27-Nov-2024

(ନିରଞ୍ଜନ ତ୍ରିପାଠୀ )-ବରଗଡ ଜିଲ୍ଲା ପାଇକମାଲ ବ୍ଲକ ଅନ୍ତର୍ଗତ ଓଡ଼ିଶା ଆଦର୍ଶ ବିଦ୍ୟାଳୟ ଫ୍ରେଜରପୁର ସ୍କୁଲ ପରିସରରେ ଆଜି ବାର୍ଷିକ ଖାଦ୍ୟ ମେଳା ଅନୁଷ୍ଠିତ ହେବା ସହ ଅଭିଭାବକ ଶିକ୍ଷକ ବୈଠକ ଅନୁଷ୍ଠିତ ହୋଇଯାଇଛି। ଏହି କ୍ରମରେ ସ୍କୁଲରେ ଅଧ୍ୟୟନରତ ଛାତ୍ରଛାତ୍ରୀ ମାନଙ୍କଦ୍ବାରା ଏକ ନିଆରା ଖାଦ୍ୟ ମେଳା ଅନୁଷ୍ଠିତ ହୋଇଥିଲା। ଉକ୍ତ ମେଳାକୁ ମୁଖ୍ୟ ଅତିଥି ଭାବେ ସ୍ଥାନୀୟ ସରପଞ୍ଚ ଶ୍ରୀ ଚିତ୍ତରଞ୍ଜନ ପ୍ରଧାନ ଯୋଗଦାନ ପୂର୍ବକ ମେଳାକୁ ଉଦଘାଟନ କରିଥିଲେ। ସମ୍ମାନୀତ ଅତିଥି ଭାବେ ଅତିଥି ବିଶ୍ୱବାଣୀ ସମ୍ବାଦପତ୍ରର ପଶ୍ଚିମ ଓଡିଶା ବ୍ୟୁରୋ ଚିଫ ତଥା ପ୍ରେରଣା ର ବରିଷ୍ଠ ସାମ୍ବାଦିକ ନିରଞ୍ଜନ ତ୍ରିପାଠୀ,କେଛୋଦାଦର ହାଇସ୍କୁଲର ପ୍ରଧାନ ଶିକ୍ଷକ ସ୍ମୃତି ରଞ୍ଜନ ପାଲ, ଧର୍ମେନ୍ଦ୍ର ବୁଡେକ ଯୋଗଦାନ କରି ଛାତ୍ରଛାତ୍ରୀ ମାନଙ୍କୁ ଉତ୍ସାହିତ କରିଥିଲେ। ଏହି ମେଳାରେ ନିରାମିଷ, ଆମିଷ, ମିଷ୍ଟାନ୍ନ,ପେୟ,ସାଲାଟ  ପ୍ରମୁଖ ଅନେକ ପ୍ରକାରର ଖାଦ୍ୟ ଛାତ୍ରଛାତ୍ରୀ ମାନଙ୍କ ଦ୍ୱାରା ପ୍ରସ୍ତୁତ ସହ ପ୍ରଦର୍ଶିତ ହୋଇଥିଲା। ଶିକ୍ଷକ ଶିକ୍ଷୟିତ୍ରୀ ତଥା  ଛାତ୍ରଛାତ୍ରୀ ମାନଙ୍କ ଉଦ୍ୟମକୁ ଅତିଥିଗଣ ଭୂୟସୀ ପ୍ରଶଂସା କରିଥିଲେ।

ଏହି ମେଳାରେ ସଭାପତିତ୍ୱ କରିଥିଲେ ବିଦ୍ୟାଳୟର ଅଧ୍ୟକ୍ଷ ଜୟନ୍ତ କୁମାର ସାହୁ ଏବଂ ସଭା ପରିଚାଳନା କରିଥିଲେ ସାମାଜିକ ବିଜ୍ଞାନ ଶିକ୍ଷକ ତରୁଣ କୁମାର ଦାଶ। ବିଭିନ୍ନ ବିଭାଗରେ ବିଚାରକ ଭାବେ ଅବିନାଶ ମହାନନ୍ଦ, ଅଭିନନ୍ଦନ ମିଶ୍ର ସହ କଣ୍ଠେଶ୍ୱର ପ୍ରଧାନ,ରୀନା ଭୋଇ,କାନନବାଳା ସାହୁ ଓ ଭାଗ୍ୟବନ୍ତୀ ଭୋଇ ଦାୟିତ୍ଵ ତୁଲାଇଥିଲେ। ବିଦ୍ୟାଳୟର ଅଧ୍ୟକ୍ଷ ଜୟନ୍ତ ସାହୁଙ୍କ ଅଧ୍ୟକ୍ଷତାରେ  ଅଭିଭାବକ ଓ ଶିକ୍ଷକ ବୈଠକ ଅନୁଷ୍ଠିତ ହେବା ସହ ସ୍କୁଲର ବିଭିନ୍ନ ମୈାଳିକ ସମସ୍ୟା ଉପରେ ଅଧ୍ୟକ୍ଷ ଆଲୋକପାତ କରିଥିଲେ। ମୁଖ୍ୟତଃ ଛାତ୍ରଛାତ୍ରୀ ମାନଙ୍କ ଅଧ୍ୟୟନରେ ବିଶେଷ ଗୁରୁତ୍ଵ ଆରୋପ କରିବାକୁ ଅଭିଭାବକ ମାନେ ପ୍ରସ୍ତାବ ଆଗତ କରିଥିଲେ। ଶିକ୍ଷକ ମଣ୍ଡଳୀ ଅଭିଭାବକ ମାନଙ୍କ ପ୍ରସ୍ତାବକୁ ଗୁରୁତର ସହ ଗ୍ରହଣ କରି ଥିଲେ