12-Sep-2024

ବରଗଡ଼ ଜିଲ୍ଲା ଅତାବିରା ବ୍ଲକ ଅନ୍ତର୍ଗତ ଚକୁଳି ପଞ୍ଚାୟତ ସରଣ୍ଡା ପଞ୍ଚାୟତ ଉଚ୍ଚ ବିଦ୍ୟାଳୟ ପରିସର ରେ ୫୭ ତମ ବ୍ଲକ ସ୍ତରୀୟ ହିନ୍ଦୀ ଦିବସ ମହାସମାରୋହରେ ପାଳିତ ହୋଇ ଯାଇଛି।ପ୍ରଥମ ପର୍ଯ୍ୟାୟ ରେ ହାଇସ୍କୁଲ୍ ର ପ୍ରଧାନ ଶିକ୍ଷକ ଚିତ୍ତ ରଞ୍ଜନ ମେହେର ମୁଖ୍ୟ ଅତିଥି ଭାବେ ଯୋଗ ଦେଇଥିବା ବେଳେ ଗଣପତି ଦାଶ ଓ ଅଶୋକ ପାଣିଗ୍ରାହୀ ସମ୍ମାନିତ ଅତିଥି ଭାବେ ରହିଥିଲେ।ଅତିଥି ମାନଙ୍କ ଦ୍ଵାରା ବାଗ୍ ଦେବୀ ସରସ୍ଵତୀ ଓ ବିଘ୍ନରାଜ ଗଣେଶ ଙ୍କ ତୈଳ ଫଟୋ ଚିତ୍ରରେ ପୂଜାର୍ଚ୍ଚନା କ୍ରମେ ଶିକ୍ଷକ ବାବୁଲା ପାଣ୍ଡିଆ ଙ୍କ ମନ୍ତ୍ର ଉଚ୍ଚାରଣ ପୂର୍ବକ ଛାତ୍ରଛାତ୍ରୀ ଙ୍କ ଦ୍ଵାରା ପ୍ରାରମ୍ଭିକ ସଙ୍ଗୀତ ଗାନ ହୋଇଥିଲା।ଶିକ୍ଷକ ବଳରାମ ସାହୁ ଅତିଥି ପରିଚୟ ସହ ମଞ୍ଚ ପରି ଚାଳନା କରିଥିଲେ।ଅତିଥି ମାନେ ହିନ୍ଦୀ ଭାଷାର ଗୁରୁତ୍ଵ କୁ ନେଇ ବିଷଦ ଆଲୋଚନା କରିବା ସହ ଶିକ୍ଷକ ତଥା ଛାତ୍ରଛାତ୍ରୀ ମାନଙ୍କୁ ଦିଗ୍ ଦର୍ଶନ ଦେଇଥିଲେ।କାର୍ଯ୍ୟକ୍ରମ ରେ ବ୍ଲକ ର ୨୭ଟି ଉଚ୍ଚ ବିଦ୍ୟାଳୟ ରୁ ୬୦ରୁ ଉର୍ଦ୍ଧ୍ବ ଛାତ୍ରଛାତ୍ରୀ ତର୍କ,ସଙ୍ଗୀତ, ପ୍ରବନ୍ଦ ପ୍ରତିଯୋଗିତା ରେ ଭାଗ ନେଇଥିଲେ।ଠିକ୍ ସେହିପରି ଦ୍ଵିତୀୟ ପର୍ଯ୍ୟାୟ ରେ ବ୍ଲକ ଶିକ୍ଷା ଅଧିକାରୀ ମିଶ୍ରାଣି କୁମ୍ଭାର ମୁଖ୍ୟ ଅତିଥି ଭାବେ ଯୋଗ ଦେଇଥିବା ବେଳେ ବରଗଡ଼ ର ଅବସର ପ୍ରାପ୍ତ  ହିନ୍ଦୀ ଶିକ୍ଷକ ମୁଖ୍ୟ ବକ୍ତା ଭାବେ ସଦାଶିବ କର ମଞ୍ଚା ସିନ ରହି ହିନ୍ଦୀ ଭାଷା ର ମହତ୍ତ୍ଵ କୁ ନେଇ ପୁର ପଲ୍ଲୀ ରେ ତାର ପ୍ରଚାର ପ୍ରସାର ପାଇଁ ଆହ୍ବାନ ଦେଇଥିଲେ।କାର୍ଯ୍ୟକ୍ରମ କୁ ସୁଚାରୁ ରୁପେ ବଳରାମ ସାହୁ ଦାୟିତ୍ୱ ତୁଲାଇଥିଲେ।