ବିନିକା ସ୍ଥିତ ଦଣ୍ଡସନାପଡ଼ା ଠାରେ ପ୍ରଭୁଙ୍କୁ ପାଇ ଆନନ୍ଦରେ 602 ବିଭୋର ହୋଇଥିଲେ ।ଏହି ଅବସରରେ ଧୀରେ ଘେନ କାନନରେ କୃଷ୍ଣ ବିଳମ୍ବିତ ଗୀତ ପରିବେଷଣ ସମସ୍ତଙ୍କୁ ମୁଗଧ କରିଥିଲା କୃଷ୍ଣ ଭୂମିକାରେ ଶ୍ରୀମନ ସାହୁ,ବଳରାମ କାହ୍ନା ମାହାଣା,ନନ୍ଦରାଜା ମୁକୁନ୍ଦ ସାହୁ,ଯୋଶଦା ଶଶାଙ୍କ ଦାସ ପ୍ରମୁଖ ଅଭିନୟ କରିଥିଲେ । ଲୀଳାଯାତ୍ରାର ପୂଜକ ଭାବେ ମାନଭଞ୍ଜନ ପୂଜାରୀ,ଗୁରୁ ମନୋଜ ଦାସ,ଶିବଶଙ୍କର ଦାସ,ସଭାପତି ସୀତାରାମ ଦାସ,ସମ୍ପାଦକ ସଞ୍ଜୟ ଦାସ,ସାଂସ୍କୃତିକ ସମ୍ପାଦକ ପଦ୍ମ ଲୋଚନ ସାହୁ,ଜିଶୁ ସାହୁ,ସୂର୍ଯ୍ୟ କୁମାର ଦାସ,ନିତ୍ୟା ଗୋବିନ୍ଦ ସାହୁ,ରମାକାନ୍ତ ଦାସ,ହିମାଂଶୁ ସାହୁ,ଦେବାଂଶୁ ସାହୁ,ଚନ୍ଦ୍ରଂଶୁ ସାହୁ,ଜୟନାରାୟଣ ସାହୁ, ଅନ୍ଧାରୁ ସାହୁ ପ୍ରମୁଖଙ୍କ ସମେତ କମିଟିର ସମସ୍ତ ସଦସ୍ୟ ଉପସ୍ଥିତ ରହି ସହଯୋଗ କରିଥିଲେ ।