27-Nov-2024

ବୀରମହାରାଜପୁର, (ବିନୋଦ ପାଣ୍ଡେ ): ସୁବର୍ଣ୍ଣପୁର ଜିଲ୍ଲା ବୀରମହାରାଜପୁର ବ୍ଲକ ଅନ୍ତର୍ଗତ ସୁବଳୟା ଯୁକ୍ତ ଦୁଇ କଲେଜରେ ୩୯ ତମ ବାର୍ଷିକ କ୍ରୀଡା ପ୍ରତିଯୋଗିତା ବୁଧବାର ଉଦଯାପିତ ହୋଇଯାଇଛି। ପୁରସ୍କାର ବିତରଣ ଉତ୍ସବରେ ବୀରମହାରାଜପୁର ମହାବିଦ୍ୟାଳୟ ଅଧ୍ୟକ୍ଷ ଡ. ହିମାଂଶୁ ଶେଖର ପାଢ଼ୀ ମୁଖ୍ୟ ଅତିଥି ଓ   ସ୍ଥାନୀୟ  ସମିତି ସଭ୍ୟା ଲିଲି ମେହେର ସମ୍ମାନିତ ଅତିଥି ଭାବେ ଯୋଗଦେଇ କୃତି ଛାତ୍ରଛାତ୍ରୀ ମାନଙ୍କୁ ପୁରସ୍କାର ବିତରଣ କରିଥିଲେ। ଉକ୍ତ ପ୍ରତିଯୋଗିତାରେ ବାଳକ ବିଭାଗରେ ଶକ୍ତି ମଲ୍ଲିକ ଓ ବାଳିକା ବିଭାଗରେ ଅର୍ଚ୍ଚିତା ପଧାନ ଚମ୍ପିୟାନ ହୋଇଥିଲେ। କଲେଜର ଖେଳଶିକ୍ଷକ ପ୍ରଦିପ କୁମାର ପଣ୍ଡା, ଜଟେସିଂହା ହାଇସ୍କୁଲ ଖେଳ ଶିକ୍ଷକ ଉପେନ୍ଦ୍ର ସାହୁ ଓ କମିରା ହାଇସ୍କୁଲ ଖେଳ ଶିକ୍ଷକ ରଞ୍ଜିତ ପ୍ରଧାନ ପ୍ରମୁଖ ଖେଳ ପରିଚାଳନା କରିଥିଲେ। ଦେବାଶିଷ ପଧାନ ସ୍ବାଗତ ଭାଷଣ ଦେଇଥିବା ବେଳେ ରମାକାନ୍ତ ପୁରୋହିତ ସଭା ପରିଚାଳନା ଓ ଧନ୍ୟବାଦ ଅର୍ପଣ କରିଥିଲେ। କର୍ମଚାରୀ ମାନଙ୍କ ମଧ୍ୟରେ ହୋଇଥିବା ବେଡ ମିଣ୍ଟେନ ପ୍ରତିଯୋଗିତା ରେ ଦିଲ୍ଲିପ ମେହେର ଓ ୧୦୦ ମିଟର ଦୈ।ଡ ରେ ସଞ୍ଜୟ ମେଣ୍ଡିଲି ପ୍ରଥମ ସ୍ଥାନ ଅଧିକାର କରିଥିଲେ। ଏହି କାର୍ଯ୍ୟକ୍ରମରେ ଅର୍ପିତା ନାୟକ, ପ୍ରିୟଙ୍କା ନାୟକ,ମିତା ପ୍ରଧାନ, ଗୋପାଳ ଭୋଇ ଓ ଶମ୍ଭୁ ସାହୁ ସହଯୋଗ କରିଥିଲେ।