15-Aug-2024

ବରଗଡ଼:/ବିଜେପୁର(ନିରଞ୍ଜନ ତ୍ରିପାଠୀ)-ବରଗଡ଼ ଜିଲ୍ଲା ବିଜେପୁର ହାଇସ୍କୁଲ ପଡିଆଠାରେ ବ୍ଲକସ୍ତରୀୟ ୭୮ତମ ସ୍ୱାଧୀନତା ଦିବସ ମହାସମାରୋହରେ ପାଳିତ ହୋଇଯାଇଛି।ମାନ୍ୟବର ବିଜେପୁର ନିର୍ବାଚନ ମଣ୍ଡଳୀର ବିଧାୟକ ସନତ କୁମାର ଗଡତୀୟା ମୁଖ୍ୟ ଅତିଥି ଭାବେ ଯୋଗଦାନ କରି ସାମୁହିକ ପ୍ୟାରେଡରେ ଅଭିବାଦନ ଗ୍ରହଣ କରିବା ଉଦବୋଧନ ଦେଇଥିଲେ।ଦେଶର ସ୍ୱାଧୀନ ସଂଗ୍ରାମରେ ଝାସ ଦେଇଥିବା ବରପୁତ୍ର ମାନଙ୍କ ଉଦ୍ଦେଶ୍ୟରେ ମତବ୍ୟକ୍ତ କରିବା ସହ ଦେଶର ଏକତା ଏବଂ ଅଖଣ୍ଡତାକୁ ବଜାୟ ରଖିବାକୁ ଉପସ୍ଥିତ ଛାତ୍ରଛାତ୍ରୀ ତଥା ଜନସାଧାରଣଙ୍କୁ ସମ୍ବୋଧିତ କରିଥିଲେ। ସ୍ୱାଧୀନତା ଦିବସ ଅବସରରେ ପୂର୍ବରୁ ଅନୁଷ୍ଠିତ ବିଭିନ୍ନ ସଙ୍ଗୀତ, ବକୃତା ପ୍ରତିଯୋଗୀତାରେ ଅଂଶଗ୍ରହଣ କରିଥିବା କୃତି ଛାତ୍ରଛାତ୍ରୀ ମାନଙ୍କୁ ମାନ୍ୟବର ବିଧାୟକ ଏଇ ଭବ୍ୟ ସମାରୋହରେ ପୁରସ୍କୃତ କରିଥିଲେ।ପ୍ୟାରେଡରେ ବିଭିନ୍ନ ସ୍କୁଲ କଲେଜର ସର୍ବମୋଟ ୨୬ ଟି ଦଳ ଅଂଶଗ୍ରହଣ କରିଥିଲେ।ପ୍ୟାରଡ ର ବରିଷ୍ଠ ବିଭାଗରେ ବିଜେପୁର ମହାବିଦ୍ୟାଳୟର ଏନ୍.ସି.ସି ଗ୍ରୁପ, ବରିଷ୍ଠ ରେଡ଼କ୍ରସ ,ଉପବରିଷ୍ଠ ବିଭାଗରେସ ଜୁନିୟର ରେଡ଼କ୍ରସ୍ ସରକାରୀ ଉଚ୍ଚବିଦ୍ୟାଳୟ ବିଜେପୁର ଯୋଗ୍ୟ ବିବେଚିତ ହୋଇଥିଲେ। ସେହି ପ୍ୟାରେଡର କନିଷ୍ଠ ବିଭାଗରେ ଶଙ୍କର୍ଷଣ ଟିଓୟୁପି ବାଳିକା ଟ୍ରୁପ୍,ଉପ କନିଷ୍ଠ ବିଭାଗରେ ରେଡିଏନ୍ସ ଶିକ୍ଷାନୁଷ୍ଠାନ ବିଜେତା ହୋଇଥିଲେ। ଶୃଙ୍ଖଳାରେ ରେଡିଏସନ୍ସ ଶିକ୍ଷାନୁଷ୍ଠାନର ବାଳିକା ବିଭାଗ ଓ ପୋଷାକ ରେ ଶଙ୍କର୍ଷଣ ଟିଓୟୁପି ସ୍କୁଲ ଯୋଗ୍ୟ ବିବେଚିତ ହୋଇଥିଲେ। ଉକ୍ତ ଯୋଗ୍ୟ ବିବେଚିତ ଦଳ ମାନଙ୍କୁ ମାନ୍ୟବର ବିଧାୟକ ଶ୍ରୀ ଗଡତୀୟା ଟ୍ରଫି ଓ ମାନପତ୍ର ଦେଇ ପୁରସ୍କୃତ କରିଥିଲେ।ବିଚାରକ ଭାବେ ପୋଲିସ ଅଧିକାରୀ, ଅଗ୍ନିଶମ ଅଧିକାରୀ ଏବଂ ବନ ବିଭାଗୀୟ ଅଧିକାରୀ ଦାୟିତ୍ଵ ତୁଲାଇଥିଲେ। ବିଜେପୁର ଗୋଷ୍ଠୀ ଉନ୍ନୟନ ଅଧିକାରୀ ଶ୍ରୀଯୁକ୍ତ ସରୋଜ କୁମାର ବିଶ୍ଵାଳ ଏଇ ପବିତ୍ର ୭୮ତମ ସ୍ୱାଧୀନତା ଦିବସରେ ସଭାପତିତ୍ବ କରିଥିଲେ। ବରିଷ୍ଠ

ନାଗରିକ ସଂଘର ଡା.ତହସିଲ ସାହୁ, ଅଜିତ କୁମାର ସାହୁ, ଅଧ୍ୟକ୍ଷ ପ୍ରଦୀପ ମିଶ୍ର, ଅଧ୍ୟାପକ ସାନନ୍ଦ ସେଠ୍, ଏନ.ସି.ସି ଅଫିସର, ସାମ୍ବାଦିକ ପାଣ୍ଡବ ପଧାନ ପ୍ରମୁଖ ଙ୍କ ସମେତ ବିଭିନ୍ନ ସରକାରୀ କାର୍ଯ୍ୟାଳୟର ଅଧିକାରୀ, ଅଧ୍ୟାପକ ଅଧ୍ୟାପିକାବୃନ୍ଦ,ଶିକ୍ଷକ, ଶିକ୍ଷୟିତ୍ରୀ ବୃନ୍ଦ, ବରିଷ୍ଠ ନାଗରିକ ତଥା ବୁଦ୍ଧିଜୀବୀ ଜନସାଧାରଣ ଉପସ୍ଥିତ ଥିଲେ।ସି.ଆର.ସି.ସି ନବୀନ ସାହୁ, ସୁଧାଂଶୁ ଶେଖର ଜାଲ, ପ୍ରଭାତ ରଞ୍ଜନ ସାହୁ ପରିଚାଳନାରେ ସହଯୋଗ କରିଥିଲେ।ପରେ ବିଜେପୁର ଗୋଷ୍ଠୀ ସ୍ୱାସ୍ଥ୍ୟକେନ୍ଦ୍ର ଓ ପାର୍ବତୀ ଗିରି ଅନାଥାଶ୍ରମକୁ ଯାଇ ଫଳମୂଳ ଓ ଶୁଖିଲା ଖାଦ୍ୟ ବଣ୍ଟନ କରାଯାଇଥିଲା।