17-Nov-2024

ବଲାଙ୍ଗୀର(ଦେବାଶିଷ ବହିଦାର): ସ୍ଥାନୀୟ ଠିକାଦାର ପଡା ସ୍ଥିତ, ରାଜମିସ୍ତ୍ରୀ ନିର୍ମାଣ ଶ୍ରମିକ ସଂଘ ସଭାଗୃହ ର ଉଦ୍ଘାଟନ ଅବସରରେ ବଲାଙ୍ଗୀର ବିଧାୟକ କଳିକେଶ ନାରାୟଣ ସିଂଦେଓଙ୍କୁ ମୁଖ୍ୟମନ୍ତ୍ରୀଙ୍କ ଉଦ୍ଦେଶ୍ୟରେ ଦାବିପତ୍ର ପ୍ରଦାନ କରିଥିଲେ, ରାଜ୍ୟ ଓବିସି ମଞ୍ଚର କୋଷାଧ୍ୟକ୍ଷ ପ୍ରଦେଶୀ ବିଶ୍ଵାଲ, ଜିଲ୍ଲା ଓବିସି ମଞ୍ଚ ସଂଯୋଜକ ସରୋଜ କୁମାର ମେଶ୍ଵା ଏବଂ ନବସେତୁ ର ସମ୍ପାଦକ ପୁର୍ଣ୍ଣଚନ୍ଦ୍ର ବିଶ୍ବାଳ।

ଏହି ଅବସରରେ ପ୍ରଦେଶୀ ବିଶ୍ବାଳ କହିଲେ ଯେ ଓଡ଼ିଶାରେ ମଣ୍ଡଲ କମିସନ ସୁପାରିଶ କ୍ରମେ ୫୨ ପ୍ରତିଶତ ଜନସଂଖ୍ୟା ୫୨ ପ୍ରତିଶତ ଶିକ୍ଷା ଓ ଚାକିରି କ୍ଷେତ୍ରରେ ନିଯୁକ୍ତି ପାଇବା କଥା କିନ୍ତୁ ଆଦୌ ପାଉନାହାନ୍ତି। ସୁପ୍ରିମକୋର୍ଟ ନିର୍ଦ୍ଦେଶରେ ୨୭ପ୍ରତଶତ ସ୍ଥାନରେ ମିଳୁଛି ୧୧.୨୫ ପ୍ରତିଶତ, ତାହା ପୁଣି ଏସ୍ ଇ ବି ସି ମାନଙ୍କୁ ଓବିସି ଙ୍କୁ ନୁହେଁ।
  ଶ୍ରୀ ବିଶ୍ଵାଲ କହିଲେ ଯେ,ତ୍ରିସ୍ତରୀୟ ପଞ୍ଚାୟତିରାଜ ଓ ସ୍ୱାୟତ୍ତ ଶାସନ ବ୍ୟବସ୍ଥା ରେ ଜନ ପ୍ରତିନିଧିତ୍ଵ ପାଇଁ ଓବିସି ବର୍ଗର

ଜନସାଧାରଣଙ୍କୁ ସମ୍ବିଧାନ ର ଧାରା ୨୪୩( ଡି )୬ ରେ ପ୍ରାବଧାନ ଥିଲେ ହେଁ, ଓଡ଼ିଶା ସରକାର ବିଭିନ୍ନ ଆଳ ଦେଖାଇ ଉଲ୍ଲଂଘନ କରୁଛନ୍ତି। ଏଣୁ ଓବିସି ଓଡ଼ିଶାରେ ଅନ୍ତତଃ ୨୭ ପ୍ରତିଶତ ଶିକ୍ଷା ଓ ଚାକିରି କ୍ଷେତ୍ରରେ ନିଯୁକ୍ତି ପାଇଁ ଏବଂ ୨୦୨୫ ଜାତୀୟ ଜନଗଣନାରେ ଜାତିଭିତ୍ତିକ ଅନୁଯାୟୀ ଜନଗଣନା କରାଯିବା ପାଇଁ ସରକାରଙ୍କୁ ଚାପ ପ୍ରୟୋଗ ପାଇଁ ଶ୍ରା ବିଶ୍ଵାଲ ବଲାଙ୍ଗୀର ବିଧାୟକଙ୍କୁ ଅନୁରୋଧ କରିଥିଲେ।