17-Nov-2024

ବରପାଲି(ସୁଦାମ ଦୀପ): ବରପାଲି ସ୍ଥିତ ସ୍ୱାମୀ ବିବେକାନନ୍ଦ  ସ୍ବାସ୍ଥ୍ୟ ବିଜ୍ଞାନ  ଅନୁଷ୍ଠାନ ଓ ସ୍ୱାମୀ ବିବେକାନନ୍ଦ ଉଚ୍ଚ ମାଧ୍ୟମିକ ବିଦ୍ୟାଳୟ ପ୍ରାଙ୍ଗଣରେ" ବିଶ୍ଵ  ମଧୁମେୟ ଦିବସ ଓ ଶିଶୁ ଦିବସ "ଗତ  ନଭେମ୍ବର ଚଉଦ ତାରିଖରେ ପାଳିତ ହୋଇଯାଇଛି । ପ୍ରଥମେ  ଛାତ୍ର ଛାତ୍ରୀ ତଥା ଯୁବ ରେ‍ଡ୍‌କ୍ରସର ସ୍ଵେଚ୍ଛାସେବୀ ମାନେ  ବ୍ୟାନର, ପୋଷ୍ଟର, ପ୍ଲାକାର୍ଡ  ଧରି  ସ୍ଲୋଗାନ  ଇତ୍ୟାଦି ମାଧ୍ୟମରେ   ବରପାଲି ସହର ପରିକ୍ରମା କରି   ମଧୁମେୟ ରୋଗ ସମ୍ପର୍କରେ ସଚେତନତା ସୃଷ୍ଟି କରିଥିଲେ ଓ ଗୋଷ୍ଟି ସ୍ବାସ୍ଥ୍ୟ କେନ୍ଦ୍ର ଠାରେ ପହଞ୍ଚିଥିଲେ । ସେଠାରେ  ଗୋଷ୍ଟି  ସ୍ବାସ୍ଥ୍ୟ କେନ୍ଦ୍ରର ଡାକ୍ତର ରାଜେଶ ବେହେରା ଓ ଅନ୍ୟ ମାନେ ଏ ଏନ୍ ଏମ୍ , ଜି ଏନ୍   ଏମ୍  ତଥା ଛାତ୍ର ଛାତ୍ରୀ ମାନଙ୍କୁ ମଧୁମେୟ ରୋଗ ର କାରଣ ଓ  ନିରାକରଣ  ସମ୍ପର୍କରେ ଆଲୋକପାତ କରିଥିଲେ । ଏଥିରେ  ଅନୁଷ୍ଠାନର ଚେୟାରମେନଙ୍କ ସହ ସ୍ୱାମୀ ବିବେକାନନ୍ଦ ଉଚ୍ଚ ମାଧ୍ୟମିକ ବିଦ୍ୟାଳୟର ଅଧ୍ୟକ୍ଷ ଶରତ ଚନ୍ଦ୍ର ପ୍ରଧାନ ଓ  ସ୍ବାସ୍ଥ୍ୟ ବିଜ୍ଞାନ ଅନୁଷ୍ଠାନର ଅଧ୍ୟକ୍ଷା ଦେବସ୍ମିତା ସାହୁ, ଯୁବ ରେଡକ୍ରସ୍ ସଂଯୋଜକ ଅଧ୍ୟାପକ ସୁନାଧର ଖଟୁଆ, ଉପାଧ୍ୟକ୍ଷ ରମେଶ ଚନ୍ଦ୍ର ସାହୁଙ୍କ  ସମେତ କଲେଜର ଅଧ୍ୟାପକ,ଅଧ୍ୟାପିକା ମାନେ ଯୋଗଦାନ କରିଥିଲେ। ଏହାପରେ  କଲେଜରେ  ଏକ ସଚେତନତା ସଭା ଆୟୋଜନ ହୋଇଥିଲା । ବକ୍ତାମାନେ ମଧୁମେୟ ରୋଗ ଓ ଏହାର ଭୟାବହତା ସହ ଶିଶୁ ଦିବସର  ଗୁରୁତ୍ଵ  ସଂପର୍କରେ ଆଲୋଚନା କରିଥିଲେ । ଏହାପରେ ଛାତ୍ରଛାତ୍ରୀ ମାନଙ୍କ ଦ୍ଵାରା  ଚିତ୍ତାକର୍ଷକ ସାଂସ୍କୃତିକ  କାର୍ଯ୍ୟକ୍ରମ ପରିବେଷଣ କରାଯାଇଥିଲା । ଶେଷରେ ଅଧ୍ୟାପକ ଦିନ ଛତର ଧନ୍ୟବାଦ ଅର୍ପଣ କରିଥିଲେ ।