16-Aug-2024

ବଲାଙ୍ଗୀର 》 ସାରା ଭାରତରେ ୭୮ତମ ସ୍ଵାଧୀନତା ଦିବସ ପାଳନ କରୁଥିବା ଅବସରରେ ବଲାଙ୍ଗିର ସ୍ଥିତ ଜେ ଏସ୍ ଏମ୍ କଳା , ବିଜ୍ଞାନ ଓ ବାଣିଜ୍ୟ ମହାବିଦ୍ୟାଳୟରେ ମଧ୍ୟ ଦେଶ ପ୍ରତି ସମ୍ମାନ ଓ ସ୍ଵାଧୀନତା ସଂଗ୍ରାମୀ ମାନଙ୍କ ବଳିଦାନକୁ ସ୍ମରଣ କରିବା ସହିତ ଅତି ଆନନ୍ଦ ଓ ଉଲ୍ଲାସର ସହ ସ୍ଵାଧୀନତା ଦିବସ ପାଳନ  ହୋଇଅଛି ।  ଉକ୍ତ କାର୍ଯ୍ୟକ୍ରମରେ ସ୍ଥାନୀୟ ଡାକ୍ତର ରୁଦ୍ର ନାରାୟଣ ପଟେଲ (ସ୍ତ୍ରୀ ରୋଗ ଏବଂ ପ୍ରସୂତି ବିଶେଷଜ୍ଞ, ବଲାଙ୍ଗୀର)

ମୁଖ୍ୟ ଅତିଥି ଭାବରେ ଉପସ୍ଥିତ ରହି ଛାତ୍ରଛାତ୍ରୀମାନଙ୍କ ସହିତ ଜାତୀୟ ପତାକା ଉତ୍ତୋଳନ କରିଥିବା ସମୟରେ କଲେଜର  ଉପଦେଷ୍ଟା ମନୋରଞ୍ଜନ ସାହୁ, କଲେଜର ନିର୍ଦ୍ଦେଶକ ପୀତବାସ ପଣ୍ଡା, ଚେୟାରମେନ ସି.ଏ ଶ୍ରୀକାନ୍ତ ଶର୍ମା, ଶ୍ରୀମତୀ ସୁମନ୍ ଶର୍ମା ପୁଣି ଅଧ୍ୟକ୍ଷ ଡ. ଦିବ୍ୟ କିଶୋର ପ୍ରଧାନ ମଞ୍ଚାସୀନ ହୋଇଥିଲେ |
   ମୁଖ୍ୟ ଅତିଥି ନିଜ ସମ୍ଭାଷଣରେ ଛାତ୍ରଛାତ୍ରୀମାନଙ୍କୁ ଉତ୍ସାହ ପ୍ରଦାନ କରିବା ସହିତ  "ରାଷ୍ଟ୍ର ନିର୍ମାଣ ପାଇଁ ଯୁବକଙ୍କୁ ସଶକ୍ତିକରଣର ଆବଶ୍ୟକତା "ଉପରେ ଏକ ଭାବପ୍ରବଣ ବକ୍ତୃତା ପ୍ରଦାନ କରିଥିଲେ। ପୁଣି  ସମସ୍ତ ଅତିଥି ବୃନ୍ଦ ଆପଣା ଆପଣା ଭାଷଣ ପ୍ରଦାନ କରିବା  ପରେ ସ୍ଵାଧୀନତା ଦିବସ ଉପଲକ୍ଷେ ହୋଇଥିବା ବିଭିନ୍ନ ପ୍ରତିଯୋଗିତାର ଉତ୍ତୀର୍ଣ୍ଣ ଛାତ୍ରଛାତ୍ରୀମାନଙ୍କୁ ସାର୍ଟିଫିକେଟ ଓ ପୁରଷ୍କାର ବିତରଣ କରାଯାଇ ଥିଲା |
ସ୍ଵାଧୀନତା ଦିବସ ପାଳନ କାର୍ଯ୍ୟକ୍ରମ ପରେ ପଟଣାଗଡ ଛକ ସ୍ଥିତ ଦୂର୍ଗା ମନ୍ଦିର ସମ୍ମୁଖରେ ରହିଥିବା ଭେଣ୍ଡିଙ୍ଗ୍ ଜୋନ ଠାରେ ଆମ ଦେଶର ସ୍ୱାଧୀନତା ସଂଗ୍ରାମୀ ଏବଂ ସୈନିକମାନଙ୍କ ଶ୍ରଦ୍ଧାଞ୍ଜଳି ଓ ସମ୍ମାନ ଉଦ୍ଦେଶ୍ୟରେ ଛାତ୍ରଛାତ୍ରୀମାନଙ୍କ ଦ୍ୱାରା ଏକ ଷ୍ଟ୍ରିଟ୍ ସୋ ଓ ସାଂସ୍କୃତିକ କାର୍ଯ୍ୟକ୍ରମର ଆୟୋଜନ ହୋଇଥିଲା | ଉକ୍ତ କାର୍ଯ୍ୟକ୍ରମରେ ଅତିଥିମାନେ ଯଥା  ପ୍ରତାପ ରଥ, ଅବସରପ୍ରାପ୍ତ ସେନା ଅଧିକାରୀ ସନ୍ଦୀପ କୁମାର କୁଅଁର, ଅଭିମନ୍ୟୁ ରାଧା ସାର୍  (ପୋଲିସ ବିଭାଗ) ସହ ଅନ୍ୟ

ସମ୍ମାନୀତ ବ୍ୟକ୍ତି ବିଶେଷ ଉପସ୍ଥିତ ରହି ପିଲାମାନଙ୍କୁ ଉତ୍ସାହ ପ୍ରଦାନ କରିଥିଲେ l ପିଲାମାନଙ୍କ ଦ୍ୱାରା ଅନେକ ଦେଶପ୍ରେମୀ ଗୀତ ଓ ନୃତ୍ୟ କରିବା ସହିତ ଏକ ନାଟକ ମଧ୍ୟ ପରିବେଷଣ କରିଥିଲେ | 
  ଶେଷରେ କଲେଜ ଚେୟାରମେନ ସି.ଏ ଶ୍ରୀକାନ୍ତ ଶର୍ମା ଅତିଥିମାନଙ୍କୁ ଉତ୍ତରୀୟ ପ୍ରଦାନ କରି ସମ୍ମାନିତ କରିଥିଲେ ପୁଣି ଅଧ୍ୟକ୍ଷ ଡ. ଦିବ୍ୟ କିଶୋର ପ୍ରଧାନ ଧନ୍ୟବାଦ ପ୍ରଦାନ କରିଥିଲେ|