28-Jul-2024

ଆଗଲପୁର, (ପ୍ରେରଣା ଖବର) ଆଗଲପୁର ବ୍ଲକ ର ଆଗଲପୁର ସାଲେଭଟା ରାସ୍ତା ମଝିରେ ଥିବା ଚେପ୍ଟି ମୁହାଣ ଠାରୁ ଉପରବାହାଲ ଭାୟା ନୁଆପାଲି କୁ ସଂଯୋଗ କରୁଥିବା ପ୍ରଧାନମନ୍ତ୍ରୀ ସଡ଼କ ଯୋଜନା ରେ ନୂତନ ଭାବରେ ପ୍ରଶସ୍ତି କରଣ କାମ ଚାଲୁଅଛି l ପ୍ରଶସ୍ତି କରଣ ପାଇଁ ରାସ୍ତାର ଉଭୟ ପାର୍ଶ୍ବରେ ମାଟି ପକା ଯାଇ କାମ ଚାଲୁଅଛି। ହେଲେ ଏହି ପ୍ରଶସ୍ତି କରଣ କାମ ହେବାଦ୍ବାରା ରାସ୍ତାର ଉଭୟ ପାର୍ଶ୍ବରେ ଥିବା କର ନାଳା ପୋତି ହୋଇ ଯାଇଛି l ଫଳରେ ଚାଷୀଙ୍କ ଜମି କୁ କେନାଲ ଯିବାରେ ସମସ୍ୟା ଦେଖା ଦେଇଛି l ଯଦ୍ୱାରା ଚାଷୀମାନେ କେନାଲ ପାଣି ପାଇବାରୁ ବଞ୍ଚିତ ହୋଇଛନ୍ତି l ଠିକାଦାର ଓ ବିଭାଗୀୟ ଯନ୍ତ୍ରୀ ଙ୍କୁ ଜଣାଇଲା ପରେ ମଧ୍ୟ କେନାଲ ରୁ ମାଟି ଉଠା ଯାଉ ନାହିଁ l ଫଳରେ ଚାଷୀମାନେ ତୀବ୍ର ଅସନ୍ତୋଷ ପ୍ରକାଶ କରିଛନ୍ତି। ତା ସଙ୍ଗେ ସଙ୍ଗେ ରାସ୍ତା ରେ ମାଟି ପକାଯାଇ ଥିବାରୁ ସବୁ ମାଟିତକ ବର୍ଷାରେ ଚାଷ ଜମି ରେ ପୋତି ହୋଇଯାଉଛି। ରାସ୍ତା ର ଉଭୟ ପାର୍ଶ୍ବରେ ସିମେଣ୍ଟ କାନ୍ଥ ଦେବାକୁ ଦାବି କରିଛନ୍ତି l

କିଛି ଜାଗାରେ ସିମେଣ୍ଟ କାନ୍ଥ ତିଆରି କରା ଯାଇଛି ହେଲେ ରାସ୍ତା ଅତି ଉଚ୍ଚ ହୋଇଥିବାରୁ ମାଟି ସବୁ ଜମି ରେ ପୋତି ହେବାର ସମ୍ଭାବନା ଦେଖା ଦେଇଛି l ତେଣୁ ରାସ୍ତାର ଉଚ୍ଚତା ଅନୁଯାୟୀ ସିମେଣ୍ଟ କାନ୍ଥ ତିଆରି କରିବାକୁ ଦାବି କରିଛନ୍ତି l ତେଣୁ ବିଭାଗୀୟ ଅଧିକାରୀ ଯଥାଶୀଘ୍ର ଏ ଦିଗରେ ଦୃଷ୍ଟିଦେଇ ଉଚିତ୍ ପଦକ୍ଷେପ ନେବାକୁ ଦାବି ହେଉଛି। ବର୍ତ୍ତମାନ ଚାଷ କାମ ଚାଲିଥିବା ବେଳେ ଏ ସବୁ ସମସ୍ୟା ଦେଖି ଚାଷୀ ଚିନ୍ତାରେ ପଡ଼ି ଗଲେଣି l ତେଣୁ ଆଗାମୀ ଦିନରେ ତୁରନ୍ତ ଆବଶ୍ୟକ ପଦକ୍ଷେପ ନେବାକୁ ଲୋକେ ଦାବି କରିଛନ୍ତି l