17-Nov-2024

ପାଟଣାଗଡ଼(ପୂର୍ଣ୍ଣଶଶୀ ଶେଖର  ରାଓ )ବଲାଙ୍ଗିର ଜିଲ୍ଲା ବେଲପଡା ସ୍ଥିତ ଡି ଆର୍ ମେହର୍ ଉଚ୍ଚ ବିଦ୍ୟାଳୟ ପଡିଆରେ ୱାଇ ସିଡିଏ, କେପିଳେଡ ଓ ଦେଶାଇଫାଉଣ୍ଡେସନ ଟ୍ରଷ୍ଟ ର ମିଳିତ ଉଦ୍ୟମରେ ଶିଶୁ ମହୋତ୍ସବ "ପତାଙ୍ଗୀ - ୨୦ ୨୪" ଅନୁଷ୍ଠିତ ହୋଇଯାଇଅଛି । ଏହି ଉତ୍ସବରଉଦ୍ଘାଟନୀ  ପର୍ବରେ ଶିଶୁ ବିକାଶ ପ୍ରକଳ୍ପ ଅଧିକାରିଣୀ  ଶ୍ରୀମତୀ ବିଦ୍ୟୁତପ୍ରଭା ନାଗ, ବ୍ଲକ ଉପାଧକ୍ଷ ଶ୍ରୀଯୁକ୍ତ ଦୁର୍ଯ୍ୟୋଧନ କୁମ୍ଭାର,ଭାରପ୍ରାପ୍ତ ଥାନା ଅଧିକାରୀ ଶ୍ରୀଯୁକ୍ତ ଅନନ୍ତ ପ୍ରଧାନ, ପ୍ରଧାନ ଶିକ୍ଷକ ଚିତ୍ତରଞ୍ଜନ ପଣ୍ଡା ଓ ସହକର୍ମୀ ନେତ୍ରୀ ରୋଶନୀ ସାହୁ ଆଦିଅତିଥି ଭାବେ ଯୋଗ ଦେଇଥିଲେ । ଉଦ‌ଯାପନୀ ସଭାରେ ମୁଖ୍ୟ ଅତିଥି ଭାବେ  ରାଜ୍ୟସଭା ସାଂସଦ ଶ୍ରୀଯୁକ୍ତ ନିରଞ୍ଜନ ବିଶି, ୱାଇ ସିଡିଏର ସମ୍ପାଦକ ତଥା ମୁଖ୍ୟ କାର୍ଯ୍ୟନିର୍ବାହୀ  ଅଧିକାରୀ ଶ୍ରୀଯୁକ୍ତ ରାଜେନ୍ଦ୍ର ମେହର, ୱାଇ ସିଡିଏର ସଭାପତି ଡ଼ଃ ମିତାଲି ମହାନ୍ତି ଓ ସହକର୍ମୀ ନେତା ଧନେଶ୍ବର ପରୁଆ ଯୋଗଦେଇ  ଶିଶୁ ମାନଙ୍କୁ ପ୍ରେରଣାଦାୟୀ ଉପଦେଶ ଦେବା ସହିତ ସେମାନଙ୍କ ଉଜ୍ଜ୍ଵଳ ଭବିଷ୍ୟତ ପାଇଁ ଆମ ସମସ୍ତକୁ ମିଶି ପ୍ରୟାସ କରିବାପାଇଁ ପାଇଁ ପଡ଼ିବ ବୋଲି ଆହ୍ୱାନ ଦେଇଥିଲେ । ଏହି ଅବସରରେ ଶିଶୁମାନଙ୍କ ପାଇଁ ଏକ ସ୍ଵାସ୍ଥ୍ୟ ମେଳାର ଆୟୋଜନ କରାଯାଇଥିଲା । ଉକ୍ତ ଦିବସରେ ବିଭିନ୍ନ ପ୍ରାନ୍ତରୁ ଆସିଥିବା ଶିଶୁମାନଙ୍କୁ ନେଇ ବେଲପଡା ଅଞ୍ଚଳରେ ଥିବା ବିଭିନ୍ନସାମାଜିକ ସମସ୍ୟା ଯେପରିକି ଶିଶୁ ଅଧିକାର, ଗୁଣାତ୍ମକ ଶିକ୍ଷା ଓ ରୋଜଗାର ଉଦ୍ଦେଶ୍ୟରେ ପରିବାରର ଅନ୍ୟତ୍ର ସ୍ଥାନାନ୍ତରଯୋଗୁଁ ପିଲାମାନଙ୍କର ଶିକ୍ଷା କ୍ଷେତ୍ରରେ ଉପୁଜୁଥିବା ସମସ୍ୟା ଆଦି ପ୍ରସଙ୍ଗରେ ସଚେତନତା ଶୋଭାଯାତ୍ରା କରାଯାଇଥିଲା ।ଶିଶୁମାନଙ୍କ ଅନ୍ତର୍ନିହିତ ପ୍ରତିଭାକୁ ଲୋକଲୋଚନକୁ ଆଣିବା ଉଦେଶ୍ୟରେ ଗ୍ରାମାଞ୍ଚଳରେ ନାନା ପ୍ରତିଯୋଗିତାମାନ କରିସେଥିରେ କୃତି ଶିଶୁ ମାନଙ୍କୁ ମୁଖ୍ୟ ଅତିଥିଙ୍କ ଦ୍ବାରା ପୁରସ୍କୃତ କରାଯାଇଥିଲା । ୱାଇ ସିଡିଏର ସମସ୍ତ କର୍ମକର୍ତ୍ତା ମାନେ ଉତ୍ସବଟିକୁସଫଳ କରାଇବା ପାଇଁ ସହଯୋଗ କରିଥିଲେ ।