16-Aug-2024

ବୀରମହାରାଜପୁର,  (ବିନୋଦ ପାଣ୍ଡେ):ସୁବର୍ଣ୍ଣପୁର ଜିଲ୍ଲା ବିରାମହରାଜପୁର ବ୍ଲକ ଲୁତୁରପଙ୍କ ପଞ୍ଚାୟତ ଅନ୍ତର୍ଗତ ପୁରୁଷୋତ୍ତମପାଳି ଗାଁରେ ଡାଇରିଆ ରେ  ଆକ୍ରାନ୍ତ ହୋଇ ଜଣକ ର ମୃତ୍ୟୁ ହୋଇ ଯାଇଥିବା ବେଳେ   ୮ ଜଣ ଆକ୍ରାନ୍ତ ହୋଇଥିବା ସୂଚନା ମିଳିଛି l ମୃତକ ହେଲେ ଉକ୍ତ ଗ୍ରାମର  ଦେବରାଜ ବେହେରା (୬୪) ଗତ ୧୩ତାରିଖ ରେ ଅତ୍ୟଧିକ ଝାଡା ବାନ୍ତି ହେବାରୁ ପ୍ରଥମେ ବିରାମହରାଜପୁର ପରେ ସୁବର୍ଣ୍ଣପୁର ମୁଖ୍ୟ ଚିକିତ୍ସାଲୟ କୁ ନିଆ ଯାଇଥିଲା। କିନ୍ତୁ ଗତ କାଲି ଚିକିତ୍ସାଧୀନ ଅବସ୍ଥାରେ ତାଙ୍କର ମୃତ୍ୟୁ ହୋଇଯାଇଛି। ତେବେ ଆଜି ସକାଳୁ ମୃତ ପରିବାରଙ୍କ ୪ଜଣ ସଦସ୍ୟ ଏବଂ ଗାଁ ରଅନ୍ୟ ପରିବାର ର ୪ ଜଣ ଆକ୍ରାନ୍ତ ହୋଇ ଡାକ୍ତରଖାନା ରେ  ଚିକିତ୍ସାଧୀନ ଅଛନ୍ତି  l ଆକ୍ରାନ୍ତ  ମଧ୍ୟରୁ ଦୁଇ ଜଣ ନାବାଳକ ହୋଇଥିବା ଜଣା ପଡିଛି । ଖବର ପାଇ ବ୍ଲକ ଉପାଧ୍ୟାକ୍ଷ ନାରାୟଣ ଲୁହା ଓ ଡାକ୍ତରି ଟିମ ଗାଁରେ ପହଁଚି ଗ୍ରାମବାସୀ ଙ୍କୁ ସଚେତନତା କରିବା ସହ ଆକ୍ରାନ୍ତ ଙ୍କ ସ୍ୱାସ୍ଥ୍ୟ ଅବସ୍ଥା ଯାଞ୍ଚ  କରିଛନ୍ତି  l ସେହିଭଳି ଅଙ୍ଗନ ବାଡ଼ି କର୍ମୀ ସ୍ୱାସ୍ଥ୍ୟ କର୍ମୀ ଆଶା କର୍ମୀ ଘରକୁ ଘର ବୁଲି ଲୋକଙ୍କ ସ୍ୱାସ୍ଥ୍ୟ ଅବସ୍ଥା  ବୁଝିବା ସହ ସଚେତନତା କରାଉଛନ୍ତି l  ଆଜି ସନ୍ଧ୍ୟା ସୁଦ୍ଧା ମିଳିଥିବା ସୂଚନା ଅନୁସାରେ ୪ ଜଣ ଆକ୍ରାନ୍ତ ସୁବର୍ଣ୍ଣପୁର ଜିଲ୍ଲା ମୁଖ୍ୟ ଚିକିତ୍ସାଳୟରେ ଚିକିତ୍ସିତ ହେଉଥିବାବେଳେ ଅନ୍ୟ ୨ ଜଣ ଆକ୍ରାନ୍ତ ମୁର୍ଷୁଣ୍ଢି ସ୍ୱାସ୍ଥ୍ୟକେନ୍ଦ୍ରରୁ ଚିକିତ୍ସିତ ହୋଇ ଘରକୁ ଫେରିଥିବା ଜଣାପଡ଼ିଛି। ଅନ୍ୟ ଦୁଇ ଜଣ ଆକ୍ରାନ୍ତ ଗାଁରେ ରହି ଔଷଧ ସେବନ କରିବା ପରେ ସୁସ୍ଥ ଥିବା ଜଣାପଡ଼ିଛି।ସେପଟେ ପୁରୁଷୋତ୍ତମପାଳି ଗାଁରେ ଡାଇରିଆ ନିୟନ୍ତ୍ରାଧୀନ ଥିବା କହିଛନ୍ତି ମୁର୍ଷୁଣ୍ଢୀ ସ୍ୱାସ୍ଥ୍ୟକେନ୍ଦ୍ର ର ଡାକ୍ତର ଶିବାନନ୍ଦ ଚାଉଳିଆ ଓ ଆୟୁଷ ଡାକ୍ତର  ନିରୁପମା ମହାପାତ୍ର ସୂଚନା ଦେଇ ଥିବା ବେଳେ  ଉପାଧ୍ୟକ୍ଷ  ନାରାୟଣ ଲୁହା ମୃତକ ଙ୍କ ପରିବାର ବର୍ଗ ଙ୍କୁ ଆର୍ଥିକ ସହାୟତl ପ୍ରଦାନ କରିଛନ୍ତି।