13-Sep-2024

ପାଟଣାଗଡ଼ (ପୁର୍ଣ୍ଣ ଶଶୀ ଶେଖର ରାଓ)ଗତ କିଛି ଦିନ ହେଲା ପାଟଣାଗଡ଼ ଉପଖଣ୍ଡରେ ଅପରାଧ ବଢ଼ିଚାଲିଥିବାବେଳେ ବେଆଇନ କାର୍ଯ୍ୟକଳାପ ମଧ୍ୟ ବଢ଼ି ଚାଲିଛି। ପୋଲିସ ପ୍ରଶାସନ ବିଭିନ୍ନ ସମୟରେ ଅନେକ ଗୁଡ଼ିଏ ଅପରାଧୀ ମାନଙ୍କୁ ଗିରଫ କରୁଥିଲେ ସୁଦ୍ଧା ଅପରାଧିକ ମାମଲା କହୁନାହିଁ। ନିଶାସକ୍ତ ଯୁବପିଢୀ ଅପରାଧ ଘଟାଇବା ରେ ପଛଘୁଞ୍ଚା ଦେଉନାହାନ୍ତି ତଥାପି ସରକାର ନିଶାମୁକ୍ତ କରୁନାହାନ୍ତି। ନିଶାଦ୍ରବ୍ୟ କିଣିବା ପାଇଁ ଆଜିର ଯୁବଗୋଷ୍ଠୀ ଚୋରି ଡକାୟତି ହିଂସା କରି ଚାଲିଛନ୍ତି। ଏପରି ଏକ ଡକାୟତି ଘଟଣାରେ ଦୁଇ ଜଣକୁ ଲାଠୋର ପୋଲିସ ଗିରଫ କରି କୋର୍ଟ ଚାଲାଣ କରିଥିବା ଜଣାପଡିଛି। ସୂଚନା ଅନୁସାରେ ତା,୬.୦୯.୨୪ ବଲାଙ୍ଗିର ଜିଲ୍ଲା ତୁରେକେଲା ଥାନା ମଲ୍ଳିକଦରୋ ଗାଁ ର ହନୁ ମାଝୀ ଖପ୍ରାଖୋଲ ଥାନା ଓଡିଆପାଲି ଗାଁ କୁ କୁଣିଆ ଆସି ଫେରୁଥିବା ସମୟରେ ଲାଠୋର ଥାନା ନିକଟସ୍ଥ ଫୁଲଝର ଛକ ଠାରେ ଦୁଇ ଜଣ ବ୍ୟକ୍ତି ଆସି ତାଙ୍କ ଠାରୁ ଗାଡ଼ି ଓ ଟଙ୍କା ଛଡାଇ ନେଇଯାଇଥିଲେ।ହନୁ ମାଝୀ ଉକ୍ତ ଘଟଣା ସମ୍ପର୍କରେ ୬ ତାରିଖ ଦିନ ଲାଠୋର ଥାନା ରେ ଅଭିଯୋଗ କରିଥିଲେ। ଏତଲା କୁ ଭିତ୍ତିକରି ଲାଠୋର‌ ଥାନା ଅଧିକାରୀ ରାକେଶ କୁମାର ବେହେରା ତଦନ୍ତ ଆରମ୍ଭ କରି ଆଜି ଲାଠୋର ଥାନା ଫୁଲଝର ଗାଁ ର ଦୁଇ ଜଣ ବ୍ୟକ୍ତି ଦିବାକର ବିଭାର (୩୨) ,ବିଭେକ ବିଭାର (୨୪) ଙ୍କ ନାଁ ଲାଠୋର ଥାନା କେଶ୍ ନମ୍ବର ୧୯୯ ତା.୧୨.୦୯.୨୪ ୟୁ ଏସ ୩୦୯ (୬) ବି ଏନ୍ ଏସ ମାମଲା ରୁଜୁ କରି ଦୁଇ ଜଣକୁ କୋର୍ଟ ଚାଲାଣ କରାଯାଇଥିବାବେଳେ ତାଙ୍କ ଠାରୁ ଗୋଟିଏ ବାଇକ୍ ଓ ୩୦୦୦ ଟଙ୍କା ଜବତ କରିଥିବା ଥାନାଧିକାରୀ ରାକେଶ ବେହେରା ସୂଚନା ଦେଇଛନ୍ତି।