04-Aug-2024

ବୀରମହାରାଜପୁର, (ବିନୋଦ ପାଣ୍ଡେ ): ସୁବର୍ଣ୍ଣପୁର ଜିଲ୍ଲା ବୀରମହାରାଜପୁର ଥାନା ଅନ୍ତର୍ଗତ ଦୁର୍ଜନତୈଲା ଠାରେ ଗଛିତ ଥିବା କେନ୍ଦୁପତ୍ର ଜବତ ଜବତ ହୋଇଛି।  ସୁବଳୟା ଓ ଉଲୁଣ୍ଡା ବନବିଭାଗ ଙ୍କ ମିଳିତ ଆନୁକୂଲ୍ୟରେ ଚଢ଼ାଉ କରି ଉକ୍ତ ଚୋରା କେନ୍ଦୁପତ୍ର ଜବତ କରି  ବିଭାଗ କୁ ହସ୍ତାନ୍ତର କରିଥିବା ଜଣାଯାଇଛି l ମିଳିଥିବା ସୂଚନା ଅନୁସାରେ ଉଲୁଣ୍ଡା ବନବିଭାଗ କୌଣସି ସୂତ୍ରରୁ ଖବରପାଇ ସୁବଳୟା ବନବିଭାଗ କୁ ଖବର ଦେଇଥିଲା l ବୀରମହାରାଜପୁର ବ୍ଲକ ଦୁର୍ଜନତୈଲା ଗାଁ ରେ ଗୋଟିଏ ଗାଈ ଗୁହାଳ ରେ ଚୋରା କେନ୍ଦୁପତ୍ର ବେପାରୀ ମାନେ ଗୁଦାମ କରି କେନ୍ଦୁପତ୍ର ଗଛିତ କରି ରଖିଥିବା ଖବରପାଇ ବନବିଭାଗ ଚଢ଼ାଉ କରିଥିଲା l ଗୁଦାମ ରେ ମୋଟ ୨୨କୁଇଣ୍ଟାଲ ୬୦କେଜି ଓଜନ ର ୪୫୨  ବିଡା ଜବତ କରିଥିବା ସୂଚନା ଦେଇଛି ବନବିଭାଗ l ସୁବଳୟା ବନବିଭାଗ ରେଞ୍ଜର ଅବିନାଶ ବରିହା ଙ୍କ ନିର୍ଦେଶ କ୍ରମେ ବନପାଳ ଅଜୟ ବାରା ଙ୍କ ତତ୍ଵାଧନା ରେ ବନରକ୍ଷୀ ନିରଞ୍ଜନ ପଧାନ ଓ ବନବିଭାଗ ର କର୍ମଚାରୀ ମାନଙ୍କ ସହ ଉଲୁଣ୍ଡା ରେଞ୍ଜର ସଂଜୀବ ରାଉତ ଉପସ୍ଥିତ ରହି ଚଢ଼ାଉରେ ସାମିଲଥିଲେ l କେନ୍ଦୁପତ୍ର ବିଡା ଗୁଡିକ ରେଢ଼ାଖୋଲ କେନ୍ଦୁପତ୍ର ଡିଭିଜନ ର ଅମରପାଲି ସ୍ଥିତ ବହଳପଦର କେନ୍ଦୁପତ୍ର ରେଞ୍ଜ କୁ ଆଣି ହସ୍ତାନ୍ତର କରିଥିବା ବନପାଳ ଅଜୟ ବାରା ସୂଚନା ଦେଇଛନ୍ତି l