19-Aug-2024

ବରଗଡ଼:(ନିରଞ୍ଜନ ତ୍ରିପାଠୀ)-ନିଶା ସମାଜ ର ଏକ ବଡ ବ୍ୟାଧି ।ନିଶାକୁ ମଣିଷ ଖାଏ ନାହିଁ । ମଣିଷକୁ ନିଶା ଖାଇଥାଏ। ଥରେ ନିଶା କବଳରେ କବଳିତ ହେଲେ ମଣିଷ ଆଉ ସହଜ ରେ ମୁକୁଳି ପାରେନା । ତେଣୁ ନିଶା ନିବାରଣ ସମାଜ ପାଇଁ ମଙ୍ଗଳ ଏହି ବାର୍ତ୍ତାକୁ ନେଇ ସମ୍ବାଦ ତରଫରୁ ଆୟୋଜିତ  ସାମୁହିକ ରକ୍ଷାବନ୍ଧନ ଅବସର ରେ ଭଉଣୀ ମାନେ ଭାଇ ମାନଙ୍କ ହାତରେ ରାକ୍ଷୀ ବାନ୍ଧି ନିଶା ନିବାରଣ ପାଇଁ ଶପଥ କରାଇଥିଲେ । ବରଗଡ଼ ପୌର ପରିଷଦ ଅନ୍ତର୍ଗତ ରାଣା ପ୍ରତାପ ହାଇସ୍କୁଲ ପରିସର ରେ ସୋମବାର ଅନୁଷ୍ଟିତ ଏହି କାର୍ଯ୍ୟକ୍ରମ ରେ ବିଦ୍ୟାଳୟର ଶିକ୍ଷୟିତ୍ରୀ ମାନେ ଉପସ୍ଥିତ ଅତିଥି ମାନଙ୍କୁ ରକ୍ଷା ବନ୍ଧନ କରିବା ସହ ଛାତ୍ରୀ ମାନେ ନିଜ ଭାଇ ଛାତ୍ର ମାନଙ୍କ ହାତରେ ସାମୁହିକ ରାକ୍ଷୀ ବାନ୍ଧି ଥିଲେ ।ଏହି ଅବସରରେ ଭାଇ ମାନେ ନିଜକୁ ନିଶା ଠାରୁ ଦୂରେଇ ରଖିବା ପାଇଁ ଭଉଣୀ ମାନଙ୍କୁ ପ୍ରତିଶ୍ରୁତି ଦେବା ସହ ଶପଥ କରିଥିଲେ । ଏହି କାର୍ଯ୍ୟକ୍ରମରେ ସମ୍ବାଦ ସାହିତ୍ୟ ଘରର ସଭାପତି ମନୋରଂଜନ ସାହୁ ,ସମ୍ପାଦକ ଡ଼ ରବିନାରାୟଣ ସାହୁ ଉପ ସଭାପତି ସର୍ଦ୍ଦାର ପ୍ରିତମ ସିଂ ବରିଷ୍ଠ ସଦସ୍ୟ ଡ. ଡୋଳାମଣି ଶତପଥି, ସୁବାସ ସାହୁ,
ସାମ୍ବାଦିକ ତୁଳସୀ ଚରଣ ଦାଶ,କପିଲ ବାଗ ,ସୁନୀତା ମିଶ୍ର,ବବିତା ନାଏକ,ତପସ୍ଵିନୀ ତ୍ରିପାଠୀ ,ସାମାଜିକ କର୍ମୀ ରାଜ୍ କୁମାର ବାଞ୍ଛୋର ସୁଦର୍ଶନ ବାରିକ ନନ୍ଦିତା ସାହୁ ,ବାସମତି ବଞ୍ଛୋର୍ ପ୍ରମୁଖ ଅତିଥି ଗଣ ଉପସ୍ଥିତ ରହି ନିଶା ନିବାରଣ ପାଇଁ ଆରମ୍ଭ ହୋଇଥିବା ଏହି ଉଦ୍ୟମକୁ ଭୂୟସୀ ପ୍ରଶଂସା କରିବା ସହ ଭାରତ ବର୍ଷ ନିଶା ମୁକ୍ତ ଦେଶ ହେଉ ବୋଲି ମତ ପ୍ରକାଶ କରିଥିଲେ। ପରି ଶେଷରେ ଗୋପବନ୍ଧୁ ପୁରୋହିତ ଧନ୍ୟବାଦ୍ ଅର୍ପଣ କରିଥିଲେ ।