27-Nov-2024

ଫୁଲବାଣୀ(କ୍ଷୀରୋଦ କୁମାର ସାହାଣୀଙ୍କ ରିପୋର୍ଟ ) କନ୍ଧମାଳ ଜିଲ୍ଲାର ଅଗ୍ରଣୀ ସ୍ୱେଛାସେବୀ ଅନୁଷ୍ଠାନ ସ୍ୱାତୀ ଓ ରାଇକିିଆ ଶ୍ରୀ ଅନ୍ନ୍ କାର୍ଯ୍ୟକ୍ରମ ର ମିଳିତ ଉଦ୍ୟମ ଏବଂ ଜିଲ୍ଲା କୃଷି ବିଭାଗଙ୍କ ଆର୍ଥିକ ସହାୟତା ରେ  ରାଇକିଆ ବ୍ଲକ୍ ପରିସର ଠାରେ ମାଣ୍ଡିଆ ସଚେତନତା ରଥର ଶୁଭାରମ୍ଭ ହୋଇଯାଇଛି  । ମୂଖ୍ୟ ଅତିଥି ଭାବେ ରାଇକିଆ ବ୍ଲକ୍ ଅତିରିକ୍ତ ଗୋଷ୍ଠୀ ଉନ୍ନୟନ୍ନ ଅଧିକାରି  ଦିବ୍ୟସିଂ କହଁର ଏବଂ ଡଡିଙ୍ଗିଆ ସରପଂଚ ଅଶୋକ କୁମାର ପ୍ରଧାନ ପତାକା ଦେଖାଇ ରଥକୁ ଉଦ୍ଘାଟନ କରିଥିଲେ  । ତତସହିତ ଅତିରିକ୍ତ ବ୍ଲକ୍ କୃଷି ଅଧିକାରି ସୁଦିପ୍ତା ପ୍ରଧାନ, ପୂର୍ବତନ ଗ୍ରମପଂଚାୟତ ଅଧିକାରି କୈଳାସ ଚନ୍ଦ୍ର ପ୍ରଧାନ, ମୂଖ୍ୟ କିରାଣି ଲବ ନାୟକ ଓ ଉଦ୍ୟାନବିତ୍ ଲିପ୍ସା ରାଣୀ ଦଳବେହେରା ଯୋଗଦେଇ ଏହି ରଥଟି ଆଗାମୀ ଚାରିଦିନ ଧରି ରାଇକିଆ ବ୍ଲକ୍ର ୧୨ ଗୋଟି ଗ୍ରାମପଂଚାୟତ ବୁଲି ଜନସାଧାରଣ ମାନଙ୍କୁ ସଚେତନ କରିବ ବୋଲି କହିଥିଲେ  । ଏଥିସହ ସଚେତନତା ପାଇଁ ବିଭିନ୍ନ ବାର୍ତା ଯଥା- ମିଲେଟ୍ ହେଉଛି ଜାତୀୟ ଖାଦ୍ୟ ଏବଂ ଏହା ଦୈନନ୍ଦିନ ଖାଦ୍ୟଥାଳି ରେ ବ୍ୟବହାର କରିବାର ଲଖ୍ୟ ରହିଛି ବୋଲି ଅନୁଷ୍ଠାନର ବରିଷ୍ଠ କର୍ମୀ ଗିରିଶ ଚନ୍ଦ୍ର ସାମଲ ସୂଚନା ଦେଇଥିଲେ । ତତ୍ସହିତ ସରକାର ଙ୍କ ଦ୍ୱାରା ସଏତଦ ବ୍ୟତୀତ ମାଣ୍ଡିଆର ସର୍ବନିମ୍ନ ଦର ଏବର୍ଷ ବୃଦ୍ଦିପାଇ ୪୨୯୦ ଟଙ୍କା ହୋଇଥିବା ବେଳେ ଧାନ ଦର ଠାରୁ ଏହା ୧୧୯୦ ଟଙ୍କା ଅଧିକ ଏବଂ ଏହା ଚାଷ କରିବା ଦ୍ୱାରା ଚାଷୀ ଅଧିକ ଳାଭବାନ ହୋଇପାରିବ ବୋଲି କୃଷକ ଉତ୍ପାଦକ ଗୋଷ୍ଠିର ସଦସ୍ୟ ମାନେ ମତ ଦେଇଥିଲେ  ।  ସମନ୍ୱିତ କୃଷି କାର୍ଯ୍ୟକ୍ରମର ସଂଯୋଜକ ବିଶ୍ୱରଞନ ଦଳବେହେରା ଗ୍ରମାଂଚଳର ଚାଷୀ ମାନଙ୍କୁ ଅଧିକରୁ ଅଧିକ ସଚେତନତା କରିବା ପାଇଁ ଏହି ସଚେତନତା ରଥ  ବୁଲିବା ଦ୍ୱାରା ପୂର୍ଣ୍ଣ ପ୍ରୟାସ ହୋଇପାରିବ ବୋଲି କହିଥିଲେ । କାର୍ଯ୍ୟକ୍ରମକୁ ଅନ୍ନପୂର୍ଣ୍ଣା ପ୍ରଧାନ ପରିଚାଳନା କରିଥିବା ବେଳେ ହୃଷିକେଶ ଅମାୟତ, କୃତିବାସ ପ୍ରଧାନଙ୍କ ସହିତ ଅନ୍ୟ ଗୋଷ୍ଠୀ ସମ୍ବଳ ବ୍ୟକ୍ତି ମାନେ ସହଯୋଗ କରିଥିଲେ  ।