ପ୍ରତି ବର୍ଷ ପରି ଚଳିତ ବର୍ଷ ମଧ୍ୟ ଅବସର  ଗ୍ରହଣ କରିଥିବା ବ୍ଲକ ର ଦୁଇ ହିନ୍ଦୀ ଶିକ୍ଷକ ସଚ୍ଚିଦାନନ୍ଦ ଧରୁଆ ଓ ଦୟାନିଧି ନାଏକ ଙ୍କୁ ଉପଢୌକନ ଓ ମାନପତ୍ର ଦେଇ ସମ୍ବର୍ଦ୍ଧିତ କରାଯାଇ ଥିଲା।ସେହିପରି ବିଚାରକ ଭାବେ ସଙ୍ଗୀତ ରେ ରଶ୍ମିତା ବାରିକ ଓ ବାବୁଲାଲ ପ୍ରଧାନ,ପ୍ରବନ୍ଧ ରେ ଗଣପତି ଦାସ ଓ ତୃପ୍ତିମୟୀ ଦାସ ଓ ତର୍କ ରେ ଅଶୋକ ପାଣିଗ୍ରାହୀ ଓ ପବିତ୍ର ପ୍ରଧାନ ଦାୟିତ୍ୱ ତୁଲାଇଥିବା ବେଳେ   ତର୍କ ରେ ହିର୍ଲି ପାଲି ହାଇସ୍କୁଲ ର ଦଶମ ଶ୍ରେଣୀ ଛାତ୍ରୀ  ପ୍ରତୀକ୍ଷା ସାହୁ ପ୍ରଥମ,ଟାଙ୍ଗର ପାଲି ହାଇସ୍କୁଲ ର ମେଘା ବିଶି ଦ୍ଵିତୀୟ,ଲରାସରା ହାଇସ୍କୁଲ ର ସାଧନା କୁମ୍ଭାର ତୃତୀୟ  ସ୍ଥାନ ଅଧିକାର କରିଥିବା ବେଳେ ସଙ୍ଗୀତ ରେ କୁଲୁଣ୍ଡା ହାଇସ୍କୁଲ ର ନବମ ଶ୍ରେଣୀ ଛାତ୍ରୀ କୁସୁମ ଭୁଏ(ପ୍ରଥମ), ହିର୍ଲୀ ପାଲି ହାଇସ୍କୁଲ ର ରାଶି ସେଠ୍ (ଦ୍ଵିତୀୟ)ଓ ଲରାସରା ହାଇସ୍କୁଲ ର ଅଭିଜିତ ଗାଏ ଗରିଆ(ତୃତୀୟ) ସ୍ଥାନ ଅଧିକାର କରିଛନ୍ତି।ସେହିପରି ପ୍ରବନ୍ଧ ରେ ଲରାସରା ହାଇସ୍କୁଲ ର ଦଶମ ଶ୍ରେଣୀ ଛାତ୍ରୀ ହିମାଦ୍ରି କର୍ଣିଆ ଭୋଇ(ପ୍ରଥମ),ଜହ୍ନା ପଡ଼ା ହାଇସ୍କୁଲ ର ନବମ ଶ୍ରେଣୀ ଛାତ୍ରୀ ଗୁଞ୍ଜନ ପ୍ରଧାନ(ଦ୍ଵିତୀୟ) ଓ ରେଙ୍ଗାଲି ହାଇସ୍କୁଲ ର ଦଶମ ଶ୍ରେଣୀ ଛାତ୍ରୀ ଗଙ୍ଗୋତ୍ରୀ ଦାଶ ତୃତୀୟ ସ୍ଥାନ ଅଧିକାର କରିଥିଲେ । ସମସ୍ତ କୃତି ଛାତ୍ର ଛାତ୍ରୀ  ଙ୍କୁ ମାନପତ୍ର ଦେଇ ସମ୍ବର୍ଦ୍ଧିତ କରାଯାଇଥିଲା।ପରି ଶେଷରେ ସଚ୍ଚିଦାନନ୍ଦ ପ୍ରଧାନ ଧନ୍ୟବାଦ୍ ଅର୍ପଣ କରିଥିଲେ ।ବ୍ଲକ ର   ସମସ୍ତ   ହିନ୍ଦୀ ଶିକ୍ଷକ, ଶିକ୍ଷୟିତ୍ରୀ  ଓ  ବିଦ୍ୟାଳୟ ର ସମସ୍ତ ଶିକ୍ଷକ,ଶିକ୍ଷୟିତ୍ରୀ ଓ କର୍ମଚାରୀ ମାନଙ୍କ ସକ୍ରିୟ ସହଯୋଗ ରହିଥିଲା।