15-Sep-2024

ସମ୍ବଲପୁର( ସଂଜୀବ ପାଣିଗ୍ରାହୀ): ଶ୍ରୀ ବ୍ରଜ ଗିରିରାଜ୍ ସେବା ସଂସ୍ଥାନ ଟ୍ରଷ୍ଟ ତରଫରୁ ଧନୁପାଲି ଠାରେ ଆୟୋଜିତ ହେବାକୁ ଥିବା ଦୁଇ ଦିନିଆଁ (୧୪ ଓ ୧୫ ସେପ୍ଟେମ୍ୱର) ଧନୁପାଲି ଆଞ୍ଚଲିକ୍ ନୂଆଁଖାଇ ଭେଟ୍ ଘାଟ୍ ତିହାର୍ ୨୦୨୪ "ଜିଇଁ ଥିଲେଁ ବରଷେ" କାର୍ଯ୍ୟକ୍ରମ ଧନୁପାଲି, କଟକ ରୋଡ଼ ସ୍ଥିତ ଆଦିତ୍ୟ କଲ୍ୟାଣ ମଣ୍ଡପ ଠାରେ ଗତକାଲି ସକାଳେ ପ୍ରାୟ ୧୧ ଟା ସମୟରେ ଶୁଭାରମ୍ଭ ହୋଇଯାଇଛି। ଏହି କାର୍ଯ୍ୟକ୍ରମକୁ କମିଟି ର ସଭାପତି ସଞ୍ଜୟ ମିଶ୍ର ଫିତା କାଟି ଉଦ୍ଘାଟନ କରିଥିଲେ। ଏହି ଉଦ୍ଘାଟନୀ କାର୍ଯ୍ୟକ୍ରମରେ ଅତିଥି ଭାବରେ ରାଜେନ୍ଦ୍ର ପଣ୍ଡା,  ପ୍ରଦୀପ ବହିଦାର ଓ ଯୁବନେତା ସଞ୍ଜୀବ ମହାନ୍ତି ଉପସ୍ଥିତ ଥିଲେ। ଏହା ପରେ ଅତିଥି ମାନଙ୍କ ଉପସ୍ଥିତିରେ ମାଁ ସମଲେଶ୍ଵରୀଙ୍କୁ  ପୂଜାଅର୍ଚ୍ଚନା କରାଯାଇ ଥିଲା। ଏହା ପରେ କମିଟିର ସାଂସ୍କୃତିକ କାର୍ଯ୍ୟକ୍ରମର ସଂଯୋଜକ ସୁଦାମ ପଣ୍ଡା ଅତିଥି ପରିଚୟ ପ୍ରଦାନ କରିଥିଲେ ଓ କମିଟିର ସଦସ୍ୟ ମାନଙ୍କ ଦ୍ଵାରା ରାଜେନ୍ଦ୍ର ପଣ୍ଡା, ପ୍ରଦୀପ ବହିଦାର, ସଂଜିତ୍ ମହାନ୍ତିଙ୍କୁ ସମ୍ବର୍ଦ୍ଧିତ କରାଯାଇଥିଲା। ପରେ ପୂର୍ବ ନିର୍ଦ୍ଧାରିତ ବିଭିନ୍ନ ପ୍ରତିଯୋଗିତାମୂଳକ କାର୍ଯ୍ୟକ୍ରମ ଆରମ୍ଭ କରାଯାଇ ଥିଲା।

ଅପରାହ୍ନ ୫ ଟା ସମୟରେ ଏହି କାର୍ଯ୍ୟକ୍ରମରେ ମାନ୍ୟବର ରାଜସ୍ବ ମନ୍ତ୍ରୀ ସୁରେଶ ପୂଜାରୀ ମୁଖ୍ୟ ଅତିଥି ଓ ପୂର୍ବତନ ମହିଳା କମିଶନର ଅଧ୍ୟକ୍ଷା ଶ୍ରୀମତୀ ଜ୍ୟୋତି ପାଣିଗ୍ରାହୀ ସମ୍ମାନିତ ଅତିଥି ଭାବରେ ଯୋଗଦେଇ ଥିଲେ।  ଏହି କାର୍ଯ୍ୟକ୍ରମରେ ଭି. ଏସ୍. ଚନ୍ଦ୍ରଶେଖର ରାଜସ୍ବ ମନ୍ତ୍ରୀ ସୁରେଶ ପୂଜାରୀଙ୍କୁ ସ୍ଵାଗତ କରିବା ସହିତ ଉପଢୌକନ ଦେଇ ସମ୍ମାନିତ କରି ଥିଲେ। କମିଟିର ସଭାପତି ସଞ୍ଜୟ ମିଶ୍ର ଶ୍ରୀମତୀ ଜ୍ୟୋତି ପାଣିଗ୍ରାହୀଙ୍କୁ ଉପଢୌକନ ଦେଇ ସମ୍ମାନିତ କରିଥିଲେ। କମିଟିର ଉପଦେଷ୍ଟା ରାଜେନ୍ଦ୍ର ପଣ୍ଡା, ଦାମୋଦର କର ଓ ପ୍ୟାରୀମୋହନ ପ୍ରଧାନ ପ୍ରମୁଖ ଉପସ୍ଥିତ ଥିଲେ। ଏହି କାର୍ଯ୍ୟକ୍ରମରେ ଦେବାଶିଷ ପୁରୋହିତ ଧନ୍ୟବାଦ୍ ଅର୍ପଣ କରିଥିଲେ।