13-Sep-2024

ଲୋଇସିଂହା, (ପ୍ରେରଣା ଖବର) ଓଡ଼ିଶା ସରକାରଙ୍କ ତରଫରୁ ମହିଳା ସଶକ୍ତିକରଣ ପାଇଁ ଯୁଗାନ୍ତକାରୀ ପଦକ୍ଷେପ ସ୍ବରୂପ ଘରେ ଘରେ ସୁଭଦ୍ରା ଯୋଜନା ପହଞ୍ଚାଇବା ଲକ୍ଷ୍ୟରେ ସାରା ରାଜ୍ୟରେ ବୁଲୁଛି ସୁଭଦ୍ରା ରଥ!ଘରେ ଘରେ ସୁଭଦ୍ରା ଯୋଜନା ସମ୍ପର୍କରେ ଜନସାଧାରଣଙ୍କୁ ସଚେତନତା କରାଇବା ଓ କିଭଳି ଏହାର ସୁଫଳ ପାଇପାରିବେ ସେଥିପାଇଁ ସଚେତନତା ବାର୍ତ୍ତା ଦେବା ସହ ଜନସାଧାରଣ କିପରି ଏହାର ଆବେଦନ ସୁରୁଖୁରୁରେ କରିପାରିବେ ପ୍ରଚାର ମାଧ୍ୟମରେ ଏହି ରଥ ବୁଲୁଅଛି!ରାଜ୍ୟରେ ବିଜେପି ସରକାର ଆସିବା ପରେ ପ୍ରଥମ କରି ସୁଭଦ୍ରା ଯୋଜନା ଲାଗୁ କରିଛନ୍ତି!ଏହି ପରିପେକ୍ଷୀରେ ବଲାଙ୍ଗୀର ଜିଲ୍ଲାର ଲୋଇସିଂହା ନିର୍ବାଚନ ମଣ୍ଡଳୀ ଅନ୍ତର୍ଗତ ଲୋଇସିଂହା ବ୍ଲକ କାର୍ଯ୍ୟାଳୟ ପରିସରରେ ଆଜି ପହଞ୍ଚିଥିବା ଏହି 'ସୁଭଦ୍ରା ରଥ' କୁ ଲୋଇସିଂହା ଗୋଷ୍ଠୀ ଉନ୍ନୟନ ଅଧିକାରୀ ଅକ୍ଷୟପାଣି ଉଦ୍ଦୁ ଉଦଘାଟନ କରି ଏହାର ଶୁଭାରମ୍ଭ କରିଥିଲେ l ଏହି କାର୍ଯ୍ୟକ୍ରମରେ ସମ୍ନାନିତ ଅଥିତି ଭାବରେ ଲୋଇସିଂହା ସିଡିପିଓ ଗାୟତ୍ରୀ ବାରିକ, ଜିପିଓ କିଶୋର ଚନ୍ଦ୍ର ମାନସିଂହ,ବ୍ଲକ ଯୋଗାଣ ଅଧିକାରୀ ସୋମ୍ୟରଞ୍ଜନ ମହାନନ୍ଦ, ଲୋଇସିଂହା ସରପଞ୍ଚ ନବକିଶୋର ନାଏକ,ବଲାଙ୍ଗୀର ସାଂସଦ ଙ୍କ ପ୍ରତିନିଧି ଶ୍ରୀଯୁକ୍ତ ବାଳକୃଷ୍ଣ ଧରୁଆ, ଲୋଇସିଂହା ବିଧାୟକ ଙ୍କ ପ୍ରତିନିଧି ଗୌରାଙ୍ଗ ନାଏକ ପ୍ରମୁଖ ଯୋଗଦେଇଥିବା ବେଳେ   ଅଙ୍ଗନୱାଡି କର୍ମୀ, ମିଶନ ଶକ୍ତି ର ସି ଆର ପି,ସ୍ଵଚ୍ଛ ସାଥୀ ଓ ସମସ୍ତ ବ୍ଲକ କର୍ମଚାରୀ ଉପସ୍ଥିତ ରହି ସହଯୋଗ କରିବା ସହ ସମସ୍ତ କାର୍ଯ୍ୟ ସମ୍ପାଦନ କରିଥିଲେ।ଏହି ଅବସରରେ ସୁଭଦ୍ରା ରଥକୁ ଲୋଇସିଂହା ବ୍ଲକ ତରଫରୁ ନଡ଼ିଆ ବାଡେଇ ପୂଜାଅର୍ଚନା କରାଯିବା ସହ ଶୁଭ କାମନା କରାଯାଇଥିଲା l